تزوجت ولكن

البارت التاسع

هلووو مساء الورد على احلى متابعين 😘🌷🌷🌷🌷🌷🌷🌷

نسيت شگد لجل عينك شفت لوعــات
وفوك هموم گلبي تحـــــملت هـــــمك
اگلك جرحي ينزف يمــــك انــــت دواي
تگلي انزف وموت واغــــرك بدمـــــــــك
واگلك تعب گلبي تگــــلي روح ارتــــاح
ياراحه التجيني بغــــــير ما اشمـــــــك !

رنا: صعدت للغرفة لكيت حسام كاعد عالجرباية ويگلب بالتلفون فتحت

الكنتور طلعتلي دشداشة قصيرة بدلتها ومشطت شعري وفتحت التلفزيون

وكعدت اباوع جان طالع فلم اجنبي حلوو كملتة لحد ما خلص كمت سديت

التلفزيون لكيت حسام غافي طفيت الضوة ونمت بصفة اباوع علي كلت

بصوت ناصي كولش احبك وغمضت عيني ردت انام بدون تفكير خليتها

على الله نمت وكعدت الصبح غسلت وجهي وبدلت ونزلت جوة صبحت

عليهم وسويت وياهم ريوك وصعدت علمود اكعد حسام كعدتة غسل ونزل

اتريكنا سوة وحسام راح للشغل واني بديت انضف وحماتي تطبخ لغدة

لشوي خلصت وصعدت سبحت وكملت ونزلت يم اسراء وسجى شوي

نسولف بي ما يجون الولد وعمي من الشغل ونتغدة صار اذان الضهر صلينا

واجوي بين ما بدلو صبينا الغدة كعدت استوني اريد اتغدي واجة حسام من

الشغل كمت حضرتلة ملابس بالحمام طب يسبح واني نزلت اتغديت وياهم

بين ما اجة كملت غدة صبيتلة اكل وصعد المهم خلصت شغلي ومنا للعصر

هم طلع خابرت امي علمود الزيارة كتلها ها ماما شوكت نروح حسام قبل

كالت ها خوش خطية كلت بگلبي يا خطية حقكم متعرفوون شمسوي ببتكم

جان اسمع ماما اتكلي الوو وينج كتلها ها وياج كالت اي ان شاء الله الزيارة

الفجر مو اليوم باجر كتلها ماشي كالت خل يجيبج الصبح كتلها اي ان شاء

الله وضلينا انسولف شوي وسديتة نزلت جوة يمهم لكيتهم كاعدين كلهم

ايسولفون وشفت حموودي اجة يركض علية يمةة فدوووة شلتة وبوستة

كعدت وخليتة بحضني الاعبة وشوي اجت اسراء كعدت يمي حمودي راح

يم امة ضلت اتسولف وياي مواضيع عامة وبعدين جابت سيرة الزواج و

كلتلي رنا حبيبتي مو تزعلين ترى الحياة قسمة ونصيب وان شاء الله

الله يهدي حسام عليج والله اني هواي احبج واعزج وما اريدج تتاذين بس

شوفين شلون هوة قافل ان شاء الله. يغير رئية كتلها لا حبيبتي عادي هوة