#أنا_وردة_حياتي
بقلم : رؤي حسن علي
الحلقة الثالثة عشر :
واول ما طلال قال : الو ،،، لقاهو ميدو ،، وميدو قال ليهو شنو التأخير ده ،، امي قللقت علي روزي شديد ...قام طلال قال لي ميدو: اسمعني روزي تعبانة شويه في المستشفي ... ووضح لي ميدو الحاصل ،،، قام ميدو بقا متوووتر شديييييد وبتمتتم وبقول لي طلال : وامي اقول ليها شنو ؟؟ ... قام طلال قال ليهو : كللمها وتعالو طيب ... وابوكم قاعد هنا معاي ،،، قام ميدو قال ليهو طيب يا طلال شويه ونجيكم ... وبعداك طلال قفل الخط .. ودخل علي الغرفة ❤... ولمن دخل علي الغرفة لقا روزي قامت وابوها حاضنها وبيبكي شديد وهي ماقادرة تمسك نفسها ودايخه 😰 ،،، قام طوالي طلال جا لابو روزي وقال ليهو بتك دي هسي الحمدلله ،،، وقام قعد ابو روزي في الكرسي ،،، وجا طلال مسك يد روزي وقال ليها سلامتك !!!،،، .. وروزي بقت مخلوعه بي وجود ابوها وطلال في نفس الغرفه😅 ومبسوطه انو طلال جمبها 😍😘،،، بعد دقايق جا الدكتور ماري عليها وقال ليهم ممكن تطلع طوالي بس تتم ساعه حتي تمرقوا ،،، وفي اثناء ما الدكتور بيتكلم معاهم ،،، جات ام روزي داااخلة عليهم هي وميدو ... وجات جاريه علي روزي وماسكاها وبتبكي 😰😭😭 ،،، وميدو بعاين لي روزي من بعيد وعيونو مليااانه دموع ،، لمن غلبوا طلع برة 😰😰،، قام طلال طلع ليهو برة وقال لي ميدو اختك كويسه ياصاحبي ياخ ☺،،، قام ميدو بقا بيبكي وبقول لي طلال : اصلو الحصل شنو ؟؟؟؟ قام طلال حكي ليهو كل التفاصيل ... قام ميدو قبل طلال يكمل كلامو ... شال مفتاح عربيتو وطلع !!!💔 ،،،، قام طلال اثناء ما بعاين لي ميدو وهو طالع ومحتار ميدو ده مالو !؟ . جات ملكة ام روزي طالعه برة وسالت طلال قالت ليهو : ميدو وين ؟! .. طبعا طلال بقا محتار يقول شنو ؟! 😰 ... بس حكي ليها بالتفصيل الحصل ،،، ووراها انو من كلم ميدو ... قام مرق طوالي !!!...
قامت ملكة بعد طلال كمل كلامو ! مدت يدها وسللمت عليهو ،، وقالت ليهو انا بشكرك يا طلال !!! قام طلال قال ليها : ياخالتي في مكاني اي زول بقيف معا روزي ،،، روزي تستاهل ،،، وكان داير يتغزل في روزي بس سكت في اخر لحظة 😅😷😬... قامت ملكة قالت ليهو : لالا ماقصدي كده ،،، قصدي شكرا لانك بقيت انتا الفي حياة بتي الخاصه ☺☺☺،،،، طبعا طلال ماصدق 😍😍😍 وقال ليها : يعني ياخالتي ....!!! طوالي ملكة وقغتو وقالت ليهو ،،،، بدون تكمل كلامك ... انا عن نفسي راضيه الحاجه دي ... وربنا هو البيعمل الخير ☺☺... طبعا بعداك ملكة رجعت لي روزي جووة وخلت طلال قاعد يتبسم زي الشارب ليهو بنقو 😅 برااااهو .....😂
بعد دقايق كده ،،، جا سيداحمد طالع قال لي طلال : ياولدي امشي بيتكم وبنتواصل ،،، وطبعا طلال من شدة ما مبسوووط لمن ما اعترض نهائي ... وقال لي ابو روزي : حاااضر ياعمي ،، ودخل سللم عليهم جوة وقال لي روزي في اضانها : بتصل عليكي بعدين وبحبك ياروحي ،،، وطلع طوالي 😁😆،،، طبعا خللا روزي مجمده في حتتا 😂 الفيها مكفيها يا طلال 😬😅،،، وفعلا طلال مشا ... وبعد فترة بسييطه كده قامو طللعو روزي من المستشفي ☺☺☺ وطوالي مشوا كللهم علي البيت ...♡♡♡
