(((((((الـــفـــصــل الــثــالــث عــشــــر)))))))))
نور:..طيحت اللي بيدها..بِسْم الله الرحمن الرحيم فجعتيني
فرات:..تأخذها من الارض باستغراب..اقولك مو ذَا الرجال يشبه أبوي بس على اصغر
نور:اي والله وانا أقول وين شايفته ذَا الآدمي
فرات: بوك مين ذَا..تقلبه..
نور:أتوقع السواق لان عارفين البوكات اللي بالبيت كلها
فرات:..باستغراب ايش جاب هالصور له
نور:اممممم مافيه الا احتمال واحد
فرات:..بققت عيونها..مستحيل
نور:لازم نتأكد اول
فرات:فيه جوال لأبوي بمكتبه نتأكد منه
نور:ذاك مستحيل احد يمسكه لازم نشيك عليه
فرات:وبكذا نتأكد
نور:تخيلي يطّلع صدق سلمان
فرات:..بصدمة..لا مستحيل ياشيخة مابيخلينا ابوي نمرمطه شهرين السواقين ويالله تحملونا كيف هو لوحده ومستحمل لسى
نور:..تضحك..والله ان طلع سلمان ياانك بتاكلين تبن
فرات:..برجفة صوت..وليه ان شاء الله
نور:..بضحكة..تذكري اللي تسوينه فيه وانتي راجعة من الجامعة ذَا غير باقي فصلاتك عليه
(((يوم جديد)))
(بيت ابو سلمان)
فرات:..اتطلع السيارة..
مروان:..يطلع قدام عند السواق..
فرات:خير خير على وين ان شاء الله
مروان:ماابي اروح مع فارس ان رحت معه ماراجعت هالمرة لازم اجيب درجة زينة بالميد ترم
فرات:طيب طيب خلاص لاتبكي
سلمان:..طلع السيارة ومستغرب من وجود مروان..
فارس:..يدخل راْسه عند مروان..ماانت برايح معي
مروان:لا ابي اراجع زين
فارس:نراجع مع بعض
مروان:كان رسبت لو بتراجع لي اتركني لاتضيع وقتي
فارس:براحتك بس تراك وجعت لي قلبي
مروان:بعالجك بعدين
فرات:تنكتون بالله حرك لو سمحت وراي جامعتي ماابي أتأخر
(بالطريق)
::وسط الزحمة::
مروان:..يقلب في دفتره..يالله هاذي كيف
فرات:هات أشوف..تطالع تقرأ..مامر عليّ شي مثل كذا شكله باقي مااخذناه
مروان:..يسحب دفتره ويخزها بنظرات..
فرات:..ترفع كتوفها..سوري سوري
سلمان:..وقف بسبب الزحمة نسى نفسه يسحب الدفتر من يد فرات وعينه بالدفتر..خليني اشوف ..يقرأ ابتسم وتكلم بالبرتغالي..أوه سهلة أيام مستر رودريغز ماأحلا هالمادة
فرات:..عقدت حواجبها وتناظره..
مروان:..باستغراب وعينه بسلمان وبنفسه..ليه احس
أني عارف معنى كلامه
سلمان:..انتبه وبسرعة ناظر مروان..وبابتسامة..جدا سهلة..شرحها لمروان..
مروان:اها عشان كذا صارت -4
سلمان:..بابتسامة..اهم شي فهمتها
مروان:مشكور صدق صدق مشكور
(بيت ابو سلمان)
نور:..نايمة رِن جوالها وترد بكسل..همممم
فرات:..بحماس ..الحقي يابنت
نور:..بنوم..خير
فرات:تكلم لغة ثانية أنا متأكدة إسباني أرجنتيني من ذي الطقة
نور:..تجلس..متأكدة لا يكون فهمتي غلط
فرات:أقولك تحمس مع الكتاب وتكلم باللغة اللي اقولك عليها كذا صار عندنا اثباتين
نور:..باستغراب..
وش تقصدين
فرات: ..بتأفف..صحصحي معي مو قلتي إن أبوي قال إن سلمان دافور هذا إثبات لانه شرح لمروان
نور:طيب
فرات:والإثبات الثاني اللغة اللي تكلم فيها يوم تحمس
(بعد اسبوع)
::ع القهوة العصر::
أبو سلمان:أنا الأسبوع الجاي ان شاء الله مسافر
ام فارس:تروح وترجع بالسلامة ان شاء الله بس بتطول
ابو سلمان:3أيام أو 4لسى ماتأكدت
فرات:توصل بالسلامة وترجع بالسلامة ان شاء الله
نور:تروح وترجع بالسلامة
سماهر:ترجع لنا بالسلامة ان شاء الله
مروان:ترجع بالسلامة
فارس:تروح وترجع بالسلامة
ابو سلمان:الله يسلمكم جميع ماابي اسمع ان شي صاير خصوصا فرّوس وانت مريوين لو اسمع أنكم مسوين شي ياويلكم
فارس:..بابتسامة..الله يهديك ايش بنسوي يالغالي
مروان:أبد يبه لاتشيل هم حنا تربيتك
نور:..تناظر فرات..
