القاسيان "الجزء الثاني" ، الحب الضائع"الجزء الثالث"

الحلقة التاسعة

الحلقة التاسعة
________________

برايم : يوسف حبيبى نفذ اللى اتطلب ، انت لو رفضت هتموتو انتو الاتنين وهتبقى خسرت عمر وخسرت روحك
يوسف : لا ، لااااااا
عمر : اسمع الكلام يا يوسف بدل الخسارة الكبيرة تبقى خسارة صغيرة
يوسف : ازاى يا عمر ؟؟؟
عمر : يلا يا يوسف نفذ المطلوب منك
الرئيس : kill him !!!!!!!
عمر : يلا يا يوسف
رفع يوسف السلاح تجاه عمر وهو حزين ونزلت دمعة من عينه و قال بحزن ودموع : قولتلك بلاش الشغلانة دى انت عندك اللى بتحبك ومستنياك ، حرام عليك
ورمى السلاح وقال : انا مش هقتل صاحبى ولو عايزين تقتلونا احنا الاتنين ماشى احنا جاهزين
بس خلو بالكو.....لو عمر حصلو حاجة لوحده انا هقلبها عليكو وبدل ما اكون معاكو هكون عليكو واظن فاهمين كلامى واخذ عمر وذهب الى غرفته وسط اندهاش الجميع
ذهبت برايم الى غرفة يوسف وعمر ودخلت
يوسف : ايوة !!!
برايم بإبتسامة : مبروك يا يوسف انت نجحت فى الاختبار
يوسف بإستغراب : اختبار !!!! ونجحت ؟؟؟؟
برايم : ايوة
عمر : اختبار ازاى يعنى مش فاهم
يوسف : طب اختبار وعرفناها ، نجحت ازاى وانا رفضت اوامركم ؟؟
برايم : اى حد بيشتغل معانا مش لازم يتعرض لضغط مهما كان الضغط ده اية وكان الهدف من الاختبار هو ان لو منظمة تانية ضغطت عليك علشان تقتل حد من هنا او تشتغل معاهم تكون تبعنا وبس
واحنا لما طلبنا تقتل عمر كنا بنختبر الضغط ده ياترا هتبيع صاحبك وواحد معانا ومهم فى التيم ولا هتفضل مصلحة الكل
يوسف بعصبية : ولو كنت قتلته بقااا!!!!!!
برايم : كنت هتفشل فى الاختبار
عمر : ببساطة كدا !!
برايم : احنا كنا متأكدين انكم هتنجحو لان ببساطة مش بعد كل التدريبات دى وتفشلو فى الاختبار
يوسف : اممممممممم طيب يا برايم ، كويس انى لسة عندى شوية احساس والا كنت قتلت صاحبى وموته زى ما موتت ابنى قبل كدا
تركتهم برايم وظل يوسف شاردا ويفكر حتى قطع تفكيره صوت عمر
عمر : بتفكر فى اية
يوسف : حاجات كتيييير ، قولى يا عمر هو الظابط قالك اية
اتوتر عمر : ظابط مين ؟
يوسف : المقدم محمد ادهم يا عمر
عمر : مالو
يوسف : اتفقت معاه ضدهم وجيت علشان تعمل دور انك شغال معاهم صح !!!!
عمر : انا اتفقت معاه بس تمويه علشان اشتغل هنا وهو فاكر انى تبعه
يوسف : عليا الكلام ده يا عمر !!!!!
عمر : عايز توصل لأيه يا يوسف
يوسف : علشان لو كنت فعلا متفق مع الظابط يبقى اسهلك الطريق للى عايزو
عمر : هتخونهم ؟
يوسف : هو انت صدقت انى شغال معاهم وانى بقيت منهم ولا اية !! انا بشتغل لحسابى ، انا بس بنفذ اللى بيتطلب علشان افهم شغلهم اية وبيعملو اية علشان ابقى انا لوحدى
عمر : بلاش يا يوسف ، انت كدا بتلعب بالنار....دى مافيا كبيرة وليها علاقة بإسرائيل
يوسف : هو ده بقا اللى مخلينى اقولك اسهلك الطريق ، انا لو بأيدى اولع فيهم وفى اسرائيل كلها هعمل كدا بس لسة بدرى
عمر : يعنى هتفضل ماشى فى الطريق ده ؟
يوسف : ايوة يا عمر.....ايوة
عمر : براحتك
يوسف : روح شوفلنا برايم تجيب لينا قناة اون سبورت على ام التلفزيون ده علشان الاهلى هيلعب مع الزمالك دلوقتى
ضحك عمر : حاضر
.........................
ادهم : بابا بابا
محمد : ايوة يا ادهم
ادهم : انت مش قولت هتعلمنى حركات علشان ابقى ظابط
محمد : انت لسة صغير لما تكبر شوية هبدأ اعلمك علشان تطلع ظابط ياعم
ادهم : لا لا دلوقتى
محمد : امممممممم طيب اتفرجى علينا يا يارا
يارا : براحة على بابا يا ادهم متضربوش جامد
ادهم : حاضر يا مامى
محمد : حاضر يا مامى !!! انت صدقت انك هتضربنى ولا اية ياض ؟
ادهم : اها يلا علشان اغلبك
