جزء5
كعدت بنص الحوش... وضليت ابجي
اجت بيبي تركض
شبيج يمه ... منو وياج ... منو سوالج شئ من اعمامج
ندئ... الله ينتقم منها كون اخذت اغراضها الي من اعمامها
منو اخذهن
رانيه بعد منو يا عمه
كون الله ياخذ عمرها هاي ام المشاكل شسوي بيهن راح تلبسهن شنو
راحت الها بيبي.... وانا امشي وراها
فتحت عليها باب الغرفه
رانيه
خير حجيه
شسوين ماخذه غراض لبنت ...تلبسينهم شنو
شتسوي بيهن عدها كومه ملابس واغراض
خلي نستفاد منهم
احسن
رجعي اغراض لبنت ... لا اكول عليج لعلي واخلي يتصرف وياج
ضلت تصرخ...... طلعي بره يمه
لاتدخلين بيني وبين اعيالي
ضليت يومي كله مااحجي ومقهوره .... اشتريت كلشي احبه وماحصلت شئ شسوي ياربي
شسويت حته هجي اتعذب
ومارحت للمدرسه بسبب القهر الي حسيت بيه
العصر ..... بيبي رجعت اليه وبيدها الاغراض
هاج يمه
رحت الها اركض
اغراضي شلون رجعتهن الج امي
اشتريتهن منها .... كون الموت ياخذها نفس مااخذ ماجد
ربي لو ماخذها هي مو احسن
مااخذ ذاك الزين
يوم الثاني لبست ... ملابسي واخذت كلشي جديد
الكل تعجب مني ومن لبسي
نور صديقتي.... هم بقت وياي
كبرنه سويه اني وياها .... بس كنت دائما بنظر الكل... حور المعقده
الانانيه
اني مو معقده
ولا انانيه.... اني الي شفته خلاني هجي مو بيدي
انا حور ... كنت مدللة بابا ... كنت غير كل البنات
كنت اجمل وحده
ولحد هسه
بس هسه صرت للاسؤء... ليش
منو السبب
فراگ ابوي... وحزني عليه
او الي تسويه بينه امي.... احمد نسحب من حياتها و24ساعه لو يشتغل لو يلعب بلي
مرت 3 سنوات
وانا دخلت 3 متوسط
صرت احلئ من قبل.... والكل متعجب من جسمي وجمالي
