القصه تتحدث عن فتاة ذهبت لكي تاخذ ثار والدها من قاتل ابيها ولكن تفاجئت انهو ميت وقررت قتل ابنه ولكن قامت بحب ابن قاتل ابيها وتزوجت منه روايه جداً جميله وحقيقيه
بارت 27 النهايه... قصه(قضيه😻عشق) للكاتب(ملازم🌟حسين) قصي ،،،كعدت على ركبتي واباوع لسما شلون موقف جنت راح اكون بي جان هسة مكطوع راسي الله لايوفقج ياسلطانة كوة وكفت ومامستوعب الي صار حيل بيك ياقصي هذا الي يمشي ورة كلام حرمة مثل سلطانة العقربة جانت راح تورطني وتطيرلي راسي رحت لبيتي وشفت بنتي الصغيرة كاعدة تناغي وتلعب من الصبح حطيتها بحظني وحسيت شكد جانت عندي نعم بحياتي ومحاس بيها واذب بنفسي على التهلكة مااجاني نوم جنت افكر شنو الي سواه فارس زين بحياتة وعلى منو ستر حتى الله ستر عليه وعلى الي راح تصير حرمتة بيومها مكدرت انام واني افكر انه شلون بغبائي مع سلطانة جنت راح اضيع الاول والتالي ظليت اخونة مع سلطانة ورب العالمين ستر عليه وما سترت على نفسي منكشفت وماتوبت فكرت شكد هو زين وواثق مني وشلون جازيت هالثقة اني من يومها جنت كل مااواجهة مااكدر احط عيني بعينة هنادي،،،اندك الباب الصبح همست منو ؟؟ سمعت صوت فارس همس اني!! هنادي،،،فزيت بسرعة حتى افتح الباب وممصدكة معقولة اجة وجاب اهلة بهل سرعة فتحت الباب شفتة متجي على الباب ومبتسم هنادي،،،هلا فارس شنو الي صار؟؟ فارس،،،،دخلت الغرفة وكعدت على سريرها الي صار اني نسيت هذا وشلت الجواز من الميز هنادي،،،صدك والله هاي شلون هيج صار وتبهذلت فارس،،،يلا ان شاء الله على خير معرف ربج شكاتبلنة بس وحدي رجعت كتلهم يكملون طريقهم عموما راح اكلف الولد يجيبون الحجية وياهم وباقي الاهل ماالي خلك اسافر بعد واريد ابقى مجابلج وكاعد وضحك هنادي،،،شكد فرحت بيومها فعلا جنت احس بوجودة بالامان ورة يومين اجوي اهلة والحجية وياهم وخواتة استقبلناهم وفتحنا غرفهم ورتبناها اول ماشافتني امة بالبداية بقت تباوعلي من فوك الجوة فارس،،،حجيت للحجية هنادي بنت منو تكون وابوها ضحى بنفسة علمود ابوية الشيخ الله يرحمة الحجية،،،هاي هية يمة ونعم منها ومن ابوها اذا انت هاويها للبنية بعد هاي حياتك وانت حر بيها بس لازم نندل عمامها ونطلبها منهم هاي الاصول هنادي،،،،جانوا جايبيلي الذهب وملابس وياهم وطلعوا خواتة اشترولي النواقص وبعد اسبوعين صار العرس عمة وولد عمة اهل سلطانة سوولنة مشاكل بالبداية وفارس مااهتم وكال الي يزعل هو يرضى تزوجنا على الدبكة الدليمية واحلى عرس صارلي وحضروا بيت عمي الي اصلا مجانوا يعرفون عني شي ومن سمعوا بية خذيت شيخ تعرفوا علية وصاروا يتوددولي جان شرط زواجي انه يترك شغلة لان خطر ووعدني انه من نتزوج يترك كلشي ونستقر بعمان وفعلا بعد متزوجنا سافرت وياهم لعمان واستقرينا هناك بالرغم جان يحبني فارس حيل بس عصبيتة مابطلها ومن يعصب ارجع اخاف منة ودائما اصفن لحالي واكول شلون هيج صفا بية الحال وشلون دارت بية الدنيا حبيت وتزوجت الي جان المفروض اخذ ثاري منة وقضيتي بمكان متكون قضية ثار صارت قضية عشق!!!! فارس،،، ما هي قضية حب موضوعي أكبر أنا مع الأيام موضوع ثاني مدري غرقت شلون وأنا على البر وش راح مني وش بقى من أماني لا طبت يا قلبي ولاهو غدى الشر برضاك ولا غصب عنك دعاني مر الزمان إللي عن الأنياب كشّر ما عاد خلا للبلابل أغاني إلى متى وأوراق عمري تِبَعثر بين الرحيل وبين غربة المكاني كريم يا حزني يجي منك أكثر بخيل يا فرحي وحظي أناني فـَ إعتزلت الناس قالوا إتِكَبّر وذا بديت الطيب يخسر رهاني العين مخلوقه عشان تسهر والليل جاملها وطول عشاني يذبل زهر وأغصان عمري تكسّر تعصف بي الونه تزلزل كياني لا بارك الله فيك يا الحظ الأقشر إللي على ضيم الخلايق حداني الحلم بـِ عيوني على دمعي أبحر غادر وخلالي عذاب المواني هذا العمر عدى وهذا هو السفر عن مقتل إحساسي وصابت حناني ماهي قضية حب قضية عمر هي قضية عشق زلزل كياني النهاية & & & #قصه_قضيه_عشق 😻🦋
للكاتب (ملازم🌟حسين)
طبعاً ﺁﺇﺃﺱـــsorryـًٍٍٍْـف حبايب على التاخير والغلط الاملائي بس تدرون نوبات الواحد يسحك وانشالله عجبتكم القصه هاي القصه الثالثه الي بالواتباد وانشالله اكو بعد قصه تخبل كلش حلوه عن قريب راح انشرها وطبعاً احب اكول للئسف على كل واحد قره القصه واستمتع بيها وتونس ولا علق ولا داس النجمه بس مراح اظوج منكم بالعكس راح استمر بنشر القصص حتى لو كان متابع واحد يكفي علمودها اتعب وانشر تحياتي /ملازم🌟حسين الجبوري📝
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
