حبيبي انا نبغيه جامي نسمح فيه

7

يوسف: أنا غير منبغيش شي حد يقيص لي ممتلكاتي هههه عرفتي كنتفكر ممتلكاتك لي بديتي كتجبدي من صاك نهار خداه ليك الشفار كنموت بالضحك. كتجيني بحال شي بنية صغيرة بعض شي مرات وربي رسلني ليك باش نقابلك ويكون فعواني (بقينا غادين وكنضحكو) داز نهار زوين معمرو يتنسى ملي طلعنة الكار فليل باش نرجعو بحالنا. أنا: يوسف عاودلي على حياتك نتا كتعرف علية كلشي وأنا مكنعرف عليك والو. يوسف: نعاود ال…. أنا: كملها مغديش نتفاك معاك تتكملها. بقا تيشوف فعيني. نكمل القليب ديالي. تفافيت وحدرت عيني يوسف: احم أحم نرجعو لموضوعنا أنا ألالة يوسف كنخدم مع الواليد ديالي عندو بزاف ديال الفيرمات فالمغرب وأنا كندير الكونترول  مرة مرة وكنوقف على الشغل لي فلفريكويات صافي والواليد والوليدة فرنسا قليل فين كيدخلو المغرب  غي أنا وسارة لي بقينا هنا مع باسيدي فعمري 28 ومعنديش مع الناس بزاف معنديش صحاب فالمغرب أغلبيتهم على برا كيجيو عندي وكنمشي عندهم، سارة دابا ديرة لي كلاس بريبارتوار سارة بغات تبقى فالمغرب ولاكن الواليد قاليها تسالي وتمشي لفرنسا. أنا: وانت غادي تبقى ولا غدي تمشي ؟  يوسف: غادي نبقى مع باسيدي عزيز علية ولاكن إلا بغيتي نمشي نمشي. أنا: لا بغيتك تبقى مع جدك. يوسف: نبقا مع جدي واخا.  جدي كتر من 60 عام وهو تاجر فالملاح وخا تقتليه ميمشيش لبلاسة أخرى. أنا: يوسف  علاش قلتيلي معندكش مع الناس. يوسف: حيت هنا شوية ناس معقدين. (بقينا هاكا حتى وصلنا) فاش بدينا كنزلو حسيت بحال إلى كيقطعو طرف مني بغيت نبقى معاه. يوسف: مريم خلي فاطمة ز وكريم يمشيو وأنا وسارة نوصلوك. أنا: لاغي خليني بحال بحال. يوسف: مالكي معكسة  كريم صافي غير سيرو. بقيت واقفة معاه كنساينو سارة تسالي الهدرة مع صحباتها ومرة مرة كنخطف شي شوفة عينيه أكتر حاجة كتحمقني زعرين وناعسين. يوسف: واش فيك البرد أنا: لا، بغيت نمشي ناخد روشارج يوسف: وقفي مع سارة والبنات أنا نمشي نجيبها. أنا: لالا أنا بغا حتى حاجة أخرى غي خليني نمشي راسي. يوسف: بكايا ومعكسة وتجمع فيك كلشي زيدي نمشي معاك. أنا: (كنضحك) يالله زيد.

مشينا خديت شنو بغيت جيت نخلص يوسف سبقني مع أنا مغنانة شوية بقيت كنقلب على بزطامي ملقيتوش. يوسف: دبا أش كديري على جوج دريال باغة ترديها لي ورديلي فلوس الطبيب ملي درتليك الجبس وفلوس طاكسي. أنا: يوسف بزطامي مكينش فالصاك. يوسف: ( كيموت بالضحك) كنت كنقول شي حاجة ناقصة هد الليلة ميمكنش يتسالة هد النهار بلا مديري لي شي مفاجئة. أنا: بدات كتشدني البكية. يوسف: دابا ماكين لا فاطمة ز لا كريم نخليك هنا ونمشي ههه متلقاي تالي يوصلك لداركم. مريم غي كنضحك معاك غدي نعطيك 10 دراهم وشوفي شكون يكملك فلوس الطاكسي هههه (شدني من يدي) أنا: صافي تلق مني. يوسف: تمشاي ألحمقة. أنا: متقول لسارة والو باش مضحكش علية يوسف: هههه واخا. وصلوني وكان هد من أحسن الأيام فحياتي. بقينا هاكا والأيام كتمشي وتجي و شي مرات كيجي يوسف يتسناني قدام الخدمة وأنا غي مكنزيد نتعلق بيه وكنحس بيه تاهو قريب ليا وخا مكيهدرش معايا على الزواج عاطيني تيقار ومحترمني ومن نهار خدا لجوندة ديالي مرجعها لي ولات ديالو وكيسجل فيها شي حاجة منعرف شنو هي قالي شي نهار أكيد غدي نقراها.ملي كنجلس مع راسي كنحس بشي حاجة غامضة فيوسف ولاكن معرفاش شنو هي  ومنين كنكون كنهضر معاه كنسا كلشي دوزنا 4 شهور هاكا. يوسف: مريم شنو كتمناي فهاد الدنيا أنا: كنتمنا نمشي الحج و ندير الحجاب الحقيقي باش ربي يرضا علية وفخاطري(ونتزوج بيك)  وانت؟ يوسف: كنتمنى شي حاجة لي مستحيلة. أنا: تاحاجة مامستحيلة كلشي قريب عند الله وقولي شنو هي هد الأمنية. يوسف: لا إلا قلت ليك مبقاتش أمنية. يالله بسلامة تال غدا ونجي عندك الخدمة قبل مانسافر الأكادير. أنا: واخا بسلامة. الغد مشيت الخدمة ساليت وخرجت نشوف يوسف بقا كيهدر معاي وأنا غي كنخمم معرفتش فاش مي كنحس أخر مرة غادي نشوفو. أنا: يوسف بلا متمشي الأكاديرعافاك. يوسف: الحمقة ديالي مكرهش ولاكن خاصني نشوف الخدمة كيف غادة تما ونسيفط الواليد الرابور. (بديت كنبكي) يوسف: مريم مالكي سيمانة دغيا غدي دوز وأنا غدي نبقى معاك على الخط 24 ساعة.

