& رح ترجعي&

الشخصيات

الروايه تحكي علي بنت اسمها " ملاك" خلوني نعرفكم عليها وعلي عائلتها..

ملاك: عمرها 18 سنه بنت حلوة وجوها مليح شخصيتها قوية جدابه عيونها اكبار وسود ورموشها كتيفة عندها غمزات و شعرها طويل لي نهاية ضهرها قصيرة شويه ونحيفة و بشرتها بيضاء وعنادها مش طبيعي ...

امها اسمها " امنة" و بوها "خالد"
امها ماتت من 4سنين بسبب مرض السرطان ونارها ما بردت عند ملاك..
ابوها ديما يسافر يخدم في ايطاليا واغلب وقته غادي..

اختها اسمها" حياة" متجوزة وعندها اصغار (اصغارها)
سند:عمره 16 سنة جوه مليح نقشه حلو عيونه بني فاتح وطويل واسمر سموريته حلوة وصندوق اسرار ملاك..
امير:عمره12سنه دلوع هلبا عند ملاك وحلو
احمد:عمره9 سنين جوه حلو والدنيا قالبها فوق راسه 
فتون: اصغر وحده عمرها4 وحده عارفة كل شيء بس مدايره روحها عبيطه سنفوره وحلوه متنطقش في (ك)..

امها اسمها "امنه" شويه عصبيه لكن ماتت من 3 سنوات بسب مرض السرطان ونارها ما بردة عند ملاك ..
ابوها اسمه"خالد" وديما يسافر و يشتغل في ايطاليا و قليل ما يروح لي البلاد و ما عنداش احساس ..

وهي عايشة ديما مع جدتها وقليل ما تمشس لي حوشهم الا لما يجي بوها وحتي "حياة" تجي تطمن علي ملاك...
جدتها اسمها" ناجيه" خوال ملاك
"فاطمه" و زوجها"سامي" يخدم رئيس قسم في المصرف..(اصغارهم)...
سراج: عمره25 سنه شاب حلو يهبل عيونه عسليات وعنده لحيه خفافة علي الاسود شعره ناعم  طويل وعريض عنده عضلات زي المصارعين شخصيته طيب وحنون لكن لما يعصب معاد يشوف حد قدامه  ولو حط حاجة في راسه يكبد عليها ويديرها يقرا خارج البلد ليه اكتر من 6 سنين ....
اميرة: هي من نفس عمر ملاك و المقربه ليها هلبا بنت حلوة وجوها مليح..
أمل:عمرها22 سنه هي العاقله في البنات وديما تنصح فيهم تقرا في جامعة واخر سنة ليها حلوة و طيبه هلبا ..
خالها "سيف" ومرته"رقية"..اصغارهم
مندر:عمره30 سنه متجوز مرته اسمها"ايمان" وعنده بنت اصغيره اسمها"ساره"
عصام:جوه مليح حليوه و ملاك تحس فيه زي خوها لانه فاقده خوها من سنين بسيب حادث سياره يحب اميرة لكن مش قادر يعترف عمره24
عدنان:عمره23 سنه اضغر من عصام بسنه لكن عكس خوته طايش وعصبي وما يتفاهمش وديما مش مع العيله ..
جود:بنت حلوه عمرها15 سنه جوها اطلع طول دمها خفيف وتحب سند وهوا مش فاهم..

دعاء:صديقة ملاك بنت حلوه وتهبل وغاليه هلبا علي ملاك تحس با ملاك وكأنها نصفها التاني...

                 🎀🎀🎀🎀🎀🎀🎀