#أنا_وردة_حياتي
بقلم : رؤي حسن علي
الحلقة الخامسة عشر :
والاخيييييرة 😍😍😍😍😍
قامت روزي قالت لي سالي في التلفون : انا مابقدر اطلع وعيانه شديد .. قامت سالي قالت لي روزي : ممكن اجيكي البيت ؟! ... قامت قالت ليها روزي : ليييه ياسالي تقولي كده ؟؟! طوالي تجي ☺ ... قامت سالي قالت لي روزي : انا حاسة اذا جيتك ،، امك واخوكي حيقتالوني .. قامت روزي قعد تضحك 😅 وقالت ليها : انا صراحه بستدرج فيكي عشان اغتالك انا ،،،، قامت سالي قالت لي روزي : حقك وانا راضيه ،،، علي الاقل امووووت وانا ضميري مرتاح !!! قامت روزي سرحت مسااااافه وقالت لي سالي : تعالي .. وبعداك قفلو الخط !!! .. بعد روزي قفلت الخط ،، وبعداك نسمة قالت لي روزي : وسالي عندها وش تجيكي يا روزي 😳 ؟! قامت روزي قالت لي نسمة: انا زاتي مخلووووعه زيك يانينو ... بسسسس !!! لازم اتواجه معاها 👌 ...المهم بعد روزي ونسمة اتونسوا ... فجأة دقت الباب ،،، نسمة قامت قالت ليها: احتمال دي ماما ... قامت روزي قالت ليها خلاص انا بمشي بفتح ليها الباب ،،، لمن مشت فتحت الباب ،،، لقتهم اهل طلال 😍😍😍 ،،، قامت استقبلتهم وجا معاهم طلال ،،، طوالي دخللتهم جوة البيت ،،، لمن اهل طلال دخلو جوة ،، قام طلال سحب يد روزي ودخلو صاله تانيه .. ومسك ليها يدينا وباسهم مسااافه ☺ ،،، وباسا في راسا ،،، وقال ليها : ياروزي انا ما كنتا عارف في لحظه اني حاشوفك واحبك واخطبك في اسبوع 😅 واحبك كاني قمتا بحبك من بدري 😘 ... بس مبسووووط شديد ياروحي 😍😍😍... قامت روزي مسكت يد وباستو في يدو وقالت لي طلال : انتا حبيبي ووالله جيتني في وقت صعب .. وقت فقدتا فيهو وجود زول افضفض ليهو ااااي شي واكون مرتاحه ، ياطلال انتا روحي وبموت فيك والله ،، وربنا مايحرمني منك يا حياتي كللها 😘😘😘😘 ،،، قام طلال حضنهت عليهو ،،،، وقال ليها في اضانها : بالطريقه دي يا عسلس لازم نعرس قريب ... كده ماينفع وانا ما حاكفي منك وانتي عارفه واداها بوسه في خدودها ومشا خلاها 😅😅 " عاد ياطلال 😂"
طبعا روزي بقت ساكتة وفاتحة خشمها وخجلانه واذا عليها ... دايرة تتحشر في اي ركن 😂😂😂 ... بعد اتمالكت اعصابها .. لقتهم بيتونسوا وابوها جاااا 😅 وبيقول لي ابو طلال وامو ... طوااالي خلاص مالو الشهر الجاي نعملو !!!! .... قامت روزي نططت عيونا 😳 وبقت تقول لي ابوها : ده شنو ده كمان وطلال يضحك وكل ماتعاين ليهو يغمز ليها 😉 ههه حيوان ياطللو 😅 ،،، وروزي اعصابها خلااااث .. ونسمة فجأة بقت بتبكي وامها فكت الزغروته السودانيه الطووويله ديييييك 😍😍😍😍😍 ... وجا ميدو شغال لي طلال : ابشر ياعريس ابشششر" عاد ياميدو خربتها بي لكنتك المخلوتة دي 😂" ... طبعا اختنا روزي بقت مخلوووووعه وبتضحك ودموعا جاريه ومامصدقه ... وبعداك طلال فجاة وشو اتخلع وجرا عليها وحضنها ،،، لانو حسا بيها مصدومه وحتدخل في حاله """ قام قال ليها : حبيبتي انتي كويسه؟ قامت قالت ليهو بعد مسااافة : ااااي حبيبي ... ماعاوذاك تمشي مني وماتخليني ،،، قام طلال مسكا من وشها وبقا ماسكا وبيتكلم معاها وبيقول ليها : ماحاخليكي ياروحي والله ... وعشان كده !!! عرسنا بعد شهر ... قامت روزي بقت بتتمتم وبقت تقول لي طلال : بس انا ... لكن ... الجامعه ياروحي بس !!! .. قام طلال قال ليها : وده احلللي مافي الموضوع !!! نقرا الجامعه وانتي مرتي ... وام اولادي ... طوااالي روزي فررررحت شديد وقالت ليهو طيييب موافقه 😍😍😍،،،
بعداك الاهل بباركوا لي بعض ... وامها اتصلت علي اهلها في السودان وعزمت جيرانا واصحابا وفي اللحظة ديكي جات ام نسمة وكملت الفرررررحه ... وفي نص الزغاريد من ام روزي ،، والمباركات والجيران بدو يجو ،،، طووووالي سالي جات ،،، وفجأة جات داخله وعم الصمت 😷 ،،، ... قام روزي قالت ليهم معليش ياجماعه ،،، انا بس لازم اتكلم معاها .. وفعلا قامت روزي مسكت يد سالي وطلعوا برة ،،، وطلال قال ليهم خلوها ياجماعه ... وبعد سالي وروزي طلعوا ... قعدوا في جنينه البيت في الباك يارد ،،، قامت روزي قعدت سالي ،، وقالت ليها: ياسالي معليش يعني انا مادايرة اتصنع كلامي معاك ولا اتظارف وانا مابتاعه كلام كتير من الاخر ،،، من اخت لي اخت ،، وريني في شنو ممكن وبدون توتر !!! .... قامت سالي قعدت في الواطه ورقدت في روزي وبقت بتبكي شديد 😭😭😭 وقالت لي روزي : انتي اختي وحبيبتي وانا والله كنتا منفسنه وتعبانه عندي مشاكل معا عماد ومعا اهلي واهل امي وفي البيت في نار مووولعه شديد ... وانا يا روزي بس غرتا منك ... اي انا كنتا بغير منك شديد لانك حلوة وراقيه وحبوبه ... واي زول بدخل فيكي طوالي ،،، وصراحه انا ركزتا معاكي في حياتك لدرجه انو اتمنيت حياتي تكون حياتك ... اااي ياروزي شفتك معا طلال .. وطلال سمح وانا عجبني "😂 النصييييييحة ثمح ثماااااحة ،، ااااححححي ياقلبي " .. وبعداك لمن شفتو بهتم بيكي يا روزي كرهتك وغرتا منك انك بدون ما تطلبي بتلقي .... ياروزي انا اسفه والله ده بس شيطان واتغلب علي واتمكن مني يا روزي ... ياروزي انا عارفاكي ماحتنسي اني انا اذيتك بس اعفي لي .... وبقت بتبكي لمن نفسا كتم 😰😰😰😰 ... قامت لمن سالي رفعت راسا ،، لقت روزي بتبكي شديييييييد ،،، ومسكت سالي وقالت ليها : انا مسامحاكي ياسالي ،،،، عشان الكان بينا يا اختي ... انتي لازم تحلي مشكلتك الجواكي دي عن النقص الحاسه بيهو ... بس انا مسامحاكي .. وطوالي سالي قامت وباستا في راسا وشكرتا انو سامحتا 😘😘😘.... طوالي روزي قالت لي سالي : يللا جووا عشان نمشي نخطط عرسي نعمل فيهو شنو !!! قامت سالي قالت ليها : شنوووووووو 😳 !؟؟ عرسك وما دايرة تكلميني يازفته ؟؟؟! ... قامت روزي قالت لي سالي : اااي خطوبتي كانت مفاجأه من طلال امس ... وقبل تكمل كلاما سالي قعد تبكي 😭 وحضنتها وبقت نقول ليها : تستاااااهلي يا اطيب قلب ... وانتي قلبك ابيض وطلال زيك ..... ياربي يهنيكم طوووول العمر !!!