وفي اثناء ما راجعين البيت ،،، ميدو اتصل علي امو قال ليها : انتو وين ؟؟؟ قامت امو قالت ليهو قرربنا علي البيت ،،، قام ميدو قال لي امو : سالي دي دايرة تجي علي روزي في البيت ،،، امو طوالي قعد تكورك فيهو بس بدون ماتحسس روزي وابوها بي حاجه ،، وقالت ليهو: سرررريع تعال البيت وتجيني براك فاهم والا بقتلك 😡😡😡 ... قام ميدو قعد يضحك : وقال لي امو :: حااااضر ياست الكل 😘 وقفل الخط .... بعد قفلت ملكة الخط ،، سيداحمد ابو روزي قال ليها : في شنو ميدو مالو : قامت قالت ليهو :: مافي شي بس كان داير يجيب سابرينا معاهو تطمن علي روزي ... قامت روزي قعد تضحك 😂 ،،، وقالت لي امها : عليكي الله كان تخليها تجي ياخ ... عندي اسئلة كتييييرة داير اسئلها ليها 😁😁😁😁،،، قامت ام روزي قالت ليها : يابتي ان شالله تبقي طيبه وكللو بهون ،،، وباستها في راسها 😘 وبعداك وصلو بيتهم ...☺..
اول ماوصلو البيت ،، قاموا دخللو روزي علي غرفتها وادوها ادويتها ونامت طوالي !!!
بعداك ملكة طلعت علي ابو روزي .. ولقتو متجررررس وبيبكي 😭😭😭😭 ،،، قامت ملكة مسكت يدو ،، وقالت ليهو : بتك كويسه وبتحبك شديييييد .. قام سيداحمد وهو لسه بيبكي 😭 ،،، قال ليها : البت دي لازم نعرضها علي طبيبه نفسية ،،، قامت ام روزي فردت وشها ☺ وعاينت ليهو وقالت :عارف يا ابو روزي : من نحنا انفصلنا .. وروزي دي كانت بتجيها لحظات ثابتة كل اسبوع بتبكي فيها 💔 ... وكانت بتقول لي : ياماما انا دايرة امشي لدكتور نفسي ... انا كابتة كتير ... وكنتا دايما يا سيداحمد بتجاهل كلاما ده 😥 ... بس لازم نوديها 😰 .... قام سيداحمد قال لي ملكة : من عيوني بس هي تطيب وتقوم بالسلامه .... طوالي ملكة قالت ليهو : ان شاء الله وقامت علي حيلا ،،،، قام طوالي سيداحمد مسك يدها وقال ليها : ممكن تأذني لي ابيت هنا الليله ،، عشان اتطمن علي بتي .... قامت ملكة قالت ليهو : العمر كللو كان داير تقعد تطمن علي بتك اقعد ☺ وابتسمت ليهو ،،، وخلتو مشا حمام ميدو استحما وجا رقد في غرفة ميدو .... """" بعد لحظات جا ميدو داخل وسلم علي امو ومشا علي روزي يتطمن عليها لقاها نايمة ،،، قام باسا في راسها وقفل الباب وطلع ....
واول ماووصل الصاله ،،، سمع تلفون روزي بيضرب ،،، قام شالو بدون مايشوف الاسم وقايلو طلال ... لمن رددا عليهو ،،، لقاها سالي 😒 ... طوالي طلع برررة البيت وقال ليها : ماحاتكلم كتير ممكن ماتتصلي علي اختي تاني ؟؟! قامت قالت ليهو : ياميدو انا تعبانه شديد وحاسة اني ماطبيعيه وندمانه وسافه التراب ... انا داير اتطمن علي اختي 💔😰😰😰،،، قام ميدو قال لي سالي : كان ما بعرفك لي سنين ما بقتنت بي كلامك ... بس رجاء خاص ... ما تحاولي تتكلمي معاها حاليا ،، لحدي الامور تهدا ممكن ؟! قام قالت ليهو طيب ياميدو ... وتسلم ☺...
بعداك ميدو مشا رقد في الكنبة برة ... وامو رقدت في غرفتها ... لحدي تاني يوم ....
