الجد بندم:ساكت ليه مصدوم فيه صح بس اعمل اي كنت خايف تبعد عني زي ما عمك بعد زمان انت بتفكرني بيه بحبك وحنيتك عليه
احمدبتفهم :جدي انا مش زعلان منك انا زعلان من نفسي ان حكمت علي شخص من غير ماسمع ليه وافهم اي الاحصل والمفروض اني ظابط ودي مهمتي ان اسمع وبعدين احكم انا عملت زيك بظبظ حكمت علي واحد بالاعدام من غير ما اسمع ليه انت ظلمته اوي يا جدي
الجد بدموع:عارف وده الا قهرني نفسي اشوفه واسمع صوته
احمد بثقه: هرجعه ليك متشيلش هم
الجد : يارب يا حبيبي تبقي رديت فيه الروح من تاني
احمد :باذن الله
الجد وهو يشاور بيداه :بس انا عاوز اقول ليك نصيحه قد كده
احمد:اتفضل
الجد:انا عاوزك متحكوميش علي حد من غير متحكم عقلك حتي لو شايفه بعينك مش كل الا بنشوفه قصاد عنينا بيكون الحقيقه ولكل فعل رد فعل يا احمد اسال ودور علي الحقيقه الاول وبعدين احكم فهمت
احمد :فهمت
الجد بحماس وسعاده :بس تعرف انا مبسوط اوووي ان هشوف حاجه من ريحته ويمكن تكون بنته سبب ودينا من تاني عاوزك تحطها في عينك يا احمد وتحافظ عليها
احمد بجديه :متخافيش هحطها في عيني هي هتبقي زي رهف بظبط
الجد بثقه :مفتكرش ابدا انها هتبقي زي رهف
احمد باستغراب:اشمعنا يعني
الجد:بكره تعرف
احمد :المهم هي هتوصل امته
الجد بسعاده:بكره ان شاء الله ليقطع كلامه رنين هاتف احمد :اسف يا جدي ثانيه واحده
احمد :الو
المتصل :انت فين يا بني
احمد : في البلد
المتصل :طب انجز محتاجينك ضروري وقالبين الدنيا عليك
احمد بثبات: ساعه بكتير واكون عندك
المتصل :اخلص بسرعه
احمد بنفاد صبر وصوت شبه عالي :حسام
حسام بخوف مصتنع : خلاص يا عمونا هدي اعصابك
احمد :هو الا يعرفك يبقي ليه اعصاب اقفل وقفل في وشه
احمد ذهب لجده :اسف يا جدي لازم امشي محتاجيني ضروري
الجد بتفهم :ربنا يحميك يا حبيبي بسلامه انت
احمد وهو يقبل يداه :طب سلام انا هبقي اكلمك
بعد ساعه وصل احمد الي مقر عمله ودخل بهيبته المعتاده والعساكر والضباط يقدمون التحيه اليه و
شخص ما ينادي عليه : احمد يا احمد
يلتفت احمد وراءه : حسام
حسام وهو يسلم عليه :كويس انك جت
احمد :ليه اي اللي حصل
حسام :مش عارف اللواء صفوت عملينا اجتماع كمان 10 دقايق هيبلغنا باللي حصل بس شكل الموضوع كبير
احمد بحماس :هو ده الكلام
حسام :طب تعالي يا عم المتحمس اما نشوف الموضوع
تعالوا بقي نتعرف علي حسام شاب طويل عريض عيونه عسلي وشعره اسود طويل ومرح جدا ورغم خفه دمه انه ضابط لا يعلي عليه وبيحب احمد ويفديه بروحه وديما ناقير ونقير
في غرفه اللواء صفوت يدخل احمد وحسام ويلقون التحيه
اللواء صفوت : اتفضلوا
احمد:خير يا فندم حضرتك طلبتنا
صفوت :مبداينا كده انتو عارفين انكو اكفا الضباط عندي علشان كده اخترت ليكوا المهمه دي
حسام :شوقتنا يا فندم خير
اللواء :جتلينا اخباريه ان فيه رجل اعمال مشهور متورط في اعمال مشبوها ومهموتكوا تعرفوا صحه المعلومات دي
