((الــــفــــصــــل الـسـابــــع والـثـمـانـون))
مروان:والله مافيه شي نايم الحين الحمدلله عمليته عدت على خير
ام فارس:..اللي صابتها دوخة مالت..
مروان وفرات:..مسكوها..
مروان:يمه والله طيب طيب بس حطوا حطوا له أسياخ
ام فارس:..منهارة..صدق ماتكذب علي اخوك مافيه شي
مروان:..جلسها عالكرسي..والله والله طيب مافيه شي..تنهد ووقف..تبين تروحين لغرفته تتطمنين
جمانة:..اللي شافت مروان جرت له وضمته وبدموعها..انت بخير الحمدلله انت بخير
مروان:..ابتسم ومسح على راسها..الحمدلله طيب مافيني شي ليه كل هالخوف..عقد حواجبه وتركها..لحظة انتم وش جايبكم هينا
<غرفة فارس>
فارس:..نايم..
ليالي:..تناظره بدموعها..الحمدلله الحمدلله اللهم لك الحمد..قربت منه وباسته على جبهته..الحمدلله اللي رجعك لي سالم
((يوم جديد))
<بالمستشفى>
~غرفة أبو سلمان~
::الكل موجود زوجته وعياله وأخواته وأزواجهم وعيالهم والكل يتحمد له بالسلامة وسط صمت أبو سلمان ارتسمت نظرة استغراب وشك على وجيههم::
أبو سلمان:الله يسلمكم ومشكورين على جيتكم وكتب الله أجركم ان شاء الله كل واحد يروح لبيته ماعدا ام فارس وعيالها وفارس جيبوه هينا
::بعد ماوصل فارس::
ام فارس:خير ياابو سلمان خوفتنا
فرات:..بلعثمة..يبه طيحتك ذي وراها سبب صح
فارس:..بوسط ألمه اللي يروح ويجي وبخوف..يبه وش فيك وش اللي صاير
مروان:..بتوتر..يبه تكلم قلوبنا بتنفجر
أبو سلمان:أخوكم يطلبكم الحِل
::الكل يناظره بصدمة ساكتين::
مروان:..بعدم استيعاب..أي أخو
القنوع:..بعدم اهتمام تناظر بأظافرها..أحسن جعله مايرجع أساسا هالكلام كله خطة منه عشان يظل هناك مع حبيبة قلبه ساندرا اصلا ماعاد يهمني قوله أبي ورقة طلاقي
فرات:..ضربتها كف..
القنوع:..ناظرتها بحقد..
فرات:..بوسط دموعها وصراخها..انتي وش فيك ماتسمعين يقولك يطلبك الحل يعني مات خلاص ودّع راح وترك كل شي وساندرا ذي برأيك ليش اعتدت عليك تدرين انها حاولت تذبح سلمان وهو يساعدك..بدموعها..ليه أنا انسجنت أصلا لأن هالساندرا كذابة والبنت مي ببنته وسلمان كشفها وطردها قدام الكل ودخلها السجن عشان يرد اعتبارك وانتي للحين نايمة ماتدرين عن شي..بصراخ..وتقولين أحسن جعله مايرجع
نور:..تسحبها عن القنوع بدموعها مانطقت شي..
القنوع:..بوسط دوامة أفكارها تسترجع اللي صار وتربطه تذكرت كلامها له طاحت عالارض بعدم تصديق..
سماهر:..جلست جنبها مسكتها بوسط دموعها..قنوع حبيبتي خذي نفس
ام فارس:..عطتهم ظهرها تمسح دموعها وتكتم شهقاتها..
فارس:..يناظر أبوه شاف انكساره عرف بهاللحظة ان أبوه صادق في كل كلمة قالها هلت دموعه اللي كل مامسحها تزيد..
القنوع:..مي مصدقة..لا لا مستحيل سلمان مامات إنت تكذب يبه ليه تكذب علي أمس راسلي انه بيرجع السعودية اليوم وقال اي انه طيب ومافيه شي..بصراخها..يبه ليه تكذب علي ليه
مروان:..تلفت يناظرهم..لاتبكون وأمسحوا دموعكم الموضوع فيه شي غلط..ناظر أبوه وصر ع اسنانه..كيف عرفت وش دراك أثبت لي..بصراخه..أثبت لي الحين
أبو سلمان:..بصوته المهزوز..كل شي صار قدامي كل شي..بلع غصته..وهو وصاني أطلبكم تحللونه..ناظر القنوع..طالبك تحللينه وتسامحينه
القنوع:..انهارت وأغمى عليها..
