نفيسه قالت للزينه:اول مره اعرف انو حاج التوم كان معرس فوق امك،لكن زمان وكتنا السافرنا البندر اناوحاج ابراهيم، ابوكم التوم دا ساقنا معاهو بيت صاحبو وكانت عندهم بنيه سمحه اسمها كوثر تعاين لي ابوك دا ساااكت احتمال تكون دي مرتوا ام مصطفى القالوهو دا..
الزينه فرحت وقالت ليها:اديني العنوان احتمال تكون دي هي
نفيسه قالت ليها:يابتي الزمن طال والبيوت في المدينه اتغيرت وبقت كلها عمارات لكن انا بوصفوا ليك وان شاء الله تلقيهو.
حاجه نفيسه كلمت الزينه بالحي المشت ليهو زمان والزينه طوالي مشت لي محمد اخوها ورتو ليهو ومحمد قال ليها انا بكره مسافر وان شاء الله بسوق سامي ود خالتي ونمشي نفتش لي مصطفى اخونا.
محمد الصباح بدري سافر وسعد وسامي نزلوا شغلهم في الحواشات والزينه لاول مره في حياتها تشعر بالوحده بالرغم من انها متعوده عليها لكن بعد مات ابوها حست بحياتها فاضيه وماعندها زول يسأل او يشفق عليهاوبكت بي حرقه بس كانت متشوقه تشوف مصطفى اخوها...
محمد بعد وصل طوالي مشى لي ناس خالتو وكلم سامي بقصة مصطفى وساقو معاهو ومشوا للحي الوصفتو ليهم نفيسه ...لقو حي راقي كلو عمارات وكلها بتشبه بعض والحركه هناك قليله مافي زول في الشارع عشان يسألوهو من بيت ناس مصطفى اوكوثر ..محمد وسامي وقفوا وبقوا يتلفتوا يمين وشمال ويعاينوا للعمارات وفجأة جات فيهم عربيه ماشه بي سرعه شديده لو ما زحوا بسرعه كانت مشت فيهم..نزل منها شاب باين عليهو من شكلو مستهتر وعاجباهو نفسو
نزل وبقى يسب ويلعن فيهم ياخ انتو حيوانات ،ركزو قدامكم
قالوا ليهو:دي ماسرعه تمشي بيها هنا
قال ليهم: ماانتو البتوروني السرعه محمد مشى عليهو وخنقو لكن سامي فكاهو منو وقال ليهو خليهو
الشاب ركب عربيتو ودور ومازال يسب فيهم..
محمد قال لي سامي كان تخليني أأدبو
سامي قال ليهو دا ماموضوعنا كدي خلينا النحل مشكلتنا الجينا عشانها دي..
لقو ليهم بقاله وسألو صاحبها لو بعرف كوثر او مصطفى
قال ليهم: غايتو البيت القدامو العربيه ديك فيهو واحد اسمو مصطفى لكن امو اسمها حياة كدي امشوا عليهم
مشوا لقو نفس العربيه بتاعت الشاب واقفه في نفس البيت الوصفو ليهم بتاع البقاله
محمد قال: ان شاء الله البيت دا مايطلع بيت مصطفى اخوي او يكون عندو علاقه بيهو!
ضربوا الجرس جاتهم مره كبيره في السن قالت ليهم:مرحب
محمد قال ليها: دا بيت كوثر؟
قالت ليهم كوثر منو؟
يتبع...
