#أنا_وردة_حياتي
بقلم : رؤي حسن علي
الحلقه الاولي :
روزي بنت عمرها 17سنه بتعيش في كاليفورنيا-امريكا؛ عندها اخو اصغر منها بسنه وتلاته شهور واصلهم من السودان بس اتولدوا واتربوا في امريكا .
في يوم من الايام الهادئه عند روزي،صحت من النوم وهي بتفكر في حاجات كتييييرة منها الجامعه واهلها ومستقبلها خصوصا هي بكر البيت .. واثناء ماهي بتفكر قاطعتها امها (صباح الخير بنتي الحلوة)،ردت عليها روزي (صباح الخير ماما العسل).. وطوالي مسكت امها من يدها وقال ليها:ياماما لينا زمن ما اتونسنا معا بعض ،ردت عليها امها (يابنتي عشان بس ماقعد القي وقت كتير اكون فاضيه انتي عارفه الشغل وجري المعيشه وبراكي شاااايفه كللو فوق راسي يا قلبي .. بس انا بقول ليكي ان شاء الله حاحاول افضي نفسي عشانك تمام)، قامت روزي سلمت علي امها في راسها بدون ماتقول حاجه ، ومشت علي غرفتها وهي بتبكي بحرقه...اتذكرت ابوها الكان معاهم صباح ومساء ولاسباب مامعروفه انفصل عن امها .. وبقا يجيهم مرة مرتين كان بالغ 3 مرات في الاسبوع في شكل زيارات خفيفه عشان يشوف روزي وميدو اخوها ! ... بعد فترة بسيطه من الضغط النفسي الكانت عايشاهو قررت انها تطلع وتغير جو معا صحبتها ... وفعلا روزي لبست من ملابسها الكاجوال البسيطه وكانت ..بنطلون اسكيني جينز ومعاهو قميص لونو احمر ومعاهو اوف وايت ... واتسرحت ضنب حصان ولبست حلق رينق احمر غامق ولبست شبط فلات ،،وطلعت لي امها في غرفتها واستأذنتها انو حتطلع لي صحبتها سالي ... امها وافقت ليها وقالت ليها بس يابتي اعملي حساب نفسك واخدي راحتك ...
سالي بنت طيوبه شدييييد وقلبها ابيض، سودانيه برضو بس جات اخر سنوات ليها امريكا ، عندها اخوات واخوان كتار وهي في النص بيناتهم ...واليوم داك كان معاهم ضيوف كتااار شديد وحست بي زهج يقتل ، وفي اثناء ما كانت ماسكه التلفون دايرة تتصل علي روزي .. عاينت من بعيد وبقت تصرخ وتنطط روزي جات روزي جااااات 😍 .. وبقت بتحضن فيها وتقول ليها يا روز والله انا مشتاقه ليكي شديد ،،، روزي طوالي قرصتها وقال ليها: مشتاقه لي يامستهبله وللا عاوذة تتحلي من الجوطه دي بس !؟ وقعدوا يضحكوا الاتنين 😂 ،، جا داخل عليهم اخو سالي زول ظريف وحبوب شديد ،سلم عليهم الاتنين وشغللا لي روزي وطلع طوالي ،، بعداك سالي بقت تسأل في روزي ( اصلو انتي يا روز ما قعد تفتحي لي قلبك ده ولا قعد تحكي لي عن الجواهو في منو😉) روزي بقت تضحك شديد ... ومسكت سالي من يدها 'وقالت ليها :انا عندي ولد اهلي من بعيد مكسسسسرني ياخ ؛ وانا ماعارفه الاحساس ده شنو بالضبط بس اعجاب اكتر شي ' .. طوالي سالي قالت ليها طيب يا روزي المشكله شنو ؟ اهو انتو حلوين 😍.. روزي ابتسمت بحرقه من جواها وظهرت في وشها وردت لي سالي ( المشكله انو انا زااااتي بحس نفس الحاجه دي في عيونو وهو عامل تقيل وما بيتكلم ولا بيلمح ) ... سالي قالت لي روزي : اتصلي عليهو واساليهو .... روزي بقت تضحك وتقول لي اناااااا !!!.... استحااااااله اعمل كدا 😆 ... طبعا روزي حنك التلفون عجبها شديد 😆😅 شكلو كان فايض بيها 😂 ... بس ماحاولت تظهر الحاجه دي نهائي لي سالي ،،، وبعد ما انتهي اليوم استأذنتا ورجعت لي بيتهم ..