محمد : عاجبنى فيك شجاعتك
يارا : وغرور ابوه
محمد : انا مغرور !!!
يارا : امال اية ، فاكر قبل ما نتجوز كنت عامل ازاى ولا افكرك
محمد ضحك : يا ستى....يعنى واحد شاطر فى شغله واى مهمة ينجح فيها ومفيش قضية غير لما يخلصها مش عيزاه يبقى مغرور
يارا : شوفت اهو غرور
محمد : انا مغرور يا ادهم !!!
ادهم : عايز الصراحة يا بابا ؟
محمد : ياريت
ادهم : لا
ضحك محمد : ههههههههههههه مش بقولك ادهم ده شبهى فى كل حاجة
يارا : مش ليه مصلحة
محمد : اها تصدقى ، المفروض هدربه
يارا : هههههههه خلص وشوف بقا هيقول اية
محمد : مش مطمنلكو ، شكلكو متفقين عليا
يارا : احنا لا ابدا يا قلبى
محمد : ده انا قلقت اكتر بعد الجملة دى
يارا : ههههههههههه
محمد : خلى طيب التدريب بكرا يا ادهم علشان هنزل انا و رامى نتفرج على ماتش الاهلى تحت دلوقتى
ادهم : هو الاهلى هيلعب مع مين يا بابا
محمد : زيزى
يارا : اية ده هو فيه فريق اسمو زيزى !!!
محمد : لا يابنتى ده الزمالك ، دلعه زيزى
ضحكت يارا : طيب
...........................
فى فيلا صابر
صابر : يااه بقا حصلكو كل ده
سهوة بحزن : للأسف حتى ماما اتوفت وسابتنا لوحدنا
صابر بحزن : ربنا يرحمها ، يارتنى كنت قابلتكو من زمان
سهوة : الحمدلله اننا اتجمعنا
صابر : سهوة هو اية سبب طلاقك من يوسف قبل ما يموت
استرجعت سهوة الذكريات بحزن : حملت وقالى ان اللى فى بطنى مش ابنه وضربنى وطلقنى
صابر : يوسف يعمل كدا !!!!
سهوة : اكتشف غلطه لما راح كشف برا بس بعدها حصل اللى حصل
صابر : ولا يهمك يا سهوة ومتزعليش ، بكرا اجوزك اللى يعرف قيمتك بجد
سهوة : لا يا صابر مش هتجوز تانى بعد يوسف
صابر : لية يا سهوة....انتى لسة بتحبيه !!
سهوة : ايوة يا صابر وبفتكره كل لحظة
صابر : ونسيتى اللى عمله فيكى !!
سهوة : اي حد مكانه كان هيعمل كدا يا صابر وبعدين يوسف حبنى وانا حبيته وخلاص نسيت اللى عمله
صابر : لنفرض انك نسيتى يا سهوة بس هو خلاص مات ، المفروض تشوفى حياتك وتعيشى
سهوة : لا مش هتجوز بعد يوسف ، عمرى ما حبيت ولا هحب حد قد يوسف
صابر : براحتك يا سهوة
ايما : تعالى يا عمتو سهوة العبى معانا علثان انتى اللى بتعلفى تلعبى اللعبة دى
سهوة بإبتسامة : حاضر يا ايما ، يلا نلعب
.......................
محمد : جوووووووول
رامى : الاول فى زيزى ههههههههههه
محمد : ولسة ، استنى استنى
..........
عمر : يلا هاااااا جووووووول التانى الله
يوسف : عااش رجالة الاهلى ، انت عارف ياعمر نفسى فى اية دلوقتى
عمر : اية
يوسف : اروح لجودى واقعد اغيظها زى ما كنت بعمل فيها علشان الاهلى كسبان
عمر : هيجى اليوم وترجعلهم تانى
يوسف : مش حاسس بكده ، خلاص انا فى طريق مسدود
عمر : مش انت اللى ربطت نفسك بالطريق ده ولا نسيت
يوسف : لا منستش ، اية ده ازارو هه يلا هه جوووووووول التاااالت
عمر : ههههههه شوفت الشناوى وهو بيتزحلق
يوسف : مش ده حارس مصر الاول بردو هههههههه
....................
رامى : يلاهوى على المسخرة ، الشناوى لحس النجيلة
محمد : هههههههه احسن ، فاكرين نفسهم هيكسبو الاهلى
رامى : فرقة تعبانة ياعم
ادهم : هو الزمالك ده ملوش اهل يسألو عليه يا بابا !!
ضحك محمد بشدة : ههههههههه مش باينلو اهل
يارا : علمت الواد الكورة يا محمد
محمد : طالع لأبوه ، امال فين ملك
ملك : قاعدة متابعة الماتش الممل اهو وراكو وبعدين اية الفرقة اللى لابسة ابيض ومتشقلطة دى
رامى : الزمالك يا ملوكة
ملك : بس الماتش مفهوش اكشن كدا
رامى : اكشن اية يا بنتى ، اللعيبة هيضربو بعض مثلا
محمد : اها زى ما حسام غالى ضرب حازم امام وخلاه يعيط
ملك : ههههههه ايوة عايزة اكشن من ده