موجوعة يا أُمي

الجزء ١ ... بارت ٩

شجون

تقرب اكثر غمضت عيوني ماكدرت اباوعله خجلانه
عرفت ح يبوسني

حسيت بأنفاسه على شفايفي
هوى يجنن يجي منا
بلحظتها فكرت هذا الشي مو ملكي نجلاء خطيه

رغم حبيت هذا الشي اكثر منا
فتحت عيني

سحبت ايدي من ايده ابتعدت منا

تركته ودخلت للمطبخ ماتحملت ابقى يمه

شفت بابا بالمطبخ حسيت شافنا
بوقتها كلبي يريد يطلع ويروح لوسيم يحضنه

شجون: ها بابا
جليل ؛ منو بالباب
شجون: وسيم

طلع بابا شاف وسيم يسد الماي الصونده

صبح على بابا راد يطلع بس بابا دخله اله يتريك ويانا
اباوعله من شباك بسكوت

رحت ركض على الطباخ بحجة اسوي چاي
دخلوا للمطبخ

جليل : باباتي حسبي حساب وسيم يتريك ويانه
شجون: اي بابا
جليل: من رخصتك وسيم اروح ابدل
وسيم: براحتك عمي

بقيت ساكته ومااقبل التفت عليه
اباوع على الچاي منتظرته يفور

وسيم: شجون

خجلانه جاوبته واني عيني على الطباخ

شجون: نعم
وسيم: تعاي اكعدي اريد اسلمج فد شي
شجون: شنو
وسيم: شبيج تعاي اكعدي

تقدم عليه لزم أيدي بحنيه عيني صارت بعينه
كعدنا ومااباوعله

شجون: شنو
وسيم : ماتوقعتج خجوله
شجون: شنو تريد وسيم

طلع من جيبه كمية فلوس

وسيم: هذا مصرفج انتي والجهال اعرف ترفضين وماتستقبليهن لكن مجبوره تاخذينه اني مسؤول عنكم من تحتاجين شي تتصلين عليه تبلغيني مايحتاج تفكرين لابأخوانج ولابعمي لان عمي متعوب واني موجود ماشي
شجون: ماشي بس فلوس مااحتاج لان بابا يصرف على البيت ويشتري كل شي اني اصلا مااحتاج الف واذا احتاج اتصل عليك
وسيم: اعرف مامحتاجه خليهن يمج هذا مصرف خاص بيج انتي واطفالنا

دخل عبودي علينا شافنا كاعدين غندب
اول مره بلاحجاب من وسيم...كدام اخواني

عبودي يباوع على الفلوس ويصبح علينا

شاورني

عبودي : اصعدي غير دشداشتج
اني: لا مااسوي هذا الشي لان ترخصت من بابا وقبل ... ترا زوجي كاعد وهم قابل انت شكو

دخل بابا للمطبخ

جليل: شكو
عبودي: لسانها زفر
جليل : ولكم من صبح مشاكل وعرك
وسيم: شجون اسكتي

خليته عصبي نار وطلع

جليل: شكو شنو صار
شجون: يطلب اغير دشداشتي واني رفضت
جليل: الله ياخذك اخذ العزيزه وعاف الهوايش