::الكل تجمع عليها ماعدا مروان اللي واقف يناظر أبوه::
مروان:..بوسط دموعه..كل كلامك ذَا أنا مادخل مزاجي ماراح أصدق كلامك لحد ماأشوف جثته قدامي غير هالكلام ماعندي
أبو سلمان:..بدموعه وبصراخه..أقولك شفت كل شي قدامي أدفنوه قدامي
مروان:..بصراخ..حتى ولو أدفنوه قدامك مثل ماتقول ماراح أصدق أبد
أبو سلمان:فارس كلم عيال عماتك يجهزون للعزا
فارس:..ناظر أبوه ساكت..
مروان:..بصراخ..عزا مافيه تسمعني لحد ماتجي الجثة عزا مافيه ولا والله والله واللي خلقني إني لأخلي العزا مو لواحد لاثنين
•••••••••••••••••••••••••••••••
.......:..بوسط جنونه لمَ عرف الخبر بصراخ..والله والله لأنهيكم كلكم لأجيبكم كلكم..يتصل..<<حوار بالبرتغالي
المراقب:نعم
.......:..بعصبية..استأجر مئة بل الف ابحثوا عنه بالغابة جيدا حتى لو اضطررتم أن تحفروا لتجدوه افعلوا ذلك..قفل وجلس عالكرسي مسك راْسه يبكي..والله والله لأخذ حقك ياسلمان والله لأدفعهم الثمن غالي
((بعد يومين))
<غرفة فارس>
مروان:..جالس عالكرسي من سمع الخبر وهو في حالة صمت..
فارس:..عالسرير ناظره وتنهد..مروان أبي أتمشى شوي
~بحديقة المستشفى جالسين على الكرسي~
فارس:مروان أدري إن مالك خلق تسمع شي لكن خلنا نسترجع اللي صار لنا دام قال ان الدور جاي علينا
مروان:..ناظره بعصبية..
فارس:أدري ان كلامي مو عاجبك وأتمنى كلام أبوي يطّلع غلط دام أبوي ماسوا عزا فهذا معناته إن أبوي عنده أمل وهالشي زين لكن لو لاقدر الله كان العكس خلنا نسترجع اي شي يمكن نقدر نساعد سلمان اذا كان حي
مروان:..بدون نفس..والمطلوب؟
فارس:الصوت ماتحس انك سامعه قبل
مروان:..عقد حواجبه..
فارس:ركز معي زين احنا سمعنا صوته قبل والدليل مااستغربت الصوت بالبداية صح
مروان:امّم بالبداية كنت أحسبه مقلب من العيال فعلا الصوت ماكان غريب علي
فارس:الحين الصوت مليون بالمية لواحد نعرفه
مروان:اممم الصوت كان كأنه صوت سعد
فارس:بس فيه بحة
مروان:..غمض عيونه وأخذ نفس..والحين من صاحب الصوت اللي صوته مثل صوت سعد مع بحة لأنه واضح يعرفنا زين
مروان:..استرسل بكلامه..والدليل قال للي عنده يتركونا عند مستشفى غريبة صراحة
فارس:اللي كنّا نشبه صوته بصوت سعد دايم ونغثه بهالموضوع..سكت..
فارس ومروان:..ناظروا بعض بصدمة..عبدالملك
....:..من وراهم..فعلا صحيح عبدالملك
((يوم جديد))
(الشركة)
::داخل بكل هيبة بكل رزة وثقل بملامحه الشرقية البحتة عن يمينه فارس وعن يساره مروان ووراهم حراسه اعتلى صوت همسات الموظفين اللي مستغربين من اللي قاعد يصير من هذا؟من يكون؟وليه داخل بكل هالحرس وراه::
موظف1:..يهمس..هذا مو مساعد الضعيف
موظف2:..همس له..لا يشبهه ذاك مضيع حتى كلمتين مايجمعها على بعض
موظف1:..بشك..كأنه هو
موظف2:ذاك محيوس كل شوي يطيح منه شي مايمشّي أموره بلحاله لازم معه أحد يساعده وينه ووين هالثقيل ذَا
مساعد:..لف عليهم ونطق بنبرته الحازمة الجادة..ليه واقفين وش تنتظرون الشركة الحين محتاجة كل ثانية تمر عشان ترجع لوضعها الطبيعي كل واحد على قسمه الحين
<مكتب عبدالملك>
مساعد:..دخل..
عبدالملك:..اللي كان ممشي كل الأمور على مزاجه بالفترة اللي راحت قاعد على مكتبه عقد حواجبه..
مساعد:..بابتسامة..عساك مبسوط
عبدالملك:من حضرتك
فارس:..اللي دخل بتهجم..أنا أعلمك كيف تمد يدك يابن الـ##
مروان:..مسكه..