احمد بجديه :طب متعرفوش مين الا بعد المعلومات دي
اللواء :للاسف لا كل الا اعرفه انه بعد ظرف لينا فيه المعلومات
حسام :ما يمكن يكون ملعوب يا فندم
اللواء :يمكن كلامك يكون صح وممكن فعلا يكون متورط كل الا علينا دلوقتي الا نثبت صحه المعلومات دي ولو كان متورط يبقي العداله تاخد مجراها ولا شي فوق القانون
احمد بجديه : اسمه اي
اللواء : عز المنياوي
الكلمه نزلت علي احمد كانها دورق ميه بارد
احمد بعدم تصديق : بتقول مين يا فندم
اللواء :عز المنياوي
احمد في نفسه :واله وجيتلي برجليك يا عز الكلب
اللواء وهو يشاور لاحمد :احمد رحت فين
احمد :معاك يا فندم
اللواء :عاوز قرار الموضوع ده في خلال48 ساعه تمام
احمد وحسام:تمام يا فندم
احمد :اي اوامر تانيه يا فندم
اللواء:لا اتفضلو انتو
بعد خروح حسام واحمد ذهب الي مكتبه و كان شارد فيما حدث
حسام :احمد روحت فين
احمد بشرود :معاك معاك يا حسام
حسام : لا مش معايه انت تعرف عز قبل كده
احمد اتفاجا من سوال حسام : اي الا خليك تقول كده
حسام :اول اما سمعت الاسم اتصدمت كانك تعرفه ومن ساعتها وانت شارد في اي هتخبي عليه
احمد:ومن امته وانا بخبي عليك حاجه انت صاحب عمري
حسام :تعرفه
احمد بغموض :عز المعرفه
حسام بشك :مش عارف ليه شامم ريحه وحشه في الموضوع
احمد بجديه:عندك حق ريحه هقلبها فوق دماغه ان شاء الله
حسام باهتمام:اشجيني
سرد احمد له ما حدث باختصار شديد
حسام بصدمه :يعني كل الا حصل ليكو ده بسببه هو مش ممكن ده شيطان علي كده يبقي المعلومات اللي وصلت لينا اكيد صح
احمد بغضب وهو يتوعد ليه:اكيد هتبقي صح ؟؟الراجل الا يفرق بين اب وابنه ويدمر حياه عيله لمجرد الغيره منه مستعد يعمل اي شي علشان مصلحته !!وانا بقي مش هرحمه وهندمه علي كل دمعه نزلت من عين جدي وبدل الدموع دم.
::::::: في شركه المنشاوي :::::::
عمر وهو يهاتف شخص ما : خلاص زي ما اتفقنا مع السلامه
واغلق هاتفه وكلم السكرتيره :نهله ناديلي باشمهندس سيف لو سمحتي
نهله :حاضر يا فندم
بعد لحظات انفتح الباب من غير استأذن ودخل سيف
سيف وهو يزفر بضيق : خير
عمر وهو يعاتب سيف:انت مش هتتعلم الزوق شويه مش فيه باب تخبط عليه
سيف وهو يمدد رجله علي الكرسي :عمر مش وقت محاضرات ابوس ايدك انا رجلي مش شيلاني انجز وقولي فيه اي علشان اروح ارتاح
عمر بنفاذ صبر من تصرفات اخيه : انجز وتروح ماعلينا عملت اي في الا قلتلك عليه
سيف بارهاق : والله عملت الا قولتيلي عليه وديت البضاغه وبعدين روحت الموقع واشرفت علي العمال
عمر بحنان :طب روح انت يا سيف وانا هبقي احصلك
سيف وهو يقوم :يبقي كتر خيرك يا خويا سلام
عمر :مع السلامه
؛:::::::في فيله محمد المنشاوي:::
يدخل سيف الي الفيلا وهو مرهق فتقابله ليلي وهو داخل
ليلي بلهفه :سيف اي اللي رجعك بدري كده
سيف بضيق: ابات ليكي في الشركه علشان ترتاحي
