الكاتبه ام زهراء
جزء 1
حور .... حور
يابعد روحي يايمه اكعدي.... ماااتحمل فراكج انا اسفه
سامحيني يايمه
بعد مااعيدها ولا اشلع كلبج .... اعوضج كلشي بس ارجعي اليه ... اعوضج كل يوم ياحور
ماما رانيه ... ابتعدي عنها
خليها ترتاح
نور .... خليني يمها .... روحي منا
ماما رانيه ... كافي صوتج عالي ...راح يطلعونه من الردهه ...
يمه نويره خليني يم بنيتي اريد اشبع منها خلص بعد مااحجي
بس خلوني
بيبي .....
اجت بيبي تركض اليه .... وحضنتي حيل
ها يمه حوري.... يندار المج كله بيه
بيبي ابقي يمي
اي يمه يمج
بيبي بس انتي
حور ...حبيبتي شبيج ... انا يمج
ماما حور شلونج محتاجه شئ
درت وجهي
سكت
احجي حور محتاجه شئ .... مشتهيه شئ اجيبه الج
لا مااريد .... بيبي جابتلي كلشي
وره كم ساعه.... تعبت احس كلشي يطلع من وجهي حار حيل
احس
كلبي يدك حيل
خرخاشه او طبل
مو گلب
الجهاز ضل يصفر حيل... والكل اجه يمي
بعدها غمضت عيني
يمكن اني
غفيت
بس مااكدر ... اكعد ... مااكدر اكول الهم اني جاي اسمعكم
جاي تاذوني... شنو هذا الي جاي تضربوه بصدري
احس صواعق تنتل بيه
اخ
جاي اتاذه
اكو شئ ينفخ بحلكي..... ويجيني هوئ بس يضيع عليه النفس حيل
فجاه سكت كلشي
فتحت عيني
كلشي يمي ابيض....وضوه عالي.... خليت ايدي علئ عيوني
وافتحها علئ كيف
بس الضوه كان حيل عالي .... ويضرب علئ عيني
بابا حبيبي .... وينك
اريدك
تعال اليه .... بحاجتك انا .... تعرف ما اليه غيرك
