#حور
الكاتبه ام زهراء
جزء6
اليوم عرس اخويه احمد ونور.... البيت مخبوص خبص والكل فرحان الهم
الحمدلله واخيرا
عدت الايام وامي هادئه كلش.... وخاصه اليوم ..... رتبنه كلشي
واني كنت مرتاحه كلش وي فارس
مامقصر ويايه ابد ... عوضني كل هالسنين الي راحت
الكل اجتمع عدنه اعمامي واقاربنه
وامي لابسه وكاشه اكثر منه ... وبس تأمر بالبيت
وسوينه عرس كلش ضخم
والكل ساهم وي احمد بعرسه وعوضه ... لان يتيم
واني كنت بعالم ثاني كل خطوه بالبيت اشوف بيها فارس يجي ياخذ الجاي
لو شغلات من البيت
وتصير بينه نضرات
الكل يفرح النه .... وينصب علينه
بالزفه..... هم مر علينه وقت حلوو
وكان بوجود فارس... هو الي محلي كلشي بيه وصعدني وياه بالسيارع مالته
والكل كان منتبه علينه شلون متلائمين لبعض والكل بدا يحسدنه بنضراته النه
شطالعه اليوم حور
خجلت .. ودنكت
ماعرفت شجاوبه
حور شبيج ارفعي راسج احبج والله
رفعت راسي وانا اكثر
اكثر شنو
اكثر منك
اي كولي اكثر مني بشنو
بحبك
كوليها
لا مااريد.... احد يسمعنا فارس
محد موجود وبعدين انا عاقد عليج منين خجلانه مني لو من الي بره
كلهم اهلنه
تقدم اليه
دفعته بيدي من صدره.... فارس روح الله يخليك
كان عطره قوي لدرجه ترس كل المطبخ وكل حواسي
مااكدر اقاومه اكثر
اتمنئ احضنه .... واحس بحضنه الدفئ الي فقدته من زمان
احبه
وبأسلوبه واحترامه اليه ودلاله حسيته فعلا عوضني
بس يبقئ مكان ابوي حبيبي فارغ
بس حنانه...
يله كوليها حور ترئ اطلع وبعد ماارجع
لا .... لاتروح
شبيج خفتي اشاقه. وياج ... معقوله اعوف غزالتي واروح
