جزء. 2
ماجد.... ابوس ايدك لاتكتلتني..... مو لخاطري لخاطر عيالك
ليش انتي فكرتي بعيالج ... من سويتي هالشئ
فكرتي بسمعتهم من يكبرون
فكرتي .... بمستقبلهم .... بسمعة هالبيت هذا... وانا...... انا شنو مافكرتي بيه وبكلبي وبحبي
مافكرتي بالتضحيات
باالحب
ضحيت بكلشي علمود منو ... مو علمودج انتي لولا
ماتساهلين اي شئ مني
ماتستاهلين ذره من حبي ... لزمها من شعرها وضل يسحل بيها البيت كله
دخلها للغرفه
انا ابجي
وإجر بيه من الدشداشه مالته
وخري عني حور... وخري عني اريد اطلع تعب هالسنين كله بيها
سد الباب...... اسمع بابا يحجي
وامي سكته
انا وحمودي ندك الباب... مايفتح النه
حمودي يمكن بابا ذبح ماما ... ما الها صوت بابا افتح الباب الله يخليك
لا تسوي شئ لماما
احمد.... سكتي حور خل نسمع
ماما ماكو الها صوت .... ماتت مو
تكترت بالكاع
وابجي حيل
ليش يذبحها ... ماما بس تسولف وي عمو ...مابيها شئ
باوعلي احمد ودنك
حمودي جبير ويفهم كلشي ..... ابجي بابا افتح الباب ..... فدوه
انفتح القفل..... وانفتح الباب
طلع من الغرفه.... امي كاعده عالكاع.. وتبجي سكته
انعطر باب الشارع حيل
يمكن بابا طلع منه..... دخلت جوه ....يمه
رفعت راسها ...... وعيونها حمره
والكحل واكع علئ خدودها
طلعي بره
ماما..... انتي زينه
صرخت ...... كتلج طلعي بره .... مااريد اشوفج
رجعت لوره
ليش ماتحبني امي..... ليش هجي تسوي بينه ... اكو ام ماتحب عيالها
مستحيل
اي احنه مو اعيالها يمكن
يمكن لگتنه بالشارع وربتنه..... دخلت لغرفه ابجي حيل
دخل عليه احمد.... شبيج حور ... وكتج هسه انتي
اريد امي انا ...... وين امي
تخبلتي شنو .... شنو اريد امي..... امج هي معترفه بينه هسه..... دايره بالها علينه مثل الامهات
