((((((الـــفــــصــــل الـــعـــاشـــر))))))
(غرفة فارس ومروان)
مروان:..نايم ويحلم ويتحرك في سريره..بابا مو أنا..معرق وبخوف باين بملامح وجهه..لا موأنا
فارس:..يصحى من نومه..بِسْم الله الرحمن الرحيم..يفتح النور وينادي..مروان
مروان:..لسى يحلم..موأنا بابا بابا
فارس:..مروان..يحركه..مروان بِسْم الله عليك اصحى مروان..يحركه...
مروان:..يتألم وهو نايم..أبي أجلس..موأنا
فارس:..يمسكه من كتوفه ويهزه وبصوت ..مروان إصحى إنت تحلم
مروان:...فزّ من نومه مرعوب يسحب نفسه من فارس..موأنا مو أنا
فارس:..يمسكه ويشد عليه..مروان انت باقي تحلم ركز معي انت صحيت من النوم
مروان:..يتلفت بخوف وتنفسه سريع..
فارس:..يمسح على راْسه..انت صاحي الحين كان كابوس كابوس وراح راح خلاص
مروان:..بدأ يهدأ ويصحصح..فارس
فارس:..يمسكه من كتوفه..صحيت
مروان:..يبتسم..آيه صحيت
فارس:..يتنهد ..الحمدلله
مروان:..يبتسم..لاتخاف انا بخير بيجي يوم وأتذكر كل شي
فارس:لاتضغط على نفسك..بنفسه وبهم..ماصدقنا تهدأ حالته ارتحنا فترة ايش رجعها الحين ..يقوم لسريره..تصبح على خير
مروان وانت من أهله
[يوم جديد]
(اسامة وسلمان ع الفطور)
سلمان:..يأكل وفي قلبه هم..
أسامة:..يناظره..ياالله صباح خير لاتخاف لقيت لك الحل
سلمان:..بابتسامة ..صدق سماسيمو
أسامة:صدق بس الحين أفطر براحة لايصيبك عسر هضم
سلمان:طيب طيب بس كيف بنحلها
أسامة:مبدئيا نعرف الأماكن المعتادة اللي يروحون لها مثلا الجامعات بيوت الأهل المستشفى اقرب سوبر ماركت وهكذا والباقي بيدلك عليه قوقل مآب ومع الوقت بحفظ الطريق وتعرف الاختصارات
سلمان:..تنهد براحة..أوبريقادو أوبريقادو
أسامة:عدّل كلامك اذا كنت ناوي ماتنكشف
(بيت أبو فيصل)
فيصل:يمه ردو
أم فيصل:يمه مالهم اسبوع مكلمينهم العادة شهر
فيصل:..بتأفف.. يمه طيب دقي تطمني على خالي والاهل
ام فيصل:..تضحك..ماني بداقة..رِن جوالها..الطيب عند ذكره
فيصل:..تشقق من الوناسةويقرب أذنه وأمه تدفه..
ام فيصل:هلا حياك الله وعليكم السلام والرحمة..سكتت..صدق الف الف مبروك الله يتمم لهم على خير ياأم فارس ويوفقهم آيه آيه انا بكلم ابو فيصل ان شاء الله عاد الموضوع بين الرجال الحين ان شاء الله ان شاء الله سلمي ع البنات والعيال وأبوهم مع السلامة مع السلامة
فيصل:ها بشري
ام فيصل:مثل ماسمعت وافقوا
فيصل:آيه ياقلبي خلاص بتاخذ حبيبتك
ام فيصل:..تضحك..الحمدلله والشكر
منصور:..بزعل..وانا يمه
ام فيصل:انت بدري عليك اللي تبيها خلها تفلح بدراستها اول
فيصل:..يضحك..شكلك مطول
منصور:لاتتدخل يالله يالله مناك
(بعد أسبوع)
::بعد صلاة الفجر::
(بيت أبو سلمان)
سلمان:..واقف قدام البيت ويشد على قبضته وبنفسه.. اليوم بيبدأ كل شي
أبو سلمان:..راجع من الصلاة..ام فارس
ام فارس :هلا حياك الله
أبو سلمان:اليوم بيجي سواقٍ جديد قولي لبناتك يتأدبن
ام فارس: الله يهديك ياأبو سلمان طول عمرهن حريصات ولى تطلع الزلة خصوصا قدام الغريب
أبو سلمان:قبل كانوا يتكلمون بصوت عالي يوم يسألن بعض الحين قولي لهن يحشمن صوتهن بالذات قدام هالسواق
