#حور
ام زهراء
ج 7
اليوم الحنه....... كملت كلشي
سعادتي لاتوصف..... اتمنئ مايكون حلم الي جاي اعيشه هسه
وانصدم
مااتحمل بعد صدمات
شفت االي ما اتمناه لاقرب شخص اليه......
فارس وعمه ام فارس .... ماقصرو وياي وكل ساعه يتصلوو
يسالوون شنو ناقصني
وشنو محتاجه
كملت بأرقئ صالون بمنطقتنه
علئ الرغم كان غالي
بس ماخلوها بنفسي
الكل كان مختبص بيه واجتني كومه هدايا. خلصت الحنه
بين خالاتي واجن عماتي
ونسوان عمومتي
وكانت ليله كلش حلووه .... وگوموني اركص ويه البنات
وركصت......☺
البنات احسهم كلهم عينهم عليه
اما امي
كانت الفرحه الها اكثر مني..... وتضحك وتسولف كدام الكل والنسوان
وتسوي نفسها هي ام الي ماكو نفسها
علئ الرغم الكل يعرف طبعها
ويعرف سواياتها وياي
اكثر وحده وكفت وياي.... نور وندئ زوجة خالو علي
خلصت الحنه .. بعد تعب... وهوسه
الكل راح لغرفته نام....والخطار الي عدنه هم نامو
صعدت فوك السطح
شفت نجمتي
بابا
انا اليوم اسعد وحده بالدنيا
اريدك توكف وياي ولا تنساني
ولا تضن انساك بيوم
من الايام
انت فرحتي وانت حبيبي الوحيد
عمري ماراح انسخ وجهك وطولك وابتسامتك ... ولا راح انسه دلالك وحبك اليه
حمودي الحمدلله استقر
وربي يرزقه بالذريه
وبعد انا اتمنئ افرح ... وارتاح
كنت اتمنئ انت موجود يمي....وانت الي تزفني الرجلي باجر
وتسلمني بيده
وتوصيه عليه
فرحتي شما تكون حلووه .... بس ناقصها انت
وناقصها تكون وياي
و
وتكوله هاي حبيبتي حوري لاتزعلها بيوم
