الكاتبه ام زهراء
جزء 3
مرت عليه ايام... نسيت بيها طفولتي .. دراستي
ماكدرت استوعب اي شئ
مااريد اداوم....كرهت دراستي ....بعد ماكنت متفوقه وكله الاولئ علئ مدرستي
تركتها
وامي ماحاولت تسالني ليش
ونصحتني
وشجعتني اداوم
بعد مرور شهر .... رجعت رانيه القديمه
ورجع جبروتها
ورجعت قساوتها.... اعمامي يدزون النه مسواك بيد جهالهم
ومرات اخوالي
بليل كاعدين. .... اندك الباب
ورحت افتحه لان جان احمد طالع.... منوو
فتحي انا عمج قاسم
فتحته عمو قاسم وعمو رضا
حضنوني .... وانطوني علاليگ بيهن مسواگ
دخلي جووه صيحيلنه لامج
بس امي ماتطلع
ليش
تگول حداده... منو حدود
ها اي صح
راح ندخل للاستقبال.... وخليها تجي من وره الباب نحجي وياها
رحت اركض.... ماما
اي سمعت .....سمعت..... جايه
راحت للغرفه
ولبست عبايتها...... والبوشايه
وكعدت يمهم..... وسلمت .....
والله احنه اليوم كل احنه كعدنه وي الوالده وتناقشنه بموضوعكم....
خير ياموضوع
كعدتج وحدج هنا بالبيت غلط .... ومستحيل نقبل
لذالك قررنه تجين ويانه انتي وي اعيالج
لا انا هنا مرتاحه
احنه ماجايين نطلب منج
هو هذا الشئ راح يصير ..... وخاصه بعد الي سويتيه بأخونه
شنو الي سويته
تعرفين شنقصد احنه.....
لا خطأ الي سمعتووه لا تخربون سمعتي .. واذا اكو شئ جان المرحوم ماسامحني
لا سامحج لانه يحبج .... وضعيف كدامج وماعرف يصرف.... وفكر بعياله وبس
بس انتي خلص راح تجين وياي للبيت
لا تجي وياي انا
قاسم لا تجي وياي انا بيتي جبير وفارغ وانتم تعرفون
لا انا هم بيتي جبير وبس بناتي بيه والولد كلمن مزوج وطالع
وحته حور نزوجها للواحد منهم
