أنا_وردة_حياتي
بقلم : رؤي حسن علي
الحلقة الخامسة :
سالي ردت لي روزي وقالت ليها : اصلا حنستمتع حنستمتع دي ما دايرة ليها اتنين تلاته ،،،،هههه😅 ،،، وامك الليلة الله يسترها بس معانا .... طوالي روزي قعدت تضحك وقالت ليها : اسكتي يامجنونة ماتسمعك الليلة ،،، بتطين عيشتنا 😁 ، وبترجعنا بخفي حنين ،،، 😅 ... وقعدوا يضحكوا الاتنين ☺ ... بعد مسافة من الزمن جات أم روزي وقالت ليهم : بتتبسموا مالكم في شنو! سالي قالت لي ام روزي : بس اتذكرنا حاجة ... عشان كده .. قامت ام روزي ردت لي سالي : بري بري مااااا اقنعتوني لكن بمشيها ... طوالي روزي بقت تقول لي امها: اها ناكل شنو ؟! (دايرة تقطع لي امها حبل افكارا ههه😅)،، قامت امها ردت ليها ،وقالت لي روزي : انا اصلا طلبتا بيتزا فاميلي سايز وطلبتا برضو ديزيرتس.."مشوا ماكدونالد لانو مطعمهم المفضل" ،، قامت سالي طوالي قالت ليهم : انا الليله بالجد مبسوطة وسعيده اني طلعتا معاكم ياااااخ 😍،،، روزي قالت ليها حبيبتي انتي والله انا زاااتي مبسوطه 😍 ؛ وبعد دقائق معدوده كده وبفارغ الصبر وهم بيتمطقوا.😅.. وصلتهم البيتزااااا هات هات 😍😋 .... وطوالي روزي وملكة امها وسالي دخلو شمال علي البيتزا ،،، وضحك وسلفي وتعاليق ... واهم شي التحلية استمتتتتتعوا بيها ! وبالجد كلهم غيرو جو ... بعد انتهوا سالي وروز قالو لام روزي خلااااااص شبعنا بعد ده نرجع البيت بس تاني ،،، قامت ام روز قالت ليهم : تمام انا زاتو بكرة راجيني شغل وانتو الجامعه ،،، وساقتهم ورجعت سالي بيتها ،،، وهم واصلوا لحدي ما وصلو البيت ،، اول مادخلو البيت لقوا ميدو في وشهم وبقا بحمر لي امو ،، وقال ليها : ليه كده ياحاجتي تكسري قلبي كده ، .. ياملكتي معقولة تأكلي البهايم والغنم الزبادي .وتخلي البقر عايم حايم في الهوا كدا سااااي ؟ ... روزي قعد تضحك 😂"فهمتوا الكلب بسئ وبهين فيها هي وسالي هههه) ...امو قالت ليهو ياولد ده كلام شنو البتقول فيهو ده ؟؟؟! قال ليها : هان عليكي يا ملكتي ما تأكليني بيتزا معاكم في قعده حلوة ظريفه ، هسي ما حرام عليكي ،،، امو قالت ليهو خلاص طيب ارح نمشي نقعد وناكل بيتزا من اول وجديدانا وانتا وعشام روزي ماتقعد براها نسوقها معانا ،،، روزي قعد تضحك وقالت ليها كتر خيرك برضو😂 ...، طوالي ميدو قال ليها ياخي انا شبعان زااااااتو.. خليهو يا امي يوم تاني ....!!! امو قالت ليهو خلاص طيب !!!!! وبعد امو مشت علي غرفتها مسك شعر روزي من ورا وقال ليها: عارف انا ليه ابيت امشي هسي ولا حتي اطلب دليفري ؟ .... قالت ليهو اها ... وفك شعري ده ،،، قام ميدو فكا ليها شعرها وقال ليها عشان انتي ماتكوني ماليه بطنك دي مرتين ،،،،، روزي بقت تضحك 😅 وقالت لي ميدو : واااااااي ياميدو لالالالا ده كلللو كاتمو جواك ... فظيع فظيع فظيع وحسوووود ...امشي من قدامي انتا سايكو !!! ..قال ليها ياخ اي سايكو وبكل فخر 😌 ... طبعا روزي في اللحظة دي مرارتا اتفقعت .. وبدون ما تبدي اي رد فعل ليهو واصلت مشيها لحدي ماوصلت غرفتها ... !!
