حبيبي انا نبغيه جامي نسمح فيه

4

يوسف: سارة شيري لداك الطاكسي وسيري أحبيبة ودي الموتور معاك وبشوية عليك. هد الهدرة زادت دمراتني طلعني فالطاكسي وركب القدام وأنا باقا حمياها الغوات. مول الطاكسي: مالها أولدي يوسف: طاحت معرفت واش تهرست ولا شنو مول الطاكسي: إوا صبر معاها أولدي دبا كون وقعات ليك نتا  مدوزكش زواج كيبغي صبر والمعونة. يوسف: ماشي مرتي أشريف وصربينة نفكو هد الحريرة الله يرحم الوالدين. وصلنا هزني يوسف وبقا غدي كيجري بيا وأنا باقا كنبكي ونغوت وخنونتي سايلة المهم حالتي صعيبة . سيكيريتي هدر مع يوسف وقاليه ديها لراديو بعدا داني حطني فوق الباياص وباقا شادالو فالجاكيطة درتلو كي اللسقة ههه قاليه الطبيب مهرسة داني لبلاصة الجبص داروه لي ودربولي واحد ليبرا كتهدن لحريق. قالي الطبيب خاصكي تعكزي على شي عكاز وقال ليوسف يعاوني نوض… قبط فيا وبقينا خارجين أنا محملاش يوسف وشادة فيه غي حيت خايفة نطيح ومن الحريق ديال الدقة. يوسف: صافي طلقي مني شوفي أش درتي الجاكيط بدفارك ( كيهدر وهو محملنيش) أنا طلقت منو ميحسبلكش غدي نحماق باش نشد فيك. وهي واحد المرة دايزة وشافتنة كنتناقرو قالت لي لباس عليك أبنيتي وقالت ليوسف شد فيها حشومة أولدي معندك لاين عليها إلا متعكزتش عليك نتا علامن غدي تعكز ولا فاللول كنكونو عزاز ومور زواج صافي. يوسف: وا ماشي مراتي أعيباد الله. جرلي يدي وبدا كيزرب وأنا غير مقاومة خرجنا من الطبيب وبدينا كنساينو الطاكسي وهو ينفاجر عليا كي بحال شي بركان. يوسف: كلك مشاكل ملي شفتك وأنا من مشكل لأخر، معرفتش منين تسلطتي عليا بصح أنا لي هبيل داير راسي فيك وجاي عندك برجلي شو كيف درتيلي لجاكيطتي وموتوري يعلم الله أش واقع فيه وسارة خليتها بوحدها وجاي ندير لخير. شاف فية لقاني كنشوف فيه ودموع كيهبطولي بوحدهوم حسيت بالحكرة وخلعني ملي بدا كيزعف علية رجع بحال شي وحش. ملي شافني كنبكي سكت وأنا جلست فوق طروطوار حيت عيت وهو بقا ساكت وكيحك فراسو هبط عندي على ركابيه وقالي سمحيلي مكانش خصني نقول هاكا. ساعة أنا غي مزدت فلبكا

 يوسف: صافي سمحيلي عافاك مبغيتش نبكيك أنا ألالة لي منحوس وربي لحبيب أنا لي خايب سكتي عافاك. بغا يمسحلي الدموع وأنا نرجع اللور متقصنيش  جرني لعندو ومسحهوم لي وقالي تاتمشي لدار وبكي المهم متبكيش قدامي ولا شفتي متبكيش حتا فالدار منبغيش ضميري يعدبني. غلبتني شوية الضحكة على هاد الحماق لي كيقول يوسف: وهاكة نبغيك ضربلي وحد الهزة فالهوة  مع هو قلدة كنبان قدامو كي شي فلوسة وخا طايتي زوينة. المهم مقبطتش ليه فجاكطية بقا تيشوف فيا وكيبتاسم وأنا خايفة وحشمانة بقيت غي ساكتة ومكمشة فيه دخلنا لطاكسي جلسنا بجوج لور وتكاني على الباب وحط رجلية فوق ركابيه وهوجالس حدايا. يوسف: دابا قوليلي لدريس ديالك. عطيتهاليه وهو قالها المول طاكسي وبقينا غادين ساكتين. يوسف: (كيهدر وحادر راسو) مريم سمية زوينة بغيتك غي تعرفي أنني ماشي هاكا أناني غير معرفتش كيشفاش طرالي تا غوت عليك وحتى نتي خاصك تكوني قوية ومتبكيش وخا يقوليك الواحد أي حاجة نتي بنت طيبة باينة فيك بريئة وبقى فيا الحال حيت بكيتك ولاكن دبا تصالحنا ياك (هز راسو) ههه نعستي باينة الشوكة دارت فيك شغلها (قرب وبدا كيشوف) ديرة بحال شي قطيطة ناعسة وهو كيبتسم. مول طاكسي: الشريف الحمد الله على السلامة. يوسف أوكي أسيدي غدي نرجع معاك عاين واحد الدقيقة، مريم أ مريم؟ واش هادي هي الدار؟ أنا: إيه ناري ماما تكون ماتت بالخلعة تعطلت. يوسف: بغيت نزيد معاك مي الظروف ممساعداش،دبا نتصل بيك غدا بسلامة. أنا: بسلامة. مصدومة من الطريقة لي ولا كيهدر معايا بيها ولا ظريف ياربي مبغيتش نبغيه حيت عارفه ماشي ليا. تفكرت حبيبتو سارة وطاح علي الضيم. صونيت فالباب نزل خويا وفضح الدنيا تا هبط بابا وماما مالكي مالكي وراكم عارفين تباقي. الصراحة العائلة أحسن هدية من الله، عودت ليهم الفيلم ومشيت نعس شوية جاني مساج من يوسف كتبلي مغديش تبكي وسمحتيلي ياكي قريتو وجاتني الضحكة تفكرتو ملي بقى كيرغبني باش نسكت. جاوبت الله يسامح  وقالي تصبحي على خير. ضربتني الفيقة فالصباح وباقي التيليفون فيدي مع ليبرة طحت كاو متقلبتش.