الأم ديال هناء وبخاتها مزيان على هادشي و العقوبة ديالها حرماتها من المصروف لكانت شوية كتحيد بيه الإحراج مع ريان حيت تافقات معاه تبقى تخلص فطورها راسهاباش مايشفقش عليها و دابا غتضطر تخليه يخلص عليها لمهم جا نهار ليكيفطرو فيه بجوج و مشاو للقهوة و هي ممرتاحاش طلبو الفطور فطرو و سلاو من بعد ما دازت الجلسة في الرومانسية الخاوية ديال ريان و السداجة ديال هناء ليخلاتها تيقو من بعد ما سلات دارت راسها نسات البزطام و هو فرح فرحة خبيثة حيت غايخلص عليها باش يوصل الهدف ديالو . خرجو مشاو للسيارة و بدا يتقرب منها باغي يبوسها و هي رفضات و هو دار راسو طلع ليه الدم و تعصب و بغا يلعب على العاطفة ديالها و قاليها-ريان (بعصبية و صراخ): نتي مكتبغينيش نتي كتستغلي حبي ليك شوفي حارماني من أبسط حقوقي بغيت نحس راسي راني في علاقة حب جدية ولكن نتي كاتفلاي-هناء (مصدومة):لاء ريان متقولش هاكا أنا كنحماق عليك و و ربي ليعالم و لكن حقوقك غادي نعطيهومليك منين نتزوجو في الحلالريان : و علاش أنا عاطيك حقوقك من دابا خدام عليك شيفور و مهلي فيك و ليبغيتيها نشريهاليك أنا علاش مخليتش لحتى لمور الزواج-هناء(بعد تفكير عميق و تذكرها تفاصيل علاقتها مع ريان ليحسات فيها بالأمان و الحب و الحنان و بطبيعة الحال مكتشوفش السلبيات ديالو حيت الحب عمالها عينيها):سمح ليا عندك الصح في كل كلمة قلتيها و أنا غنبرهن ليك بلي راني كنبغيك ماشي كنستغلك .و أخيرا ريان بدا كيحقق الأهداف ديالو و قريب يوصل الهدف ديالو الرئيسي .وصل ريان هناء للجامعة و تلاقات سناء ليولات علاقتهم باردة حيت ريان كيوسوس لهناء باش تبعد عليها . هدرو هدرة سطحية و خلو باش يقراودازت ليام و وصلات وقت الامتحانات دوزات هناء و سناء مع الأسف هناء المواد ليفاليدات مكفاوهاش باش تنجح و تطلع للسنة الثالثة و سقطات بينما سناء نجحات و نقاطعات العلاقة ديالهم فخطرة