ام فارس:ان شاء الله بحرّص عليهن وانبهن لاتشيل هم
الخدامة:ماما في واحد برا يقول هوا سواق
أبو سلمان:أنا بشوفه
(قدام البيت)
أبو سلمان:..بنظرات استهزاء..أشوفك جيت
سلمان:..بثقة..على وين أول مشوار ان شاء الله
أبو سلمان:..يدخل.. إلحقني..يأشر على الملحق الصغير بداخل الحوش..هذا بيتك
سلمان:..عيونه ع البيت وبنفسه..شكلي بجرب أيام ألعن من أيام التدريب بس ماعليه كل شي يهون
أبو سلمان:خلك جاهز مشاوير هالبيت من بدري تبدأ..بابتسامة .. هذا اذا ماهونت
سلمان:لا ماني بمهون تطمن
أبو سلمان:..عطني رقمك بعطيه ام فارس اللي يبغاك يتصل عليك
(بيت أسامة)
أسامة؛..راجع من الصلاة.. شكله ماصحى..يروح لغرفة سلمان.. يوه نسيت ان اليوم بدأ شغله
(بيت أم سعد)
//ع الفطور//
أم سعد:يمه سعد متى ناوي إني أدور لك بنت الحلال
سعد:بنت الحلال يايمه ع البال بس انتي اتركيها لوقتها
أم سعد:..بابتسامة..صدق طيب من هي هالمحظوظة اللي بتاخذ سعد
سعد:بدري يمه بدري..رِن جواله..هلا
فارس:..بصراخ..سعّود
سعد:صمخ وصمخ والله أصمختني
فارس:يالشايب متى بتتعدّل بالكلام
سعد:اخلص وش بغيت
فارس:كيف حالك
سعد:الحمدلله انتي وش لونك
فارس:طيب الحمدلله أقولك قابلنا الليلة بالاستراحة العيال كلهم بيجون
سعد:حتى عبدالله
فارس:..ببرطمة..حتى هو
(الساعة6,30)
سلمان:..رِن جواله..هلا
........:السلام عليكم
سلمان:وعليكم السلام
.....:جهز السيارة
سلمان:حاضر
(بالسيارة)
فرات:أنا رسلت اللوكيشن على رقمك بنت عمتي بتروح معي اليوم احفظ هاللوكيشن لأنك بتروح له كثير
سلمان:..حاضر..يديه عرقت من التوتر يمسحها بالمنديل..هاذي اختي ..يطالع بالمراية ويتذكر كلام أسامة..
أسامة :اللي أتذكره قبل استقر بالبرازيل كان فيه سماهر واتوقع نورلحظة لحظة..يتصل ويتكلم في جواله ثم قفل..سماهر فارس نور فرات وأخوك مروان
سلمان:..يبلع ريقه..ان شاء الله ماانكشف
(عند بيت ام فيصل)
ليالي:..تركب السيارة..السلام عليكم
فرات:وعليكم السلام والرحمة
ليالي:..بعصبية..انتي ايش فيك اقلقتي اهلي اتصالات روحي معي روحي معي وانت قايلة لك البارح طيب
فرات:..تهمس..اسكتي هذا سواقنا الجديد يقولون سعودي
ليالي:..تهمس..ليه ماعلمتيني من البداية عبالي أنور ع الأقل أنور معنا من احنا صغار آخذين عليه وآخذ علينا
فرات:..تهمس..خلاص آش
ليالي:..تهمس.. الحمدلله غدير مي معنا ولى كان فضحت بنا
فرات:..تهمس..ماتنلام والله
ليالي:..تهمس..اي والله كل ذَا الزين وسواق قال لك شي
فرات:..تهمس..لا أبدا أنا اللي أكلمه ويرد على قد كلامي
ليالي:..تهمس..آيه ياعمي محترم محترم
(بيت أبو سلمان)
ام فارس:نور اكتبي كل أغراضك مو بعدين تبين شي ثاني
نور:..ع الايباد.. كتبت كل شي ابيه
ام فارس: متاكدة ترا السواق واحد مو اثنين عشان تتشرطين بعد شوي
نور:..مو مركزة معها..آيه آيه
ام فارس: طيب..ترسل الأغراض ع جوال سلمان..جيب الأغراض معك بعد ماتوصل فرات لجامعتها
(عند الجامعة)
سلمان:..يفتح جواله..يوه يادوب ألحق مع ذي الزحمة
