موجوعة يا أُمي

الجزء ١ ... بارت ١

شجون

أسمي شجون
قصة حياتي من الصغر اعاني

أعرفكم على نفسي وعلى عائلتي

أني صف رابع أعدادي عندي ٤ أخوان
يعني أني البنت الوحيده لأهلي على ٤ أخوان
ألاحلى اني أصغر وحده من أخواني

أخ الكبير مهيمن مواليد 1980 وخريج علوم حاليا موظف
.........
أخ المتوسط محمد مواليد 1982وخريج تربيه حاليا استاذ جامعي
...........
أخ الثالث عمار مواليد 1986وخريج علوم قرأن حاليا مدرس
.........
الاخ الصغير والمزعج عبودي الخبل عبد الله مواليد 1989خريج هندسه ...مااعرف شلون طلع هندسه هو غبي طبعا موظف مشاكس اكيد... هههه شوهت سمعت عبودي من البدايه
........
أربع أخوه ربي يحفظهم والحمدلله والدي ووالدتي بالوجود ربي يخليهم

ماما مديرة مدرسه ومديره صارمه نظاميه
بابا صاحب شركة مواد انشائيه يعني كاسب
عائله بسيطه نظاميين
صح ماما مديرة مدرسه صارمه لكن وياي أحن أم بالدنيا مامقصره بالذات وياي بالحنان والمصرف
راتبها تخلصه عليه وعليها ..ماتتدخل بمصاريف البيت ولا باخواني كل همها أني
تخاف عليه من الهوى صح تحبني ومدللتني لكن بنفس الوقت مو صديقتي أخاف منها اتمنى احجي وياها على مشاعري وهمومي لكن ماأكدر اكو حاجز بينا
أحبها وأموت عليها والحلو بيها ماتجبرني على امور ماأحبها
براحتي وبرضاتي
قانونها ألي تگولي تسوين كدامي وكدام عيني احسن ماتروحين بدون علمي وتستغفلينا
...

اما بابا بابا أحبه هو رويحتي
قليل الكلام ماأعرف لويش لكن يحبني
أني كاسبته ألي من يرجع من شغله مدلل الغده الچاي مرات العصريه أحضرله ماعون فواكه
بالليل أمرغله رجليه حتى من اريد شي منا مايرفض ويوكف وياي
مرات أحس هو أحسن من ماما بأكثر من موضوع لكن مو معناها ماما مو زين ...
أوف ماأعرف شلون أوصللكم الفكره توصللكم بالأحداث الجايه ح تعرفون قصدي .

اما أخوتي اوووف اووووف اووووف اوووف اوووف والف مره اوف من أخوتي

معقدين مأذيني حياتي سعيده لكن هم سبب تعاستي وهمومي ومشاكلي
لاتروحين لاتجين لاتسوين لاتلبسين لااطلعين
خانكيني يعتقدون بهذه الطريقه يحافظون عليه مايعرفون يخنكوني ويأذوني

مهيمن ألاخ الاكبر زين وياي مزوج وعنده طفله أيه توته حبيبتي تخبل أموت عليها
عمرها شهرين وزوجته محبوبه ويانا اسمها نرجس ..ماعدها أذيه ويانا لكن نشك اكو مشاكل بينها وبين مهيمن
أهلي من النوع مايدخلون ابد بحياة اخواني ونسوانهم

مهيمن دائما يطلعني وياهم هو وزوجته ويسمعني اذا اريد أسولف ويهمه رأيي جدا يحترمني ويقدرني ويحبني
دائما يشتريلي ومرات يمنع أخواني من يقسون عليه وأهم نقطه يضرب عبودي اذا تقربلي
بنفس الوقت يحاسبني على حركاتي لكن بطريقه محترمه يخجلني
أما محمد الاخ الثاني هذا محمد نگول عليه مطفي حياته مرته فقط يموت عليها هي الهوى والماي وطبعا موحلوه ضعيفه للأسف الشديد
جدا ضعيفه ماما من قهرها منها تسميها عودة البيت 😁
وسمره وجها جاف وكلف
ماأعرف شلون ماما اقتنعت تخطبها والله لو اني منها ماأگلبها لكن هي ماتتدخل بأختياراتهم هم يختارون نسوانهم
محمد يحاسبني ومزعج لان مرته تقره براسه وتحشي علينا