سلمت علي جدتها وطلعت....
الجدة كانت زعلانة لانه ملاك تبي تبعد عليها يوم ....
ركبت ملاك مع بوها وحركوا السيارة كانت فرحانه لانها تبي تقعد مع بوها وصلول واول ملاك ما فتحت الباب خنقتها العبره هدا هوا حوشها يلي مفروض ما اصكروا ابوابه وقعد مظلم و موحش خشت وكانت تمشي و تشوف في خيال امها وخوهافي كل مكان و تشوف في دكراياتها معاهم حست بيهم في كل مكان كانت تبي تبكي لكن خلت روحها قوية و متبيش تضعف ركبت حطت شنطتها في دارها و لبست بجامة سبورت وشدت شعرها كوده ونزلت سمعت بوها في الكوجينة مشت صوبه .....خشت..
ملاك:" شن ادير بابا"
خالد :" هيا نبي نعلمك باش تطلعي فالحة"
ملاك:"قصدك تحسابني بايرة راه بنتك مشاء لله"
خالد:" ههههه توا نشوفوا هي"
مشت ملاك لبست شبشب مريح ولبست مريول الطبخ بوها كان يقطع في البصل...
ملاك:" شن تبي اطيب"
خالد:"نبي نطيب سمك مشوي وسلطة"
ملاك:" لله نحب اني السمك" شد خالد سمكة ..
خالد:"تعالي نعلمك هيا"
قربت ملاك من السمك وعلمها بوها كيف تنضفه مزبوط خدت سمكة وبدت تتعلم فيها نضفتها وكملوا كل شيء مع قريب صلاة العشاء قرضوا السلطة ونضفوا السمك وتبلوه....طق الباب... مشت ملاك فتحت لقتها حياة..تغمدوا بعض... جاء خالد وسلموا عليه كلهم بحرارة ...
ملاك:" كيف حالك شن اخبارك"
حياة:" تمام الحمد لله" وخشت وخشوا الولاد ..
سند:"خالتوا كيف الحال تمام"
ملاك(بتهديد):"مزال تقول خالتي نقتلك مش عزوز انا قول ملااااااك"
سند:"هههههه حاضر خالتوا"
ابعد خلي نسلم يا بااارد" حضنة امير و احمد وباست فتون مع خدودها ومشوا لي الصالة..
سند مشي لي الكوجينه وجاء...
سند وهوا شاد خشمه:" وانا نقول خيرها خالتي ريحتها هكي مساوين سمك "
ملاك بلا نيه:"ايه ومعاد تقول خالتي نعدمك راه "
الكل:"هههههههههه"
حياة ناضت سلبت عبايتها وجت لي ملاك...
حياة:" شن اندير معاك"
ملاك:" كملنا نشوه وخلاص"
نادت علي بوها يولع النار ...طلعوا الكل قعمزوا في الجنان يشوا و يضحكوا ويهدرزوا ..
خالد:"قريب اطيب الطرحة الاولة"
ملاك:" خلي نوض نوتي السفرة" وناضت
سند :"راجي جاي معاك " ولحقها..
طلعت ملاك سفرة وحطت طاسات ومشروب وزيتون وشكلة السلطة...حدفت ملاك كيست الخبزة لي سند
ملاك:"خود قص الخبزة وحطها في سوابيت خبزة هوينهم "
سند:" حاضر" وخدا بدا يقص وهوا مستمتع ......
سند:"هكي كويس"
جت ملاك صوبه وشافت...
ملاك:"طلعت تعرف تساعد و تفتلك"
سند:" باش تعرفي بس"
طلعوا وحطوا السفرة وقعمزوا يهدرزوا و الجو مليح طاب السمك وقعمزوا ياكلوا كلهم..
