تزوجت ولكن

البارت السابع

هلو حبايب شلونكم

رنا: جنت اطلع ويا مرات من نروح للدكتور نزور اخته نكعد يمها شوية

سوالف وضحك حبابات خواتة وهم مرة رحنا بت عمة هوة جنا كلما انروح

للدكتور ايوديني الهم ،

وهسة هم اخذني للزيارة لاهل البيت رحت وطبيت بالصحن وكمت ابجي

اول مدخلت خسيت نفسي مخنوكة حييل ومحتاجة ارتاح يمة بس هوة الي

يريحني كعدت دعيت وقريت الزيارة وصليت واندعيتلة كون الله يهدي

علية وربي يرزقنا بالذرية الصالحة هوة الحمد لله يتغير ويعوف كلشي

بس شهر شهرين ويرجع نفس الشي هنا عرفت ابو طبع ما يغير طبعة

وحسام رح يبقة هيج بس شنو الحل ما اعرف لا اني امدر اكول لاهلي

لانه بس اكوللهم رح تصير مشاكل الها اول مالها تالي لان ابوي كلش عصبي

بهالشغلات واني اخاف بعد ما يخليني ابقى يم حسام واني ما اكدر افاركة

صعب كلش صعب حبيتة من كل گلبي بس هوة بالمقابل شنو انطاني حتى

ما كلف نفسة يحبني ملتهي بصاحباته وذيج. حتى من اتزوجت بقت ويا

وصار عدها ولد وبنية بس الى ان فديوم زوجها كاشفها اخذ التلفون منها

وكتلها وكسر الشريحة وهذا يوم وذاك يوم بعد ما خابرت الخاينة الي

تخون ثقة زوجها كلشي اتوقع منها مع الاسف حتى لو جانت اتحب احد

ثاني بس مجرد ما تزوجت المفروض تنسى كلشي ايخصة لان هاية امانة

واني رغم كل السواه بية بعدني احبة اي بعدني واصعب شي من تحبين

انسان من طرف واحد رح تحسين انه هوة مو ملكج فاذا كتلة لبابا مراح

يخليني يمة فسكتت. بس اني جنت اكولهم لعيالي مرت عمي حيل تحبني

لان ما عندي اذية على احد فجنت اكوللهم على سوالفة ايرزلو ويحجون

علية يوم يومين ويرجع ولا كأنه عاد اني كمت من اتعارك ويا انزل جوة يمهم

وهمة خطية يدرون بية ضايجة فيضلون ايسولفون وياية ويضحكوني

ويشاقون كلش احبهم واموت عليهم ادري هالمرة قصتكم تختلف هههههه

لان هل مرة اهل الزوج همة الزينين بس كل قصة هوة زين واهلة لا سبحان

الله حتى بهاي بالعكس 😕بس والله جنت احمد ربي واشكرة لانه جانو

محسسيني انو اني يم اهلي ،بس برغم تصرفات حسام وصاحباتة جان

عادي معاملته زينة نوعا ما بس من ادخل بعلاقاتة لا الموضوع يتغير ويصير

ضدي وبعد كل هالمعانات فد يوم كاعدة اصفط بالملابس جنت مكملة كل

شغلي وسابحة ومكملة اجة هوة طب للغرفة طب يسبح واجة كعد كلي

ضل يسولف وما اعرف شنو تالي كال اني رح اتزووووج اني هنا انصدمت

كمت لحيلي وسيطرت على روحي لان كلت يجوز يشاقة ميسويها و

كتلة اي عادي متزوج گاضتك اني هوة الله محلل اربعة للرجال بعد شكووو

هوة مشفت ردة فعلة طلعت من الغرفة رحت اغسل وجهي لان احس روحي

انسحنت من هالخبر بس كلت بلكي كاعد يشاقة او كون اذا صدك ربي

يرزقنا بطفل قبل لا يلكة زوجة ثانية ما اكدر اتخيل انو يتغير علية اكثر

وبعد ما اشوفة احبة مو بيدي ربي انت تدري بحالي دائما حبي يكوون من

طرف واحد ليش ربي ليش بس كل هذا واكول الحمد لله على كل حال

طلعت من الحمام ورحت نزلت يم عيالي اسولف واشاقة علمود ما يبين علية

بس داخلي حسرة بس ربي يعلم شكبرها مكدرت اكول لاحد وخليتها بگلبي

افضل ما اريد ابين انو اني ضعيفة اكره هذا الشي بس نوبات القدر يلعب

لعبته ويغير احوال هوووواي ناس

اخذني وياك صعدني بسفينه نوح
مـــا انـــدل طــريقــك انـت دلينـي
انا كبالك بشر مو صنم يبن الناس
شيــل الفـاس عنـي ولا تــاذينـي
صبــرت ويــاك اكثـر مـن صبـر ايوب
انــا نطيتـك عمـر شتـريـد تنطينــي
من شكه قميصي تبره حته الذيب
يا وسفه بعشرتك خلصت سنيني
اذا عيسى انصلب كدام كل الناس
انا المسبي بعشرتك وانت سابيني

يتبع،،،،،،،،

اتمنى البارت يكون عجبكم لا تنسون تصويت وانطونا ارائكم وتوقعاتكم بالتعليقات تحياتي ✌

وطبعا اذا ماكووو تفاعل بعد ماكوو بارتات رح يكون النشر حسب التفاعل

اريد 50 تصويت و50 تعليق يلا حبايب شدو الهمة علمود انشررر
في امان الله 😎