ولما دخلت غرفتها،، جدعت شنطتها وطوالي علي الحمام !!! استحمت وغيرت هدومها وطلعت ،،، كوت شعرها بالسراميك ولمتو .. وبقت تتمسح .. واثناء ما بتجلبط في روحها 😁 .. جاها نلفون غريب داخل عليها .. طوالي ردت وقالت (الو) .. (الرقم الغريب رددا : الو اهلين روزي ) .. روزي استغربت وقالت ليهو ( معليش انتا منو ؟ )... قال ليها : معاكي طلال .. قالت ليهو : طلال!!!!؟ باستغراب ....قال ليها ( اي زميلك في الجامعه ) .. روزي قالت ليهو ااااي عرفتك وسكتت .... وجوا قلبها شغاله عرفتك يا السمح انتا الما بتتعرف 😅 ... !!قام قال ليها : ياروزي عارفه انك دخلتي قلبي ومن شفتك والله مامصدق اني شفتا قمر وماشي بين الناس ، ،،،، روزي قبل يخلص كلامو قاطعتوا وقالت ليهو : اذا سمحتا يا أقفل الخط يا انا بقفلوا... قام طلال قال ليها: طيب معا السلامة وتصبحي علي خير وقفل الخط ...،،، بعد روزي التلفون قفلوا منها طلال . مشت اتصلت علي سالي ''' هههههه الشمار الحار اصلو ما بيبردوهو تقولوا قراصة بس ،، لالا اووووبس سوري قصدي بيتزا بس 😜،،، وهي اثناء بتتصل علي سالي : كانت بنفكر انو كيف الولد القرض ده معجب بيها وخصوصا انو هي اول يوم في الجامعه كانت مبهدلة ومبشتنة شديييد ... طوالي قطعت ليها حبل افكارا سالي. وردت ليها: الو ياسكرة مانمتي مالك؟! روزي قالت ليها : عندي ليكي شماااار حاااااااار بيتزا ماكدونالدز بس .. تتأكل كده بس 😆 ،، هههه(😂 معليش للمعط،،، ممغوووووسة وانا بكتب .... ههه ماعلينا) ..اها طوالي سالي قالت ليها : احكي لي سرررررريع ،، روزي قالت ليها : طبعا في ولد اسمو طلال معاي في الجامعه اتصل علي هسي دي ! وطرح لي بصورة مبدئية تغزلية كده 😅😍،، سالي قعد تضحك وقالت لي روزي : وانتي يا الخفيفة جبتي رقموا كيف ؟! روزي قالت لي سالي : خفيفه في عينك ياجزمة. . . سالي قالت ليها : اها معليش طيب ، وانتي رديتي ليهو قلتي شنو؟ .... روزي قالت ليها : قلتا ليهو يا اقفل الخط يا انا بقفل الخط وهو قال لي تصبحي علي خير وقفل الخط .... سالي بقت مطلعة صوت في التلفون، قامت روزي قالت ليها في شنو؟ سالي قالت ليها : بلطم في وشي علي خيبتك الله يخيبك 😖😖 ،،،، يابت واااااي منك اقول ليكي شنو بس ؟! اقفلي الخط سريع يا انا بقفلوا في وشك ده هسي دي !!!! روزي بقت تضحك شديد وبتقول ليها ياسالي اسمعيني انا بس عملتا كده ليه اول .... سالي طوالي قالت ليها تصبحي علي خير وقفلت الخط في وشها ،،،،،،، ههههههه جزمة يا سالي 😅،،، بعد سالي قفلت الخط روزي بقت تضحك لمن دموعها نزلت وبتقول لي نفسها انا زاتو غلطاااااانه ياسالي البوريكي باي شي ... ورقدت نامت !!!!!
