#أنا_وردة_حياتي
بقلم : رؤي حسن علي
الحلقة السابعه :
روزي قالت لي سالي ،،اصبحنا واصبح الملك لله 😅 لكن انتي عارفه !! ده احلللي صباح ياسوسو .. وقامت من السرير وسلمت عليها..😘😘 '''' سالي طوالي قالت لي روزي : انا الليلن عندي ليكي مفاجأه 😍 ،، روزي قالت ليها :اها فرحييييني 😍 ،، سالي قالت ليها ،، انا الليله ماعندي جامعه ،، والليلة يوم خميس ويكند داي 😆،، عشان كده حأمشي معاكي الجامعه ،،، قامت روزي بقت تنطط،، وفرحت شدييييييد ،،، قالت ليها وده حيكون احلي يوم ياسوسو ،،، بعدما اتونسوا شويه معا بعض ،،، روزي مشت استحمت ،(ولبست فستان نمري بالبني المحروق ومعاهو هاف جاكيت اسود ورافعه شعرها كلو فوق ... ولابسه حلق رينق لونو بني فاتح واكسسوارات لونهم اسود وبني والشبط بلاك فلات ) وشايلة شنطه كبيرة شغولة باليد لونها اسود ""وبعداك طلعت ، ولمن لاقت سالي برة غرفتها ،،، سالي قالت لي روزي : عسل بس ،،،، روزي ردت ليها : عسسسل عيونك يامزة انتي 😘 ،،،، واي واحده ادت بوسة للتانيه من بعيد ...."حركات البنات دييييك ههه😂" .. جا ميدو في نص الحدث وقعد يضحك وقال ليهم : الله لي من جنس ده ...اريتو ..... وقعد يضحك وسكت 😅،،،، سالي بعد ميدو مشا قعد تضحك وقالت لي روزي اخوكي ده عسل يااااخ ... وكان ما كان اصغر مني كنتا زمااااان وريتو النجوم قصاد وشو السمح ده ..... وقعدوا يضحكوا الاتنين ... وطوالي طلعوا علي الجامعه ....
وفي الطريق اثناء ماهم ماشين ،،، روزي قالت لي سالي :نسيت اكلمك طبعا بابا اشتري لي عربيه امس 😍😍😍😍،،، وبالجد انا مبسووووطه شدييييد .... سالي بقت تنطط وتقول لي روزي : ياسلااااااااام مباااااالغه والله ياروزي كانوا اشترو لي العربيه انا 😍،،، وحضنوا بعض وباسوا بعض من بعيد البوسه العبيطة القبيل ديك !!!هههه😂،،، قامت سالي قالت لي روزي :حأصااااااحبك يافردة ،،، روزي ردت ليها وقالت : بدون ماتصاحبيني حأطرح ليكي 😆،،، هههه،،، قامت سالي قالت لي روزي : بمناسبه الطرح المشرورة في الحبل دييييك ههههه ،،، ذولك دااااك خبرو شنوووو؟! روزي قالت ليها : قصدك اسمر داااك ؟؟ ،،، سالي نزلت وشها ووقفت تعاين لي روزي ... وفكت ليكي الضحكة ... ههههههاي بلاي ياروز " اسمر طرح ليكي وللا انتي القصيتي لروحك ؟!!! وبقت تضحك ..... روزي قالت ليها : واااااااي يا سالي فظيييييعه لقيتك ... حرام عليكي يازفته ليييه تحرجيني كده ؟؟! وقعدوا يضحكوا ،،، قامت سالي قالت لي روزي : بهظر معاكي يا عويرة ،،، بس روز(حست بانها مجروحة) ودارت الاحساس ده ،،، ومشوا لحدي ما وصلوا الجامعه ،،،، واووول ما وصلو " تلفون روزي ضرب !!! قامت طللعت التلفون ولقتو طلال ،،، طوالي ردت ليهو وقالت ليهو : الو طلال ،،، قام طلال رددا ليها : ألو حبي ،،، روزي نططت عيونا وفتحت خشمها زي الدايرين يلقموها حاجه تاكلا 😂 ،،، وبقت ساكتة ..... فجأة سمعت طلال بضحك وبقول ليها : يارييييت كان شفتي وشك عامل كيف هسي "،،، وااااي حبي وبحبك ياروزي وطوالي قفل الخط !!!! ... طبعا سالي تشيل وتقول لي روزي : يابت بتتكلمي معا منو ؟؟؟ ده طلال؟! يابت ردي لي !!! ،،، وروزي زي الصنم هههههه (والله ياروزي موقف طلال معاكي عامل زي الشافع البيضرب جرس بيت الناس وبيجري داااك 😂😂😂😂)...