فرات:..تبتسم..
مروان:..يهمس لنور..وش عندك انتي وفرات وش تخططون له
نور:..تهمس..انت يتهيأ لك هاذي افكارك اللي بينك انت وفارس تحسبون الناس مثلكم كلن يعامل الناس بعين طبعه
مروان:والله أنكم مخططين لشي
(بيت سلمان)
سلمان:..مصلح له كوفي ويبحث بالنت..لو يدري سماسيمو أني اتقهوى بيطين عيشتي..رِن جواله..بِسْم الله..يتلفت ورد..انت تراقبني
أسامة:السلام عليكم
سلمان:وعليكم السلام
أسامة:.بزعل..كيفك
سلمان:الحمدلله توك في بالي
أسامة:من زمان وانا أقول مابي ادق عليه هو بيتصل بس ماقدرت اصبر وانت ولا على بالك
سلمان:..يضحك..كلها يومين كانها رحلة عمل مثل دايم
أسامة:عالاقل ايام رحلات العمل كنت تكلمني يالقاطع
سلمان:افا تعرف أني مشغول يالله الحق عمري
اسامة:وليه ماجيتني اليوم دامه إجازتك
سلمان:والله ماقدرت كرهت السيارة ماابيها
اسامة:وش رايك أجيك
سلمان:..بخوف..لا تكفى
اسامة:..يضحك..شفت كيف أني احترم رغباتك
سلمان:خلاص بجيك بعد شوي ان شاء الله
(يوم جديد)
::فرات ماداومت::
ام فارس:وليه ماداومتي
فرات:أمي تعبانة مخي تعب لازم اريحه عشان أعطيه طاقة
ام فارس:قصدك ابوك سافر وبتفلينها
فرات:يمه خلاص ترا ماصار فيه احد يمشي ورا الثاني ويقول له ليه ماتداوم
ام فارس:انا مالي بالناس كل واحد يربي عياله على كيفه
فرات:خلاص اسفة حقك علي مااكررها مرة ثانية
ام فارس:ماعاد تنعاد الا للضرورة
فرات:حاضر على امرك
(بالطريق)
مروان؛اقولك تبينا اليوم نتجمع مع الشباب
فارس:..يسوق..آيه راسلهم
فارس:..عينه على مروان..ياربي المشكلة كيف نتصرف معه بيزعل اذا ماقلنا له
مروان:..يصرخ..فارس انتبه
(بيت ابو سلمان)
نور:..عند غرفة اللي فيها مكتب ابوها تراقب..
فرات:..داخل الغرفة تفتش..
نور:..بخوف..بسرعة
فرات:ماني لاقية شي لاتوتريني زيادة
القنوع:..مارة شافت نور واستغربت..نويّر
نور:..بتوتر..هلا
القنوع:..بنص عين..وش عندك مو من عوايدك ذَا الوقت صاحية
نور:..بربكة..لا عادي أغير نظامي شوي
القنوع:..بشك..ايش عندك واقفة قدام مكتب ابوي
نور:ولاشي بس اشوف المكتبة
فرات:..خرجت..لقيت الدرج بس ما..سكتت ..
القنوع:وش تدبرون له إنتوا الثنتين
(بالمستشفى)
فارس:..ثوبه دم يروح ويجي في ممر الطورائ ..
الدكتور:محتاجين متبرعين دم ضروري
فارس:..بربكة..طيب ابوي مسافر أكلم مين ..يطّلع جواله ويده ترجف وفيها دم ..الو
سلمان:هلا
فارس:..برجفة صوت..تعال المستشفى
(بالبيت)
القنوع:يعني كذا السالفة
نور:آيه
القنوع:والله أنكم تحزنون يعني ماعرفتوا تفتحونه
فرات:..بأمل..طيب انتي تعرفين
القنوع:آيه بسيطة ومكان المفتاح سهل وقدام عيونكم
نور:صدق
فرات:وينه
القنوع:بشرط
فرات:..تحط يدها على خصرها..وشو ان شاء الله
القنوع:اي شي يصير بخصوص ذَا الموضوع تبلغوني عنه حتى لو ماكنت معكم
فرات:طيب طيب خلاص
القنوع:..تقوم تدخل الغرفة وتفتح كتاب وتطلع المفتاح وتبتسم.. سهلة بيكون موجود في كتابه اللي يحبه
