تزوجت ولكن

البارت العاشر

مساء الورد

آخسّـٌـٌ ـٌر ماشئت لَـگِنْ اياك ان
تخسر،قلبآ يحاول ان يفعل الكثير
ليسعدك،فهناك قلوب لاتتعوض،ابدآ،😢

رنا : بعد ما دريت بالخبر انو حسام لكاله وحدة ومودي امة واختة احس

روحي تحطمت بس كملت حجي اسراء وكالت همة اهل البنية مقابلين ترة

اني بعد ما عندي شي اكولة دنكت راسي وصعدت

فووك للغرفة شفت حسام كاعد رحت للكنتور بدلت ونمت عالجرباية كلت

بكلبي ربي اريدها منك انت تحل مشكلتي تعبت حيل يا رب الي بي خير

الية سوي بعد ما بيدي شي نمت وكعدنا ثاني يوم ونفس الروتين وبعدنا على

علاقتنا اني وحسام متوترة لا اني اكدر اتقدم خطوة لان كبريائي يمنعني

ولا هوة كاعد يتصرف بشكل حلو ويوم من الايام هم كعدنا الصبح تنظيف

وهوسة كملت وياهم وصعدت سبحت اشو شوية واجة حسام من الشغل

جان تعبان كلي باجر عرس ابن عمي تجين وياية اني كيفت اريد اطلع

ضووجة كتلة ماشي انروح عاد طب يسبح وطلع صبينا لغدة وكعدنا

نتغدى وخلص اليوم هيج نمنا وثاني يوم كعدنا الصبح كعدت حسام ونزلت

سويت ريوك وياهم بسرعة هوة تريك وكلي عود جهزي نفسج من وكت

وطلع عاد اني ركضت كملت شغلي وصعدت سبحت طلعتلي فستان ابيض

وحذاء هم ابيض وونزلت يمهم بين ما كملنا الغدة اجوي الولد وصبينا

وكعدنا نتغدة خطية سجى واسراء هنة كملن اتلملم كلولي روحي كملي

صعدت بدلت وحطيت مكياج وشسورت شعري وخيلتة مفتوح وهوة اسود

وطويل يعني صدك طلعت كيكة 😌😁وهذا الحجي كولة حسام كاعد يسبح

خلص وطلع مشاف وجهي جنت الملم بالهوسة السويتها ههه كمل تبديل و

كلي يلا اني باوعت علي كلي شنو هذا مكياجج مدري شونة عاد ضل يعيب

علية اني ادري بي ميحب وحدة تحط مكياج بس شسوي اني اعشق شي

اسمة مكياج حلووو، المهم سويت روحي ممهتمة كملت لف الشال ونزلنا

اني ويا ورحنا لبيت عمة طبينا هلهلت وباركتلهم وكعدت يمهم وشوي وكمت

اعرف نسوانهم لان رايحيلهم قبل فنزعت الشال وفتحت شعري ياهوة

اليشوفني ايكولي شطالعة اليوم تخبلين عاد لشوية وشغلووو اغاني اني هنا

مكدرت اكعد عاقلة ومنا ضايجة من حسام وبس يعيب هوة عاد كمت

ركصت ركص مصاير كلها تباوع عليه واني مستمرة 😂لحد ما تعبت وكعدت

بس شنو لعبت جولة وورا اشوية خلص العرس ورجعنا للبيت تعبانين

هوة صعد نام لان تعشينا يمهم واني بدلت وسبحت ونزلت يم البنات

كعدت اسولف وياهن شوي وصعدت نمت ثاني يوم همين كعدت تعبانة

كملت شغلي وصعدت بالغرفة هالايام احس بكأبة من هالاجواء ويا حسام

لحد فد يوم كاعدين عالسفرة نتغدى اشو حسام كال لسراء شوكت انروح

عاد هية كلتلة بعدين مو هسة عرفت اكو شي بالموضوع عرفت لكاله وحدة

بس سكتت، ورا فترة قليلة هم راحن شافنهة امه واخته عرفت منهم واني

اتحسر اوديها منا واجيبهة منا ضليت على نار اريد اعرف شراح ايصير و

وياهم بلة هسة اني صفنت شجابرني هيج ابقى ويا اذا ميحبني كطعني

من صفنتي مرت عمي واسراء دخلو للبيت كمت نزلت يمهن وكعدت اريد

اعرف شكو سئلتهن عليها كالو زينة خوش بنية وباجر انروح ناخذها للدكتورة

علمود نفحصها ونشوف يصير عدها حمل كلتلهم خوش ان شاء الله والله

وصدك ثاني يوم راحن واخذنها وشافتها الدكتورة عاد رجعو للبيت نزلت

الهم وسئلتهم الي يشوفني ايكول اخوي رح يزوج كلما يروحن ويجن اسئل

عليها واضحك واشاقة عادي وياهن بس هاية بس من برة هيج بس اذا

دخلون لكلبي لا غير شكل امووت الف موتة من ورا، عاد سئلتهن وكلتلي

اسراء الدكتورة كالت زينة والبنية ان شاء الله ايصير عدها حمل مناقصها

شي وجاهزة للزواج اني هنا عاد صدك اتاثرت عرفت رح تكون هاي نهايتي

ويا حسام كمت ما خليت احد يشوفني صعدت اتمددت بالغرفة وغمضت

عيني اريد اطلع من هالواقع اريد حسام هسة يجي يكولي كولة جذب

بس ووين ماكو هيج شي طلع هذا الواقع نمت بعدها ومحسيت بشي

مرات واحد يلتجئ للنوم ايريد يبتعد عن الواقع ايريد ابصفي فكرة

ومينهار فنمت ورحت بنوم عميق وووووو

يتبع،،،،،،

حبايب اتفاعلوووو وهاية بارت لخاطر عيونكم هسة كتبتة علموود تتفاعلون زين ماااشي اريدكم اتوصلون تعليقااات للخمسين 😐لا تفشلوني 😰حبايبي

احبكم بااي 😘😍