اوووول زول صحا الصباح اخونا ميدو 😘،،، طوالي مشا صحا امو وابوهو .... وكللهم التلاته مشوا لي غرفه روزي ... وصحوها كيف ؟!😅 (اي زول ببوس في جضم الام والابو ... وميدو بيكلكل فيها في رجولها تحت 😂😂😂) ... طبعا روزي صحت مخلوووعه ... واول ما صحت امها ضمتها عليها شديد وباستها 😘 ... وطوالي ابوها داير يقوم يخليها تنزل من السرير،، مسكتو وحضنتو شدييييد وبقت بتبكي 😭😭😭 .. قام ابوها ما اتمالك نفسها وبقا بيبكي شديد وحاضنها عليهو 😰😭 وقال ليها : يابتي انا والله بحبك شديد وبخاف عليكي .. وانا بعتزر ليكي شديد عارف طريقتي غلط كان معاكي ... روزي من شده ما بكت شديد تعبت شديد 💔😰 ونفسها قام الا رقدوها وادوها مهدئ تاني من الاول وجديد 💔😰😭 .... ولحقوها عصير وقعدوا معاها لحدي مانامت المسكينه 💔 .....!!
بعد ما روزي نامت ابوها هدا شويه واستأذنهم يطلع يمشي لي اولادو التانيين ... وقال لي ملكة .. خليكي معاي بالتلفون اول بي اول تمام ؟؟! ... قالت ليهو ...اووووك .. وبعداك ابو روزي مشا ...
بعد ساعات وملكة في المطبخ وميدو راقد في غرفتو ... جرس الباب ضرب... طوالي ميدو طلع فتح الباب لقاها سالي ""😳 وهي بتبكي بي حرقة ومعاها اهلها ... طبعا ميدو اتختا في حتة ضيقه ودخلهم وجات ملكة داخله عليهم ... ومما ملكة شافت سالي بقت ساكتة وبتبكي !!😭😭😭
طوالي سالي جات حاضنه ملكة وبتبكي .. وبقت تعتزر ليها 💔😭😭😭 ... قامت ملكة قعدت في الكرسي .. وبقت بتكووورك في سالي قدام اهلها وبتقول ليها : اي زول يا سالي الا انتي 😳😰😰 ... لييه عملت ليكي شنو بتي ... غير وقفت معاكي في الحلوة والمرة ... طوالي ابو سالي قام علي حيلو وبقا بيكورك في ملكة : بتنا متين كانت محتاجه عشان تزلليها كده 😡😡😡 ..؟ طوالي سالي وقفت ابوها وقالت ليهو :: انا غلطانه يا ابوي .. وانا من البيت قلتا ليك اول حاجه خليني احكي ليك وانتا ابيت ،،،، قام ابو سالي قال ليها ::: كيييف يعني اشوف ميدو اخوها بهزا فيك وما اتكلم ...😳💔 ... قامت سالي قالت ليهو : انا غلطانه يا ابوي عشان كده كفايه فضايح واسكت خلينا نطلع 😰... طوالي سالي قبلت علي ام روزي وميدو : حلفت ليهم انو هي ما كانت جايه ... وطوالي طلعت وقالت ليهو طمنوني عليها بس ... ولحدي ما طلعت ميدو بعاين ليها بطرف عينو وملكة بتعاين ليها وقرفانه منها شديد 😒😒😒.... بعداك اهل سالي طلعو واخر زول وقف لي ميدو قدام وشو ... وقال ليهو : تاني اشوفك بس بتتكلم معا سالي ،،،، قام ميدو ابو ينزل عيونو ولا رفا ليهو رمش .. وقال لي ابو سالي : انا بقدر علي نفسي ... خليها هي تقدر علي نفسها ... وخلاهو يطلع وقفل الباب ... 💔
بعداك ملكة كانت نفسياتا تعبانة ... وميدو زهجان شديد ... وروزي لسه نايمة 😰😰😰 ...
بالليل ابو روزي جاهم البيت ... ولقا روزي صحت من النوم ومشت تستحما !!! ... واول ما طلعت سللمت عليهو ،،، وقال ليها عندك حيل تطلعي بيهو معانا نشم هوا شويه ؟؟! ... قامت روزي قالت ليهو : يابابا نفسي امشي البيتش !!! ... قال ليها تمام طوااي هسي نطلع ... وخللا روزي تدخل الحمام .... ومسك ملكة علي جمبة وبقا بيتكلم معاها ☺ ... وميدو راااااخي اضانو 😜👂😅....
يتبع 😘😘