تاني يوم الصباح .. صحت علي تلفون من ابوها وقالت ليهو: الو بابا ... قال ليها : الو روزة حياتي .. نايمة وللا شنو ؟! .. روزي قالت ليهو ( يادوووب صحيت والله علي صوتك يا جميل ) ابوها قعد يضحك وقال ليها : عارفه انو انا موش عندي مرتين .. بس انتي المدية حياتي طعم !! لانك اول فرحة وكمان بنوته لي ..... !!! روزي قعد تتبسم ساااااي زي الهبلة كده ... وقالت لي ابوها : سجل لي عرباتك اها .... سجل لي شركاتك ايو تمام جب ...!!! 😅 .... ابو روزي قعد يضحك وقال ليها : يلا قومي وخلي امك تتصل علي دايرها في موضوع ضروري ... وانتي بعد تصلي جامعتك .. اتصلي علي دايرك انتي برضو .... روزي قعد تضحك وقالت ليهو : منك خوفة يا راجل !!! طوالي ابوها قال ليها : اريتني يابتي كان فارغ زيك وماعندي موضوع يلا سلام ... وقفل الخط في وشها .....😂كتروها عليكي ياروزي 😅،،، روزي بقت تضحك وتقول :ياجماعه انا مالي الوشوش دي تقفل في تلفوناتا في وشي ...
واثناء مابتتبسم وعايشة مرارة طاخ قفب تلفونوا مني ديك ....!!! 😅 ،،، جاتا امها ،، وقالت ليها :صباح الخير روزي العسل ، اصبحتي كيف حبيبتي ؟؟... روزي قالت لي امها : تمام الحمد لله وعلي فكرة بابا قال داير يتكلم معاكي بعدين ،، ارجعي ليهو !! لانو قال لي اذكرك .... امها صرت وشها وقالت ليها : طيب تمام ! وطلعت منها ،،،، روزي قالت لي روحها : صحي يا ابوي منك خوفه ههههه!!!... ومشت علي الحمام استحمت ولبست ليها بدلة غير رسمية (اسكيرت ماطويل شديد وقميص فورمال ، الاسكيرت لونو اسود ، والقميص ساتان علي رمادي كده ) وعملت شعرها كيرلي 😍 ،،ولبست هاي هيلز وشنطة من ديور!!!... غايتو كانت مزززة ،،، وطوالي طلعت للجامعه ... لمن وصلت الجامعه اتصلت علي نسمة وقالت ليها : انتي وين ؟؟ .. نسمة ردت ليها : انا في الكافتيريا تعالي اصلا المحاضرة الدكتور اعتزر منها ،،،،قالت ليها خلاص جاياكي و لمن وصلت الكافتيريا ، اتفاجئت انو طلال قاعد معا نسمة ... لمن وصلتهم طلال قام علي حيلو بي كل ادب وسلم عليها ،،، ونسمة سلمت عليها وقالت ليها : ازيك ياجميل !!... قعدوا التلاته في تربيزة واحدة .... وقعدت قصاد طلال،، طبعا روزي كانت متوترة شديد "منظرك صراحة خور ياروز بعد العملتيهو" 😬... بقت ماقادرة تعاين في عيون طلال نهائي .... طول الوقت بتتكلم وبتعاين لي نسمة ، لمن نسمة حست انو في شي ،،، وطلال سيد الشي زاتو 😂😂😂 حسا بيها متوترة شديد ،، قام حاول يفتح معاها موضوع ويوجه ليها اسئلة مباشرة ،،، بس هي كانت بتخجل وبتنزل راسا وما بترد ،، طوالي غير القناة 😄 ،، وبقا بيتكلم في مواضيع عامة واثناء ما بتكلم جاب سيرة التصاميم ،،، طوالي اختنا روزي رفعت راسها وفتحت خشمها رادار بس 😄 وبقت تقول ليهم : التصاميم دي جميلة ياخ.. وانا بالجد نفسي ابقي مصممة ازياء ، بس اهلي وبالذات بابا اصر علي اني ادخل ( جامعه ستانفورد -حاسوب) . ... عشان مجال حلو ... وانا رضيت بالحاجه دي وقلتا احاول استفيد من مجالي ده لي قدام واقدر اعمل تطبيق خاص بالديزاينز ،،،، طوالي طلال ونسمة قالو ليها : يا سلااااام 😍😍😍😍 ،،، صراحة زوقك حلو . ويادوب فتحتي لينا نفسنا لانو نبدا نتعمق في مجالنا ده !!! ..... بعداك لمن انتهوا من الونسة وهم ماشين علي المحاضرة ... طوالي طلال وقف روزي وقال ليها : في كلام عاوذ اقولو ليكي !!!
يتبع ✋�💃