ليلي بحب :لا مقصدش والله انا كل الحكايه عاوزه اطمن عليك
سيف ببرود:اطمني يا سيتي انا كويس ممكن اطلع ارتاح شويه وتركها وغادر
ليلي وقفت تبص علي مكانه الفاضي فجائت من خلفها مريم اللي سمعت كلامهم
مريم بحنان : مالك يا ليلي وقفه كده ليه
ليلي بصت ليها ومتكلمتش
مريم بحنان: انت زعلانه من كلام سيف معاكي
ليلي بحزن :لا ابدا انا اتعودت علي كده خلاص
مريم :اومال مالك بس
ليلي بحزن :بابا وماما وحشوني اوي
مريم : الله يرحمهم
ليلي :تعرفي ان نفسي اروح ليهم اووي
مريم بحزن :بعد الشر عليكي ليه بتقولي كده واهون عليكي تسبيني لوحدي
ليلي بدموع : لاني اشتقت لهم اوووي
مريم بزعل :يا حبيبتي هما في مكان احسن دلوقتي ادعيلهم بالرحمه
ليلي : ربنا يرحمهم
مريم وهي تسحب اختها الي المطبخ وبمزح لكي تخفف عن اختها : تعالي بقي يا جميل نتعشي اصل الداده عملنا حته دي بطه انما اي تستاهل بقك الضغنن ده مريم دخلت اختها المطبخ وبصت علي البطه المحطوطه علي الرخامه وبشهوه وهي تطلع لسانها وتفرك بيداها كانها هتفترسها اكلك منين يا بطه اكلك منين
كل ده وليلي مش مبطله ضحك علي تصرفات اخته الطفوليه و
سلمي دخلت عليهم فجاه وبصوت غاضب مصتنع: عندك انتي وهي بتعملوا اي حاتي البطه دي
مريم وهي تخبي البطه وراء ضهرها :ابدا مستحيل انا متففه معاها من وهي في البيضه الا انا هكولها لما تكبر مريم وهي تبص للبطه صح يا بطه
سلمي وهي ميته علي نفسها من الضحك هي وليلي :ههههههه طب سيبيها بس واستهدي بالله كده وسبيها لحد اما عمر يجي وياكل معاكي ابوس ايدك الراجل علي لحم بطنه من الصبح
مريم بضحك وهي تمد يداها لسلمي : ههههههه اتفضلي بس يريد تبوسيهالي صووووبع صوبع لو سمحتي
سلمي وهي تبص لليلي وتغمز لها:صوبع صوبع هاااااا طب تعالي بقي ومستكتها هي وليلي وقعدوا يزغزاغوا فيها وهي هربت منهم وطلعت تجري وهوووووب تخبط في
مريم بتمثيل:ااااه الحقني يا ابيه
عمربخضه: مالك في اي
مريم: سلمي
عمر:مالها
مريم : دخلت اكول بصفاء نيه
عمر وهو يكتم ضحكته:صفاء نيه اممم وبعدين
مريم بسهوكه:دخلت عليه سلمي وخدت مني الاكل وقعدت تضرب فيه كاني مرات ابوها
عمر انفجر من الضحك : ههههههه مرات ابوها
كل ده وسلمي وليلي في حاله ذهول من تصرفات مريم
سلمي :البت دي كدابه دي كانت هتاكل البطه كلها يا حبيبي
عمر وهو يمسك مريم من ودنها: بطه اخس عليكي يا مريم عاوزه تاكليها لوحدك اممممم انا قلت طلامه فيها ابيه يبقي عمله مصيبه
مريم :ااااه والله يا عمر كنت هسيبلك الورك صدقني
عمر ساب ودنها : بجد كنت هتسبيلي
مريم وهي تجري :اه والله انا اقدر اكلها من غيرك
عمر وسلمي وليلي انفجروا من الضحك علي شكلها وهي بتجري
عمربضحك : هههههه مصيبه البت دي اقسم بالله
سلمي :هههههه عندك حق انا مش عارفه انتي اختها ازي يا ليلي
ليلي :هههههه ولا انا والله
عمر:ربنا يخليكوا لبعض
سلمي وليلي :يارب