بعداك روزي باستا وقالت ليها : انتي اختي ومهما حصل البينا حلو يا طيوبه انتي 😘 ،،، قامت روزي ساقت سالي لي ناس امها .. وورتهم انهم اتطايبو 😍 ... وامها قالت لي روزي : انا ما دايرة اعرف تفاصيل بس المهم انكم حلوين .... وفعلا سالي قضت معاهم اليوووم كللو !!! وفي اخر اليوم طلال وميدو مشوا وصلوها .. ونزلو لي اهلها وباسوا راسهم واحد واحد ☺ ... وعزموهم للعرس ... ولما طالعين جا ابو سالي ومسك يد ميدو وحضنو عليهو وبقا يبكي وباسو في راسو .. وقال ليهو اعفي لي ياولدي ... قام ميدو باس راسو وطايبو وقال ليهو العفو وما بيناتنا انتا في مقام ابوي ☺😍..."حلويييين يا ميدو وطلال" .. بعداك طلعوا وطلال لمن وصل بيت ناس روزي ،، ناداها ،، وقال ليها انا ماشي عندي تجهيزات عرس 😅 وماتنسي بكرة الجامعه .. ومن بعيد اداها اممممح 😘 ومشا .. جمد قلب روزي ومشا 😂 " تستاهلي يا روزي الشلاقه ليكي شنو 😂😂😂" المهم اليوم انتهي .... تاني يوم وروزي ماشه تستحما لقت ابوها جمبها في الغرفه ،، وكان داير يقول ليها : نحنا لازم نوديكي لي طبيبه نفسيه ... بس في اخر لحظة سكت وقال ليها اصبحتي كيف ؟ واتونسوا شويه ... وبعداك مشت طلعت تستحما ،،،، ومشت لبست ( بنطلون بلو جينز ... وبلاوذ بيضاء ،،، وفكت شعرها ولبست هاي هيلز احمر وحلق رينق احمر .. وساعه حمراء والشنطه حمراء 😍 والروج احمر .... واهم اهم شي الدبله ... 👌) وطلعت ... لقت ابوها طلع .. وميدو قاعد ،،، طوالي ميدو قال ليها : مززززززززة ... حظظظظو ابو الطاء ،،، قامت روزي قعد تضحك 😂 وقالت ليهو : ده راجلي تاني فهمتا 😅 ... قال ليها : حاااااضر ... وطوالي ميدو طلع وعلم روزي السواقه اداها حصة ساعه كده 😅 ووصلها الجامعه ... قام طلال جاهم وقال ليهم ': ليييه اتاخرتو كده ،،، قام ميدو قال ليهو : المدام عندها عربيه جاااامده مرمية في البيت وبعلم فيها ،،، قام طلال قال ليهو ': طوالي تعلما لحدي ماتشيل رخصتها 😘😘😘،،،
طبعا ميدو حسا انو لسسسه روزي ملكو واختو وحبيبتو 😘😘😘 ،،، وطلال شهم وزول فاااهم 👌😅 ... عسسل ياخ طللو ده 😘 ،،، المهم بعداك روزي مشت معا طلال اللكشر وبعد انتهت نسمة سللمت عليهم 😍😍😍😍 والناس كللهم باركوا ليهم ،،، وقام طلال في استراحه الفطور قعددها وقال ليها : طبعا ابوكي قبيل اتصل علي وسكت ،،، قامت روزي قللقت وقالت ليهو في شنو يا طلال؟ 😰 ... قام طلال مسك يدها وقال ليها : مافي شي حبيبتي ،،، بس لمن تعبتي يومداك الدكتور قال لازم تمشي لطبيبه نفسيه ... عشان فضفضه ما اكتر ☺ روزي قالت ليهو : حبيبي انا زوله فاهمة علي فكرة وماعندي مشكله ... مغامرة حلللوة 😍😍😍😍 ... قام طلال قعد يضحك 😂 وقال ليها .. مجنونتي العسل 😜😜 .. قام مسكت الشنطه وضربتو بيهو ،،، وقعدوا يضحكوا ... لمن انتهوا .. قام طلال قال ليها : حبيبتي طبعا اختي طبيبه نفسيه نمشي ليها في عيادتا ؟؟؟ قالت ليهو ارح طوالي ،،، وفعلا مشوا ولاقو اختو ماندي 😍 زولة عسل ومتزوجه عندها بت 😘 ... واوووول ما دخلو ليها قعدت روزي وبعداك ماندي طردت طلال برة ... وبقت بتتكلم معا روزي .. بعد انتهو ... قامت عزمتهم في كافيه وفعلا اكلو وشربو ولمن ماشبن ... قامت ماندي قالت لي روزي : انتي عارفه انك محظوظه شديد لانو شكلو صدمة خطوبتك دي 😂 امتصت الجزؤ الكعب الجواكي ....والله بالجد ربنا رحيم
ويجعل لكل شي سببا 😍😍😍 قعدوا يضحكووووا .. وبعداك ضربت ماندي لي ابو روزي وامها وطمنتهم ... وحمدو الله 😍😘😘 ولمن ماشين قامت ماندي قالت لي روزي : انا موجوده في اي وقت تحتاجي لي فيهو ... وعندك علاج في يدك 😜 طلال الجمبك ده 😘 !!! روزي سللمت عليها وباستا وشكرتا 😘😘😘😘 وبعداك رجعوا البيت ...❤
ومرت اسابيع وروزي بتمشي الجامعه معا طلال واتعلمت السواقه وسالي علاقتها اتحسنت بيها ....
وجا يوم الفرح الكبير ،،، روزي لبست فستان رهيييييييييب ما بتوصف .. وطلال السمح لابس بدلة رهييييبه سوداء .. وجو اهل روزي من السودان ومن خارج السودان... وطلال اهلو الفي السودان والفي امريكا جو ... وسالي ونسمه كانو الوصيفا 😍😍 ( لابسين فساتين مخمل الوانهم اسود 😂😂😂" غايتو روزي جننتني الاسود 😂😘" .. ومعاها شباطه واكسيسوريز دارك بلو وكانو مزز) ... وميدو لابس بدلة حلووووة 😍 وام روزي بالجد ملكة 😘 وابو روزي ملك بس 😍😍😍 وابو روزي احتراما لامهم ماعزم مرتو التانيه بس عزم الاولاد ☺ ... وكانت ليله جمييييلة وحلللوة شديد .. كللها رومانتك من موسيقي لي إسلو دانس حق العرسان لي ديكور .. كانت بالجد ليله جميله ورهيبه وحلوة شديد 😍😍😍😍 ...
وبعد الحفله انتهت .. روزي وطلال سافرو علي هاواي ... ومشو جزر الباهاماس ... ومشوا بعداك البندقيه ايطالي 😍😍 وجو راجعين ... وكانت احلي ايام بالنسبه لي طلال وروزي 😘😘😘😍😍😍 ..
وبعداك بدت مسيرة حياة روزي الجميله معا طلال ... وواصلو لحدي ما كملو الجامعه وهم يد واحده ... وسالي اتزوجت عماد حبيبها ... ونسمة اتزوجت واحد من اهلها .... وميدو دخل جامعه هارفارد ادارو اعمال 😍😍😍😍 وام روزي ملكة " بقا عندها شركة خاصه ... وابو روزي شغلو ناجح ومبسوط ....
اما حبايبنا طلال وروزي ،،، الان يملكو شركة كبيرة لتصاميم الازياء ... طلال هو المشرف والمدير وروزي هي المصممة والمشرفه علي مشغلها ☺☺ ،،، وعندها لين وميدو وساري ... اولادها حبايبها ... وقطعها من روح روحها طلال .....
والحياة مستمرة ....!!!
#النهاية 😘😘😘
انا كتبتا الروايه في البدايه كترفيه والله ... بس دايرة اقول حاجه !!!
للكل :
مافي شي بيحصل في الدنيا الا عشان يزيدك ثبات ...
ولا مستحيل مع الله
خلي ده اساس تفكيرك ....
وبتمني انو تكونو استمتعتوااااا ...
انا : رؤي حسن علي
😘😘😘😘😘✋✋
