موجوعة يا أُمي

الجزء ١ ... بارت ٥

شجون

باوعلي سكت ... ارتبكت من كلامه
بابا اجه

كمنا وقعنا وبصمت

طلعنا من المحكمه
بابا ووسيم يتناقشون
اخذوني لمركز الشرطه اباوع دخيلك ياربي هنا شكو

لزمني بابا من ايدي دخلت وياهم
بلغوني اشتكي على اخوانج اخذ منهم تعهد عدم التعرض حتى يخافون يتقربولي

مصدومه بلكوه قنعوني
رحنا اشتكينا عرفت ح يدزون عليهم يوقعون

الشرطي الي يجيب البلاغ عمي يودي لبيتهم

بابا طلب من يرجع عبودي حتى الكل يتبلغ

رجعنا
تعبانه وخايفه نزلنا من السياره شفنا عمار يدخل لبيته
شافنا اني وبابا ووسيم

مااهتمينا اله من نزلت صاحني وسيم

وسيم: لاتخافين ماشي
شجون: على شنو اخاف اخذت املاكهم واشتكيت عليهم ومنتظرين عبودي حتى يستلمون البلاغ وتصير الكتله جماعيه واحد شعر واحد دفرات وواحد سجاجين وسهر للصبح طبعا عازمتك انت وجراح😂
وسيم: هههههههههههههه اطمأني احنه وياج واول المعازيم اني
شجون: هههه الله كريم ومشكور تعبناك ويانا
وسيم: ولو

اشر بايده لبابا وراح
دخلنا للبيت

شفت شيماء مسويه غده

شافت اصبعي بي بصمه

شيماء : هاي شنو وين جنتوا
شجون: حبابه شيماء لاتساليني تعبانه
شيماء: ليش عيونج مورمه شكو ولج
شجون: اهوووو ماتسكت شيماء
شيماء: اوك سكتنا بعدين من ترتاحين اعرف شبيج
شجون: رجلج بالبيت شفناه رجع
شيماء: لعد خلي اروح يله باي
شجون : باي

بعدين نغزتني بظهري خرعتني

شجون: اااه
شيماء: ترا بعدني ماعرفت مااسكت واله اعرف شبيج
شجون: ههههههه داامشي عابتلج

رحت للصاله همزين مغسلين ومبدلين

سالت ماما وبابا يتغدون
مارادوا غده

كل شي ماحجيت ويه ماما لان تعبانه
اخذت توته وحنوني
صعدت غرفتي محتاجه اكون وحدي

بلكوه قنعتهم ينامون الظهر

نمت وياهم

شوي فزيت مخترعه على ماما خطيه اتذكرت ع الكرسي كاعده

تتعب ماتحبه

نزلت اركض شفت بابا يصب غده
انقهرت عليهم اني صبيتلهم
اكلت وياهم بس مااحجي ويه امي بالموضوع
تعبانه عافتني براحتي

مرت الايام مااريد عبودي يرجع
اخاف منا
خلص الاسبوع رجع عبودي من ايران

الناس تجي تباركلنا والعروسه ياعيني كل ساعه تبدل وتنزل