 مريم صافي منمشيش وسكتي باينة الشيطان عمر ليك راسك. مكتبكيش حيت مغديش تشوفيني كتبكي حيت قاليك راسك غادي نمشي ونشوف شي بنت أخرى باينة. أنا: (غلباتني ضحكة) يوسف: شتي قولتها ليك وليت حافظك. أنا: لا أيوسف والله ما هاكا غير معرفتش مالي المهم سير ورد البال لراسك وكل شوية هدر معايا صافي. يوسف: صافي ألالة جاتك. وشوفي الخدمة لدار دار لخدمة وتهلاي فراسك وبوسيني باش نمشي. أنا: ههههه حمق سير بسلامة. يوسف: ها أنا غادي دابا تندمي حيت مبستينيش هههه. ومشا كل واحد فطريق. الغد فا ش جيت الخدمة جا عندي أسامة خدام معاي. أسامة: لالة مريامة . أنا: ياك أسيدي أش كتعاود. أسامة: انا كنعود غي الحسنات عاوديلي انتي لي بان لي عندك الجديد، أش وصلك لولاد الملاح. أنا: علاش أخويا مالنا منستهلوش. أسامة: تستاهلي ماأحسن. أنا: هداك هو ما احسن بالنسبة لية. أسامة: كتهضري من نيتك مالقيتي غير ولد ليهودي. أنا: أش كتقول أخوية أسامة. أسامة: متقوليش لية مقالهاش ليك ولد الكلب. (أنا رجلي فشلو علية حسيت بحال إلى لحتيني من سانكيام إيطاج). أسامة: ختي مريم متقلقيش راسك. أنا: شكرا أخويا. أنا: أسماء (هي شاف ديكيب ديالنا) ختي غدي نخرج دابا ضروري. أسماء: أجي أصحبتي ياك لاباس. خرجت كنجري وكنبكي بوحد الحرقة كتر ملي كيموت ليك شي حد. فهاد اللحظة يوسف كيصوني ويعاود مجاوبتوش عيا ميسيفط فالمساجات مقدرتش تا نقراهم وتفيت تيليفون. شديت طاكسي ومشيت الملاح عند جد يوسف. لقيتو جالس غي شافني فديك الحالة قفز من بلاصتو (يعقوب جد يوسف) : مريم مالكي أبنتي كتبكي واش يوسف… أنا: عمي قولي الحقيقة واش نتوما ماشي مسلمين. يعقوب: جلسي أبنتي ونهدرو. أنا: غي جاوبني. يعقوب: حنا أبنتي من اليهود المغاربة  (أنا كنشهق بالبكا) كنبغيو المسلمين خوتنا وكبرنا معاهم حنا مغاربة بحالنا بحالكم والدين ميفرقناش ويوسف أبنتي إلا مقالش ليك غير حيت كيبغيك وديما كان كيسولني كيف يدير يقولها ليك وشنو الحل. أنا: الحل أعمي هو ننسى أنني عرفتو أنت غدي تفهمني كتر منو لا ديني و لا مجتمعي غدي يرحموني.  بسلامة أعمي. يعقوب: بنتي إلا كتبغيه متسمعيش لناس يوسف مربي وكيبغيك.