عمر :هااا هناكل امته انا عصافير بطني يتصوصو
سلمي :فوريره يا قلبي احضرك الاكل عقبال ما تغير هدومك
بعد دقايق نزل عمر
عمر :سلمي فين الاكل
سلمي من المطبخ:ثواني يا حبيبي
عمر :طب حد ينادي سيف
ليلي بسعاده:انا هطلع انادي ليه
ليلي طلعت تنادي عليه و
طق طق طق
سيف وهو يهاتف شخص علي الهاتف: حياتي وربنا بحبك
المتصل:انت كداب اوي علي فكره
سيف :لالا عمري ما حبيت غيرك صدقيني
المتصل: ماشي سيدي مصدقاك هنتقابل بليل
سيف:اكيد هنتقابل بليل زي ما اتفقنا ويقطع كلامهم صوت الباب
طق طق طق
سيف :ثواني يا قلبي ::: مين
ليلي من الخارج:انا ليلي
سيف فتح الباب بضيق : خير
ليلي : الاكل جاهز وعمر قالي اندهلك
سيف ببرود :حاضر ثواني ونازل وقفل الباب
ومسك تلفونه :اسف يا لمي
لمي بغيره: ودي مين ان شاء الله الا داخله اوضك
سيف :دي ليلي بنت عمي حد يغير من ليلي برضو
لمي : ليلي اممممم اذا كان كده معليش
سيف :طب هنزل اتعشي وعلي معادنا بليل بقي هاااا
لمي بدلع:اوك يا قلبي باي
سيف : باي
::::::::في غرفه السفره::::::
يدخل سيف :ازيكوا يا بشر
عمر:اهلا ياخويا ساعه علي اما سياتك تنزل
سيف : معليشي بقي كنت جعان نوم
مريم بغمز:جعان نوم برضو
سيف بضحك وهو يرفع حواجبه: حلاوتك وانتي قفاشني يا جميل انت
سلمي :طب بطل معاكسه في البت وكل الاكل هيبرد
سيف وهو يبص علي ليلي:انا راجل بيحب يقدر الجمال ولازم اقول رايي
عمر بنفاذ صبر :وقلت اطفح بقي
سيف بغيظ:حاضر هطفح
كل ده وليلي قاعده ساكته وزعلانه من تلمحات سيف ليها
ليلي وهي تقوم من علي السفره
عمر :رايحه فين يا ليلي
سلمي : انتي لسه مخلشتيش طبقك
ليلي وهي تبص لسيف :الحمد لله شبعت عن اذنكوا وتركتهم ومشت وقامت وراها مريم
عمربغضب:عجبك كده يا زفت
سيف باستغراب: في اي انا عملت اي دلوقتي
عمروهو يقوم من علي السفره: لا ابدا معملتيش اي حاجه اففففف
سلمي بعتاب:عجبك كده
سيف بضيق:هو كل شويه حد يقولي عجبك كده
سلمي : سيف انت فاهمني فمتحورش عليه بطل طريقتك دي مع ليلي ليلي بتحبك
سيف :علشان بتحبني دي فمش هتغير هي بنسبالي مجرد اخت وهي مش عاوزه تفهم كده اعمل اي
سلمي بتفهم :ماشي انت مبتحبهاش ودي مش هنقدر نغضبك عليها بس ده مش منظر واحد بيعاملها كاخت دي لو مرات ابوك مش هتعمل معاها كده
سيف بضحك :هههههه حلوه اوووي مرات ابويه دي
سلمي بصوت شبه عالي :سييييييف
سيف :اهدي يا سلمي انتي عاوزاني اعمل اي دلوقتي
سلمي :تبطل تضايق ليلي ولو مش عاوزها كاحبيبه عاملها علي الاقل كاخت زي رهف
سيف :حاضر يا سلمي اي اوامر تانيه
سلمي : حبيبي دي مش اوامر ابدا ليلي يتيمه ولازم منحسسهاش بنقص ده
سيف :حاضر يا احلي اخت في الدنيا في حاجه تانيه
سلمي :اااه واطلع صالح اخوك انت عارفه بيزعل جامد لو حد زعل حد فيهم
سيف سابها وطلع لاخوه وفي الوقت ده احمد جيه:السلام عليكم
سلمي :الله يسلمك تعالي اتعشا