وفي البيت اووول وش قابلتو منوووو!!! قابلت وش اخوها ميدو (روزي طبعا كبيرة البيت وميدو اصغر منها بي سنه وتلاته شهور) فااااشنو هم طردة وطبيعي المناقرة 😂، قامت اول ما شافتو ما ادتو اهتمام، وهو عاين ليها من فوق لي تحت وضحك ضحكة سخريه 😅 ومشي منها 😒.. وهي طبعا مرارتا اتفقعت 😅 ووشها بقا 😠، بقت تكورك لي امها : ياماما تعالي شوفي لي ميدو ده ياخ ، جات امها جاريه وبتكورك يا اولاد مالكم الاتنين في شنو كمان 😨! ... طوالي ميدو ماصدق جا ناطي وبقا بيكورك في روزي ،، انا عملتا ليكي شنو هسي يا كريزي روز انتي ، هسي الفخك كف زفته دي،،، روز عاينت لي ميدو بإستهتار وقالت ليهو( علي فكرة انتا زول مريض واتخارج سريع امشي من قدامي ) .. امهم بقت بتعاين ليهم وفجأة بقت بتبكي ، واول زول شافها فيهم روزي ، بقت بتقول ليها ياماما معليش ياخي هو البدا علي، وميدو جا ناطي ياحاجتي انا هسي عملتا شنو ... طوالي الام بقت تقول ليهم انا حالتي اسمي كوين(ملكة بالعربي 😂 ) وانتو كاوينني الاتنين وهاردديني علي الهردي العلي 😭😭 ياخ انتو كللكم كم هسي !!! ميدو قعد يضحك وسلم علي امه وعلي روزي في راسهم واعتذر لي روزي ماعنوا ما سوا شي هههه،،، وروزي بقت توزع في البسمات سااااي واعتزرت لي امها وطايبتا وطوالي مشت علي غرفتها ...
اول ما دخلت استحمت وغيرت ملابسها لبست بجامه سوداء مشجرة بالابيض ( طبعا روزي دي بتعشق اللون الاسود شديد " اذا عليها تشوف الدنيا اسود مابمبي 😂😂😂) وقامت فكت شعرها وطلعت الاكسسوارات بتاعتا ! وبقت ماسكه التلفون بتشوف في الرسايل الجاتا .. طوالي لقت سالي مرسلا ليها :[روز يا مجنونه يابارده انا زاتو ماعارفه الوصفين بتلموا فيكي كيف لكن انتي طفرة جينية غريبه 😀 ، ما علينا اها عملتي شنو في موضوع ولد اهلك المن بعيد .... قلتي لي اسمو منو؟؟؟!] ... طوالي روزي ردت ليها وقالت ليها :[انتي يا سالي غبيه ؟ انا اعمل كده عشان شنو اصلاااا !!! والله حيقول علي خفيفه ] ردت ليها سالي الرساله وقالت ليها :[طيب اقعدي يا الغبيانه زي المسطوله وهو زي المجنون كده تضحكوا معا بعض زي المتخلفين يا هبل 😛😜] .. روزي ردت ليها برساله [ تصبحي علي خير] ... سالي ردت لي روز :[ وانتي من اهلو يا خفيفه😛] .. روزي بقت فاتحه الرساله وبتردح في كلام كبير وكتير لي سالي 😂😂 ... بس اتراجعت ومسحت الكتبتو كلو ... وبقت بتتكلم معا نفسها "انا ارد عليكي ياسالي ياماعندك موضوع ،،، ورمت التلفون ورقدت في السرير ... وفي اخر لحظه اتذكرت انو ما اكلت حاجه .. الجوع كعب 😂 ... مشت اكلت باقي اكل حق ميدو كان في التلاجه .. حسووووده 😅 ... وجات زولة نوم ، بس تفكيرا كللو بقا ياربي اتصل عليهو؟ واذا اتصلت عليهو حيقول عني شنو ! ياخي أسمر ده محرج وشايف نفسوا ! وبقت تتقلب في السرير لحدي ما نامت المسكينه ...
.
.
.
يتبع 😘
