حبيبي انا نبغيه جامي نسمح فيه

1

أنا مريم فعمري 24 سنة حنينة بزاف، فالزنقة والخدمة بحال الرجل وفدار بحال البنية لي فعمرها 4 سنين والديا مفشيني بزاف عندي أخ واحد سميتو عمر غالبا كندبزوا هو صغر مني ب 7 سنين ديما كيبغي يدير فيها راجل وكنوضوها أنا وياه ولديا كيتيق فيا وتأنا كنحماق عليهم ولي قالوها هي لي كاينة. أنا خدامة ف واحد سوبير مارشي كنت دايرة الفولار وملي بغيت نخدم معاهم قالولي نحيدو وحيدت الله يسمح عليا المهم كتعجبني خدمتي وصحباتي دلخدمة ولاكن كنت كنتمنا نكون خياطة كيحمقني البلدي هههه عقلية قديمة ياك كلشي كيقولها لي مي فرحانة هاكة . كنت كنحماق على التكاشط والتواب لي فالقصرية الكبيرة  منمشي كل ويكاند وكنبقا نصور فدوك صاريات ولباس البلدي شحال مرة دابزو معايا مالين دوك المحالات وتيقولولي متصوريش مفهمتش علاش كن كانو توريس كون خلاوهوم و أنا حيت عربية بحالهوم كيمنعوني المهم درت النفس ومبقيتش كندخل القصارية وليت كنمشي الملاح هههه زعما راني بعدت كل ويكاند كيدوز هاكا إلا لخرجت مع مالين دار كندير بناقص من الملاح. مشات يا م وجات يام وجا لويكاند قلت لماما هنا غادا المدينة قالت لي الله يعفو عليك بقيت كنضحك. أنا: واش بغيتي أصحيبة شي حاجة. ماما: أنا مبقيتش صاحيبة ديالك كون كنت صاحبتك ديال بصاح كن جلستي تونسيني باباك خارج وعمر مشا يلعب كرة وأنا كتخليوني كي الغولة فهاد الدار أنا: وينو على حبوبتي قنطانة ويالهي معايا ماما: لا أكبيدتي أنا معندي رجلين تا تشطحيني المدينة كاملة، هزي لبزطام راه فيه الفلوس والورقة كاتبة ليك فيها شي سخيرة جيبيها معاك من تما. أنا: هي لي متعاود (حليت الورقة تصدمت) دابا هادي غي سخيرة كن كانت سخرة فين غدي نوصلو. ماما: وعاونيني أبنتي راه تا أنا كنعيا، هديك غي شوية دالعطرية و اللوز والورقة باش نصاوبو العمتك الكاطو أنا واخا ها أنا مشيت. ماما: الله يرضي عليك ومتعطليش. (خرجت وماما كتطل عليا من سرجم) جمعي البزطام مزيان فيديك عنداك يشفروه ليك ولا ديريه فالجيب الصغير فالصاك. أنا: أويلي فضحتينا دبا كتوصي الشفارة عليا.