سند:" يسلموا يديكم"
ملاك:" سلمك صحيحة"
امير:"من داير السلطة"
خالد:"انا وخالتك"
امير:"وه وه حارة شوية"
خالد:" كول الحار يكبر"
فتون:"ماما نحيلي الشوت"
حياة:" وينه الشوك نحيته"
فتون:" هاهوا"
وكملوا ماكله وهما يهدرزوا ويضحكوا....
كملوا ناضت ملاك وحياة ضموا الكوجينه وخشوا الكل قعمزوا في الصالة ...داروا شاهي وقعمزا .....
ركبت ملاك دارت دوش علي السريع وغيرة بجامتها ولبست بدلة قعدة عندها في دولابها سبورت سروال اسود و توب اسود مخطط با الاحمر شدة شعرها فوق ونزلت ......
قعمزة تلعب مع احمد وامير وسند بلستيشن فتون كانت في حجرها وخالد وحياة مقعمزين بعيدين عليهم شويه ...
سند:"ردي بالك نغلبك راه"
ملاك:"مش ملاك يلي تخسر " وكملوا لعب وهما يهدرزوا ويضحكوا...
ملاك كانت فرحانه تبي اطير من الفرحة وحست انه عندها عيلة حق ...
حياة:"بوي ملاك شن مهناك حد خطبها"
خالد:"لا"
حياة:" دورلها علي عريس"
خالد:"انا مش قالق منها توا يجي حد من مقامها ويتجوزها "
حياة:" انا منقصدش هكي قصدي انها تمشي تتجوز ويعبي راجلها الفراغ يلي تحس فيه "
خالد :''انا مخليها مع جدتها وخوالها يعني شن الفراغ يلي تبي تحس فيه"
حياة جت تبي تدوي غير جيت ملاك سكتتها....
ملاك :" بابا غدوة نبي نمشي اني ودعاء واميرة لي الشوبنق "
خالد:"امشي غيري الجو"
وطلع فلوس من جيبه وعطا ملاك منهم...
ملاك:" انحبك هلبا"
•
•
•
عند الجده...
جاء سيف ومرته وبنته وقعمزوا يهدرزوا مع الجده...
سيف:" يمه وين ملاك بنت امنه"
الجده:" في حوش بوها بايته عنده جاء رفعها"
رقية:" مصخفتني ملاك قليل النادر وين تشوف بوها😔
سيف:" صح لكن حتي احني لحد الان مش مقصرين معاها😞"
رقية:"ايع صح لكن مهما يكون تقعد البنت تحس با النقص في حياتها😢😢
جود:" خلي نوض ندير شاهي🙂🙂
ناضت ومشت لي الكوجينه.......
الجدة:" كيف حال مندر ومرته😊
رقية:" الحمد لله كويسين👌
سيف جاته مكالمة وناض من جنبهم....
رقيه:" حتي هي مرت مندر حامل ليها شهرين😉
الجدة:" هي هده الاخبار الباهية😄 انشاءلله ربي ينوضها با السلامة "
رقية:" انشاء لله"
جت جود با الشاهي..حطاته علي الطاولة وقعمزة..
الجدة:" مهناش ملاك اليوم🙁
جود:" صح كساد تعودة عليها قعدة اهنا😔😢
الجدة:" ربي ما يحرمكم من بعض"
الكل:" انشاءلله
•
•
•
عند الخالة فاطمة..
كانت اميرة وامل مقعمزين امل تقرا عندها امتحان واميرة تتصفح نت..
_____________
رايكم يهمني😊😊😍
أنت تقرأ
& رح ترجعي&
Romanceمن هي هده الجميلة و الحنونه من الداخل والعكس من الخارج؟ فتاة رغم صغر سنها الا انها تحمل من القوة ما لا يحمله احد✋ اصابتها لعنة البروده لم تعد تهتم لأحد غير القريبين منها 👪 اصبحت لا تريد ان تتعلق بأحد لكي لا تخسره وتتالم 😢 اصبحت تتاقلم مع حزنها وتش...