احمد :كلت بره الحمد لله اومال الباقي فين
سلمي بكدب وتوتر : هاااا اه اصل كلوا وطلعوا
احمد بشك وهو بيبص علي الاكل الا زي ما هو: كلوا اومال الاكل دي اي
سلمي بتوتر:ما هو اصل يعني
احمد بعصبيه :زعلها تاني صح
سلمي برجاء :بقلك اي اهدي كده واستهدي بالله هو فعلا زعلها بس كان بيهزر والله بس هو طلع يصالحها
احمد: اعمل اي معاه بس ياربي مش هيعقل ويكبر دماغه ابدا
سلمي :خلاص بقي علشان خاطري سماح المرادي وهو والله وعدني انه مش هيزعلها تاني
احمد :ماشي اما نشوف اخرتها عمر فين
سلمي :طلعلها فوق
احمدوهو يطلع السلم :ماشي انا طالع
سلمي بعد اما احمد مشي:اي بيت المجانين ده بس يا ربي اففففف عدت علي خير الحمد لله
::::عند ليلي ::::
عمر :خلاص بقي يا لوليتي حقك عليه انا
ليلي :يا عمر انا مش زعلانه صدقني انا اتعودت علي كده خلاص
مريم بضيق:طلاما مش زعلانه قومتي من علي الاكل ليه
ليلي بكدب :شبعت الحمد لله
مريم بتلقائيه:يابت يا خايبه حد يسيب البطه ويقول شبعت اخص عليكي اهي زمانها بردت اعمل اي انا دلوقتي
ليلي وعمر انفجروا من الضحك من كلام مريم
عمربضحك:ههههه يعني كل الا همك البطه
ليلي :وانا الا مفكراكي زعلانه علي زعلي هههههه
سيف بمزح:طب ما الجميل بيضحك اهو اومال بيقولوا زعلان ليه
ليلي بصتله ودورت وشها الناحيه التانيه
سيف :اي ده اي ده ده الموضوع كبير بقي
ليلي:-----------
سيف:خلاص بقي يا لوليتي حقك عليه
ليلي اول ما سمعت لوليتي منه قلبها دق اوووي
مريم :خلاص بقي يا ليلي المسامح كريم
ليلي بفرحه:خلاص عفونا عنه
سيف :تسلمي يا احلي اخت
ليلي لنفسها:اختك
يقطع شارودها احمد :السلام عليكم
الجميع :وعليكم السلام
احمد وهو ينظر لسيف بتوعد:قاعدين كده ليه وسايبن الاكل
عمربكدب: ابدا احنا كنا نازلين حالا
ليلي بتوتر: اه بظبط
احمد:متاكده
عمر بنيابه عن ليلي :اي يا حضرت الضابط انت بتحقق معانا ولا اي
احمد :ابدا يا عمر انا بس بطمن
مريم :اي يا جدعان انتو هتفضلوا ترغوا كتير كده الاكل هيبرد
سيف يضحك:انا مش عارف الاكل الا بتاكليه ده كله بيروح فين
مريم بضيق :بيروح مطرح ميروح مليكش دعوه المهم هناكل ولا لا انا جعت بجد
عمر :تعالي ننزل يا اخر صبري يلا يا جماعه اتفضلوا
احمد :انا كلت الحمد لله اتعشوا انتوا وتركهم وذهب الي غرفته
نزلوا الجميع وجلسوا علي السفره يتناولوا الطعام
سيف :براحه يا مريم البطه مش هطير والله
مريم بضيق:افففف سيبني اكول بقي
سلمي :سيبها يا سيف برحتها
سيف: كلي يا ختي كلي
مريم ماسكه البطه وشغاله فيها الله ينور مسبتش حده سليمه فيها وبعد قليل
عمربسخريه:منوره يا مريم والله اي يا حبيبتي مبتاكليش ليه
مريم وهي تحط يداها علي بطنها:والله يا ابيه مليش نفس خالص ****وبتنهيده*** شكلها محسوده البطه دي ابقوا بخروها وتركتهم وذهبت
كلهم بصوا علي العضم المتبقي وبعدين بصوا لبعض وانفجروا من الضحك
::::توقعاتكم:::