وبعد ثواني بسيطه ،، روزي استعادت وعيها ،،، وبقت بتقول ':لالالالالا معقوووولة ... طلال ... هو قال لي كده ،، وطوالي قبلت علي سالي وحاولت تداري الحاصل ،وقالت ليها روزي : اتفضلي وشرفتينا ومنووووورة جامعه ستانفورد ... قامت طوالي سالي قالت ليها : روزي في شنو!!! روزي طوالي اتصنعت انو مافي اي شي ومسكتا ودخلوا علي الجامعه ،،، ولما دخلو علي الكلاس شافتهم نسمة ،،، وطوالي قامت سلمت علي روزي وروزي عرفتها بي سالي وقعدوا. .... وبعد لحظات بسيطه جا طلال داخل الكلاس ،، واووول ما شافتو روزي قامت واتحججت بانو ماشه الحمام وطلعت طوالي ،،، جا طلال سلم علي نسمة واتعرف علي سالي وقعدمعاهم شويه ...وبعداك طلال طلع بيفتش علي روزي ،،، وقف جمب الحمامات ههه ولقا وقفتو ما جايبه حقها 😅،،، بعداك طلع الساحة بتاعت الجامعه ،، لقاها قاعده في بينش وسرحاااانه ،،، جا قعد جمبها،طوالي قامت ،، قام علي حيلو ومسك يدها ،، وقال ليها بلييييز اقعدي معاي يا روز دايرك ممكن ؟! ... قامت قعدت وكانت متوترة وزهجانه شدييييد ... طلال قام من مكانو وقعد علي رجولو قصادا وبقا ماسك يدها وبيقول ليها : اقسم بالله انا من شفتك اول يوم عجبتيني شديد، ودخلتي قلبي ،،، وحبيتك يا بت ،،، حب برئ ،، حسيت اني بعرفك ..حاسي بي انك صديقتي واختي وحبيبتي ،، يا روزي اديني فرصه !!!! روزي قامت علي حيلها وفكت يدها بالغصب منو وقالت ليهو : اديك فرصه لي شنو !!! طلال طوالي قام علي حيلو !!! وقال ليها :عاوذ اكون حبيبك ياروزي ،،يابت انا بموت فيكي وما حأخليكي فهمتي !!قامت روزي بقت بتكورك فيهو لمن الناس الحواليهم ركزوا معاهم وبقت بتقول ليهو : انتا اكييييد مجنون!!! ومانصيح ،، انتا ليك تلاته ايام بس وشايفني كيييييف تقول بتحبني !!!!! .... طلال قعد يضحك ،،، وقال ليها : حبيتك من نظرة وانا مابقدر افسر الحاجه دي !!بس بالجد ارتحتا ليكي شديد ،،،روزي بقت بتعاين لي طاال وبقت ساكته واحاسيسا ملخبطة شديد... وفي اثناء ماطلال بعاين ليها وبقول ليهو كلام بعيونو ،،،، جات نسمة جاريه عليهم وقالت ليهم: دوشتوني لحدي مالقيتكم ... يلا انتو الاتنين البروف جا والمحاضرة بدت ،،، وفعلا مشوا كلهم ودخلو المحاضرة ... بس روزي كل ماتعاين لي طلال، بتلقي طلال اصلا مركز معاها 😍 ولمن عيونهم تتلاقي كانو عيونو بتقول لي عيونا بحبك 😘😘... !!! وعلي هذا الاحساس الرائع لحدي نهاية المحاضرة.... وسالي متاااااابعة 😅 ... واثناء روزي وسالي راجعين من الجامعه خلاص ،،،، سالي وقفت روزي وسألتها : للمرة الاخيرة ياروزي في شنو !!!؟ ... روزي بدون ماتوعي قالت لي سالي : انا بحب طلال !!!... وروزي قامت اتخلعت وبقت بتتمتم 😅😁 ...: لالالالا ما قصدي ياسالي "" طلال هو القال لي بحبك ..... !!! ...
قامت سالي قعد تضحك وقالت ليها : يلا نمشي نقعد في اي مكان عشان اسمعك وناخد وندي 😂... كدا مابينفع 😅😅 !!!
يتبع 😘
