موجوعة يا أُمي

الجزء ١ ... بارت ٦

شجون

وصلنا لمكان حلو هاديء كوفي
محد منتبه علينا من كاعدين وحدنا
اشوف كلها احباب والجو رومانسي
اني المابيه خير طلبت عصير برتقال مااحبه
استحيت اطلب غير شي

مستحيه منا اشوفه رجال جبير غريب عليه متبهذله
الله يسامحهم اخواني دافنيني بالحياة
طلبت يدخل بالموضوع نسولف بالنقاط الاساسيه

وسيم: مستعجله تريدين النقاط الاساسيه
شجون : اي مستعجله
وسيم : شجون كل اسراري محد يعرفها فقط مهيمن وراح مهيمن واسراري ماتت وياه
شجون : قصدك اطفال
وسيم : اي وغيرها اكيد
شجون : اني اعرف ماردت اجرحك ذاك اليوم
وسيم : ضحك كال مني السبب صح

استحيت وجهي صار احمر سكتت

وسيم: صحيح الكلام ومشكلتي حاليا نجلاء ماتريد نبقى تريد تعيش حياتها تزوج يصير عدها اطفال تضغط عليه ننفصل بس اني مااكدر اعيش بدونها احبها وكل حياتي
شجون: حقك تستاهل نجلاء فقيره وحبابه بس مامعقوله تريد تنفصل عنك

وسيم تحسر جر نفس
يسولف وياي ويوصف حبه لزوجته

وسيم : تذكرين من مات مهيمن اني اجيتكم بالليل ابجي مشتاق لمهيمن لان من نتعارك اني ونجلاء على موضوع الاطفال محد يبرد كلبي غير مهيمن ويصبرني
شجون: اذكر هذا اليوم بس ليش هذه المشاكل تره الاطفال مو كل شي
وسيم: صح لكن نجلاء تريد تصير أم تتمنى تصير أم
شجون: حقها زين منو يگول تزوج بعدك منو يجي يخطبها او منو يگول الله يرزقها باأطفال
وسيم: حلوه وحبابه الف واحد يتمناها

تحسر
شكد انقهرت عليه
ردت ابجي فدوه شلون يحبها
اووف كل واحد همه شكل

شجون: زين شنو الحل
وسيم: اذا أصرت ننفصل هي من اجتكم وشافت ابن عمار تعاركت وياي وصار يومين مشاكل
شجون: يعني شنو تريد معقوله تگولك طلكني شلون تتحمل تنطق هذه الكلمه انتوا يبينكم حب عظيم وحياتكم حلوه سعيدين
وسيم: ملت نجلاء تريد طفل
شجون: زين اني شلون اساعدك
وسيم: اني اريد اطلب منج تساعديني واساعدج
شجون: شلون
وسيم: شجون انتي اذا تتبنين اولاد مهيمن امهم تتنازل عنهم يسجلونه باسمج يعني تبني واذا انتي تتبنيين لازم
شجون: لازم ازوج والافضل ازوج وسيم صح

شكيت بالموضوع
فهمت من كلامه كلام ماما

شجون: اريد ارجع للبيت ومااسمع كل شي منك

وسيم باوعلي عصبي

وسيم: اسكتي خلي اكمل وافتهمي
شجون: وين عايشه بربك بمسلسل تركي مخابيل ازوجك واتبناهم اوف بابا ماسجل بأسمه يكدر يگول اني الوصي عليهم اكو ألف طريقه يعني اني صح اعتني بيهم بس مااريد ازوج بهذه الطريقه وسيم انت رجال متزوج ومرتك حبابه وصديقتي عيب عليه هيج اسوي اذا مشاكل بينكم هذه مو مشكلتي واذا هم مشاكل مو معناها تتخلى عنها ... وسيم تريد اكولك شي انت تحبني وتحب نجلاء وكمت تفكر بيه لاتنكر هذا الشي من الاغنيه وكلامك وتصرفاتك ونظراتك