مساء الخير عليكم
وانـه مخـبل
خـذيتك #يـاگــلب لـبعيد
يــــم الـما #يــفهمونك..!!
رنا: بالطريق شفت حسام اجتة رسالة. المهم وصلنا للبيت تعبانين هوة طب
يسبح واني فتحت موبايلة لكيت رسالة من صاحبتة القديمة اتكول باجر
زواجي يعني صدك انقهرت بوكتها ليش هيج بعدة وياهة ومفضلها علية
اني شناقصني قابل وبقت هيج حتى من هية تزوجت بعدها تراسلة وكلما
اصير بيني وبينة مشكلة على هالموضوع ايكولي اني ما اريدج ما احبج
واني اكلة اي عادي اهم شي اني احبك واريدك وبقينا هيج الى ان فد يوم
كاعدين وحماتي اتخربطت وديناها للمستشفى لكو عدهة ورم بالرحم
اخذولها تحاليل لكو عدها سرطان بالرحم من رجعت للبيت انخبصنا بيها
خطية هية كولش حبابة وما عدها اذية وبسرعة تدخل للگلب بسوالفها
بس ما عدها حض المهم انخبصنا بيها وخطية كامت حالتها اتسوء عاد
اخذوهة للبنان علمود يعالجوهة ومرت فترة وشالولها الورم وكامت تاخذ
علاج واجت للعراق كملت الجرع الكيماوية والحمد لله خف منها هذا المرض
وجاوزنا هاي المرحلة وعدت سلامات،
بس بقينا اني وحسام نفس الشي من سيء لاسوء وكلة علمود صاحباتة
وبهالفترة اختي تزوجت الاصغر مني اسراء جنت اعرف بيها عدهة علاقة
بابن عمي تحبة ويحبها وهسة ورا 3 سنووات من زواجي هية تزوجت
رحت للعرس جانت طالعة حلوة اتونست وياهم ورجعنا للبيت واني هالفترة
كلها مصار عندي اطفال ولا حبلت وشكد راجعت دكاترة واخذت علاج و
صرت زينة بس ما حبلت تالي رحت لدكتور اعشاب وهمين كام يطيني
اهوواي ادوية بس ماكو نتيجة بالعكس من كثر العلاجات الاخذتهن
صرت سمينة حييل صار وزني 85 وحسام كام يعيب علية كل شوي
وكايلي شوفي كرشج كدامج واني حيل انقهر منة وانجرح من كلامة
جنت اتمنى انو يوكف وياية علمود نجاوز هاي المرحلة بس هوة لا يعيب
ويصنف وملتهي بصاحباتة ،واني شكد ما اريد اضعف ما اكدر اضعف لانه
اخذ علاج اعشاب والدكتور مال اعشاب ايكلي اهم شي الحالة النفسية
لان الرحم عالحالة النفسية، زين دباع البطران😒 اني مين اجيب الراحة
النفسية وحسام هوة يومية وية وحدة ويعيب علية 😡 يعني نفسيتي
حيل تعبت عاد كلت الله يحلها ان شاء الله 😔
يتبع،،،،،،
طبعا مضل شي عالقصة رح اختمها باجر ان شاء الله، خل اتعرف عليكم
ولو انتو مكاعد تتفاعلون صوتو للقصة وانطوني رئيكم بالتعليقات 😉
واذا شفت تفاعل انشر بعد بارت فد شوية
أنت تقرأ
تزوجت ولكن
ChickLitقصة حقيقية لفتاه تواجه مصاعب في حياتها العاطفية تابعو القصة لمعرفة مشوارها في الحياة
