المقدمة .
قصة اليوم مختلفة نوعا ما كل الشخصيات الموجودة في القصة هي شخصيات حقيقية الاحداث تتضمن احداث واقعية . حقيقية مجبت شي من عندي بس طريقة السرد والحبكة
سنتكلم عن حياة فتيات اربعة عاصرن ذالك الوقت وماالرابط بينهما ومايجمعهما
ماريد افسد عليكم القصة بالشرح الطويل انتو هسة تكتشفون احداثها بنفسكم
القصة مرة حلوة ..
بيها حزن . بيها ظلم اضطهاد بيها من يكون ضحية
ملاحضة : القصة راح تتخذ بعض الشيء الطابع السياسي لكن من دون ذكر اسماء اوي احزاب هية مجرد قصة واني مجاهزة للمناورات السياسية
#اشلاء_محطمة
بقلم زهراء الطائي
البااااارت الاول .1.
لج نغم نغم يلة فضي عاد .. صوت امي وصياحها ..
دومج تتأخرين مو الولد ينتضر برة العالم هم عدها اشغالها .. اووووووووه اسسسستغفر الله ربي كملت كملت بس احط ريحة .. وفتحت الباب وهية متخوصرة
يي عيني يي ليش لا بعد ماعندج اگصر من هل التنورة تلبسيها والجاكة الي واصلة لفخاذج .. باوعتلها بطارف عين وعوجت بحلكي شسوي عليمن اطلع غير ع الجابتني لو من يمج حلال ومنيمي حرام
.. يادبسزز ياساقطة ع هل الحجي
.; وداد عينج بعيني احنة وائشر الها بصبعي ثنيناتنة دافني سوة ف ياريت متلعبين دور الام هواي براسي زين .. باوعنتي بنضرة معرفت شنو تفسيرها بس سكتت ومجاوبت متمنيت بحياتي كلها يكون جوابي للجابتني بهاي الطريقة .. بس هية الي حدتني ع هل الشي من وصاختها وقرفها .. اووه ياريتني يايابة ارجع اعيش وياك من بعد مضيعتك بيدي وربحت فلوسها الجاية من الوصخ .. هه احجي عن وصاختتها ويمكن اني اوصخ منها .. بس هية السبب ..
طلعت من الغرفة داروح للدوام ..
الدوام .. اني طالبة مسائي عمري ٢٢ سنة مكملت دراسة بداية حياتي لان صارتلي ضروف يعني سنة اداوم وسنة لا وسنة ارسب وهيج كضت وبعدها دخلت مسائي .. الضروف هية انفصال ابوية من امي واني اراوح بينهم سنة يم هاذ وسنة يم هاذ .. ابوية انفصل عن امي.. بابا لمن اتزوج امي جانت مكطوعة من شجرة يتيمة وناس تبنوها وصار عدهم طفل وكام يأذوها جانت جيرانهم جانت حيل حلوة بشكل والكل يطمع بيها فتعرضت مرة لحالت اغتصاب وطردوها وضلت شريدة بالشارع .. المهم اهل ابوية جانو بس امة وابوه ناس حيل فقرة يادوب ياكلون والكمة دابرة وياهم بيتهم حيل متواضع وتعبان المهم همة جانو جيرانهم فنقهرو عليها وسكنوها عدهم بقت وياهم فترة بعدين الناس كامت تحجي فقررو يزوجوها لبوية وبالفعل ابوية ازوجها جان كلش بالبداية يتعاطف وياها بس من عاشت وياهم اتحول الى حب كبير جان يحسه طفلتة لان هوة يكبرها بهواي ازوجها لاعرس ولاشي بس عقد شيخ استمرت فترة طويلة بلااطفال الى ان كبرت ابوية هوة كبرها وعلمها ودرسها هوة جان معلم ويادوب الفلوس والمصرف يكفي وبالفعل درست وصلت بس كامت تصير مشاكل مع مرور الوقت بسبب الحالة المادية الضعيفة وفجئة حبلت بية وسط هل الضروف التعبانة ابوية فرح حيل اما هية نهارت ورادت تنزل المولولد بسبب العيشة بس والدي بالحضة الاخيرة منعها وحاول يهديها لكن هية من كبرت تحولت الى انسان طماع اناني يحب يمتلك كلشي حاول والدي يستحملها فترة حملها .. جابتني طبعا وابوية طار من الفرح اجيت للدنيا سنة. 1967 امي هناية بدت تهملني وتهمل ابوية وتطلع من البيت من الصبح محد يعرف وين تروح تذبني عند الجيران وتطلع لمن والدي بالدوام ومن يرجع ياخذني من الجيران من تجي تكب الهوسة والعياط يكلها وين تفرفرين تكلة لسوك ويم صديقاتي مرة مرتين زادت الحالة كام يراقبها
طبعا جدي وبيبيتي بها الفترة ماتو لان كبار بلعمر ومرض المهم لكفها طالع وية واحد صاعدة بسيارتة بالصدر وتتمضحك وهوة يلزم شعرها ويبوسها ابوية هنانة اتخبل وعرف انو هية موخوش لان مصانت شرفها ولابيتها ع رغم من حالت والدي المادية الضعيفة جان ميقصر عليها بشي ياخذ من حلكة وينطيها في سبيل ترضة ومرضت تمردت رجع بذيج اليلة المشؤمة وهوة خيبات تجر وراه وخذول من انسانة حبها بصدق ع رغم الكلام الي طلع عليها بالمنطقة جان يجذب الكل ويصدكها لة بيوم شاف بعينة تعب حيل اجتي هية وراه محملة بلعلاليك وتكلة تعال شتريتلك ملابس غيرهذن الخلاكين باوعلها بغضب يكللها بصياح يمكن ارجاء المنطقة كلها سمعتة كلها تبيعين شرفج الي هوة عرضي وتجين تلبسيني ياعاهرة لج شنو من بشر انتي تعضين الايد الي تنمد الج لج لميتج من الشارع وكلتج وزوجتج وانطيتج اسمي هيج تخونيني اسمعيني اني مارح المسج بس هسة تاخذين جوالاتج وتمشين وماريد اشوف خلقتج بحياتي كلها انتي طالق طالق طالق . واما المحكمة الي صدقت زواجي بيها باجر اطلكج بيها والبنية مالها ذنب راح تبقة عندي واني اربها ع الشرف مو ع الخسة مثلج ياوصخة .. طلعت ي طلعت
ومهتمت لانها فعلا وصخة وراحت لعشيقها بقت عايشة
......
أنت تقرأ
اشلاء محطمة
Fiksi Umumقصة حقيقية او حادثة واقعية مرَ بها العراق لفترة من الزمن .. وخصوصاً في مرحلة النظام السابق .. هي مجرد قصة سأرويها لكم .. انا لستُ بسياسية ولا اريد العبث بها . او بعيدة عنها كل البعد . لكن القصة اثارتني ع الكتابة والقص وحبيت اسردها لكم بطريقتي . قص...
