تزوجت ولكن

البارت الحادي عشرر

مساؤؤؤ.

هويتة ومن هويتة هواي ....شفتاه
واشوفة يخون بس ماكلت....شفتاه
كلت اصبر
اضل انطر

أتاني وهلبت يفكر
نكر زادي
كلت عادي
مرض عندة الغدر بادي
يعض للرايح وللراد ..... شفتاه

رخيص وماكو بي ذرت حميه😔

رنا: بعدما نمت بدون ما احس على روحي كعدت لكيتها الدنيا مغرب كمت

لحيلي وغسلت وجهي ورجعت كعدت عالجرباية مالي خلك لشي احس

راسي رح ينفجر من الوجع اني ادري بيهم مرت عمي واسراء مرادو يرحون

ويا بس هوة جبرهم وهمة همين ميكدرون ايخسرون ابنهم من وراية صعبة

لان اكيد يزعل عليهم فحقهم اني هم ما الومهم اذا هوة بايعني همة شكوو

نزلت يمهم همة يشتغلون واني بغير عالم حسيت روحي سوو عشة وكملو

وكعدنا نتعشة اكلت شلون مجان وكملنا وكلمن راح لغرفتة عاد اجة حسام

من برة كتلة تريد تتعشى لو متعشي كال لا متعشي كتلة خوش كلي انتي

شنو دريتي بالبنية الي رح اخطبها كتلة اي وشنو كال شنو غير تقررين لو

ضلين وياية لو اخابر اهلج واكللهم كتلة يلا متخابر عليهم عاد هوة باوعلي

وطلع موبايلة يا الله شكد يكتل برودة ايخبلني كانما يحسسني انو اني

مزوجتة غصب مو هوة اجة تقدملي وهوة حتى من فكر يلكالة زوجة ثانية

مجان حجتة علمود الاطفال لان سئلتة كتلة اني شناقصني وتاخذ وحدة

ثانية علية امقصرة وياگ بشي لو علمود تريدلك طفل اذا رايد طفل اوكف

وياية ساعدني انتة هيج كاعد تأذي نفسيتي بالاكثر اصلا هوة الدكتور كلي

لازم ميصير تتوترين او يصير عليج ضغط بس انتة شكاعد اتسوي هسة

كلي اني مو علمود الاطفال اني اصلا ممرتاح وياج وما اريدج ولا احبج

سكتت وباوعت علي كلت بكلبي استغفر الله هسة هذا شحجي ويا اذا كلما

اكولة اني احبك واريدك ايكلي ما اريدج اني حتى محد مسويها قبلي والله

رجعت من صفنتي على حسام كال الوو وبابا جاوبة كال ا هلو حسام بلاول

ضلو يسولفون والنوب حسام كلة عمي ترة رنا على عيني وراسي ومشفت

شي مو زين منها بس اني رايدلي مرة ثانية ورح ازوج عن قريب تردوهة

تبقى هنا لو تجي يمكم عاد ابوية اكيد اتفاجأ لانه اني اصلا مشاكيتلهم من

شي بعد ليش رح يزوج فكلة بابا صدك تحجي حسام البيت الي رباهة وهية

صغيرة يربيها ميتخلى عنها وهية جبيرة مستحيل اخلي بنتي تنزل عليها ضرة شنو قابل

شناقصها وهيج سوي بيها خلي تحضر روحها رح اجي اخذها هسة بعد ما

تبقى يمكم عاد اني هنا انتهيت يعني هاي هية رح اتركة من صدك وحتى

اذا اريدة مراح ابقى بعد كاافي مذلة واهانات من عندة خل يبقى عندي

كرامة اذا هوة بايعني شيتوقع اني اشتري مستحيل فكمت بعصبية فتحت

الكنتور وبديت اطلع بغراضي اخذت بس المحتاجتهن ما اخذتهن كلهن

بس حسام نزل جوة كملت جنطتي ولبست جبة ولفيت الشال ونزلت واحس

روحي مختنكة اريد اصرخ اعيط رح انهار اثناء منزلت لكيتهم كلهم جوة

مرت عمي واسراء ومرت حماية وجهالهم وكلهم موجودين هنة بس شافني

بجن عرفت حسام كللهم طبعا كلهم ايحبوني فاثناء مكاعد انزل شافوني

مبدلة ملابس وجنطة كلها كامت تبجي اني بعد ما اكدر اهنا احس رح انفجر

مسيطرت على روحي نزلت من الدرج وكعدت بالكاع كمت ابجي بصووت

عاااالي واشهك اريد اريح كلبي ما اكدر بعد هنة حضنني ويبجن وياية

اريد اسكت ما اكدر تالي كومتني اسراء علمود اغسل وجهي غسلتلي وكلتلي

حبيبتي اذكري ربج الله كريم محجيت شي بس الشهكة بعدها مال بجي

غسلت وعدلت شالي وطلعت يمهم ورا شوية اجة ابوية للبيت صاحني

من الباب مطب جوة اني كمت ودعتهم بوست مرت عمي خطية انقهرت

علية وكامت تبجي وبوست خواتة وردت اطلع شفت حمودي ابن حماي مات

من البجي علية ايريد ايروح وياية شلتة وابوس بي وابجي تالي وجهة

صار احمر من البجي اطيتة لامة ورحت وكل هذا وحسام واكف ايباوع

علينا ولا عبالك عدة عادي كانما مصاير شي ايباوع ببرود ولا كلي ابقي

ولا حتى كال ابقي علمود اهلي اصلا. جنة مصدك رح يخلص باوعت علي

وطلعت شفت بابا موجود شافني سلم علية وصعدنا بالسيارة طبعا هوة

محجة شي شاف حالتي شلونها عيوني حمر وخشمي احمر اكيد مبين

باجية فوصلنا نزلت اني وجنطتي بدخلتي للبيت شفت امي خطية منتظرتنا

اجتي رئسا شبكتني اني مصدكت رئسا كمت ابجي حييل 😭كتلها اوووف

يمة رح امووت بعد ما اتحمل والله ممقصرة ويا والله اشهك واحجي خطية

امي كامت تبجي وياي وطببتني جوة كعدتني وكلتلي كولي يا الله حبيبتي

ليش شنو السبب يا عيني عاد كالت دكومي غسلي وتعاي يلة كمت بلكوة

صعدت لغرفتي بدلت وغسلت وجهي وتمددت عالجرباية غفيت ودمعتي

على خدي 😩،ثاني يوم الصبح حسيت على ماما تكعدني جنت مكسرة

ووووووو

يتبع،،،،،،

طبعا الله يساعدها رنا والله العظيم اني اثناء مكاعد اكتب اخر شي بالبارت
كمت ابجي كلش انقهرت عليها اشلون اتحملت هية والله ميستاهلها
وطبعا حبيت انوه عن شغلة اذا كثرتوو بالتفاعل والتصويتات رح صاحبة القصة الي هية رنا تحجي وياكم بالتعليقات ماشي حبايبي فتفاعلوو
لخاطر تجي رنا 😘😘😘احبكم واسفة عالاطالة 🙌