عبدالملك:..بصدمة كيف عرفوه..
مساعد:..بابتسامة..مو مهم من أنا ومو مهم كيف عرفناك المهم الحين الشرطة جاية عشانك
••••••••
مجهول(3):..بصدمة..وش تقول
عبدالملك:أقولك الشرطة جايين عشاني معناته خلاص كشفوني عرفوا كل شي
مجهول(3):وين***
عبدالملك:بالبرازيل
مجهول(3):..بعصبية..وش يسوي هناك..سكت وفهم انه ورا موت سلمان صر ع اسنانه..طيب خلاص أنا بتصرف انت لاتعترف بشي
عبدالملك:..بصدمة..يعني أتركهم يأخذوني
مجهول(3):خلك طبيعي ولاتخاف ولاتعترف بشي أنكر كل شي لحد مايجيك المحامي
عبدالملك:..بترجي..لاتتركني ياعم**
مجهول(3):انت ولدي وشلون أتركك أهم شي خلك طبيعي والمحامي دقايق وهو عندك..قفل ثم اتصل..ألو..وينك..تعال أبيك بمهمة مستعجلة الحين
((مكتب أبو سلمان))
::مساعد جالس على مكتب أبو سلمان وقباله السكرتير واقف ومروان وفارس جالسين::
مساعد:..يكلم السكرتير..بلغ رئيس قسم المالية والمحاسبة يسلم كل ملفاته وتقاريره للأستاذ فارس وايضاً بلغ رئيس قسم الخدمات والمعلومات الالكترونية يسلم كل خدماته للاستاذ مروان
السكرتير:حاضر أستاذ..خرج..
مساعد:..ناظر فارس ومروان..وش تنتظرون كل واحد على شغله الحين يكون بعلمكم ماعندي تساهل مع أي موظف خصوصا انتم
مروان وفارس:..خرجوا..
مساعد:..امتلت عيونه دموع..إن ماأخذت لك حقك ياسلمان ماأكون مساعد
~قسم مروان~
مروان:..وسط موظفين القسم..يالله ياشباب وظايفنا معتمدة علينا ياتفلس الشركة وننطرد أو نعدل كل اللي نقدر عليه ونقوي الشركة وتبقى وظايفنا..تذكر كلام مساعد..سلمان كان يحميكم وانتم ماتدرون شايل المسؤولية لحاله الحين دوركم ماتخلون تعبه يضيع..
~قسم فارس~
فارس:..جالس وسط موظفين قسمه..يالله يالله شباب الهمة الهمة ورآنا تدقيق حسابات من أول وجديد الهمة ولا تبون الأقسام تعيب علينا
((بالبرازيل))
مجهول(2):..رِن جواله رد وهو نايم..نعم..فز من سريره..وشو!!..بصدمة..وش تقول انت انت أكيد غلطان كيف مات كلمني اليوم مافيه شي..بدموع ملت عيونه..والله لأقص لسانك يالكذاب إياك تتكلم على أخوي بكلمة
((السعودية))
(الشركة)
<مكتب أبو سلمان>
مساعد:..يكلم بجواله مصدوم..مااات وشلون مات؟!!
الشرطي:صار حادث لسيارة لشرطة اللي تنقله وللأسف كل اللي فيها توفوا حتى المتسبب بالحادث
مساعد:..تذكر كلام سلمان..لاتغامر أبدا خلك فطين اللي نلعب معه مو بسهل نهائيًّا
~~~بـعــد شــهــريـــن~~~
[القنوع بحالة نفسية سيئة يوم مبسوطة واجتماعية وأيااام مكتئبة وعيونها بجوالها تنتظر سلمان،أبو سلمان صار انطوائي ترك الشركة وحابس نفسه بمكتبه يلوم نفسه مليون مرة عاللي صار لسلمان، ليالي وفارس رجعوا لبعض لكن التوتر مسيطر على علاقتهم ،مساعد يدير شؤون الشركة بمساعدة فارس ومروان ولازال يدور على سلمان باستماتة]
((يوم جديد))
(بيت أبو سلمان)
~ع الفطور~
ام فارس:..نزلت القنوع وأبو سلمان بالقوة للفطور..يالله بِسْم الله بِسْم الله عساه بالعافية
أبو سلمان:..يناظر الاكل..
القنوع:..ناظرت مكانه حبست دموعها مدت يدها عالبيض تذكرته لمَ كان يطبخه لها نزلت دموعها..
فرات:..جالسة قبالها تنهدت..قنوع حبيبتي وش فيك
القنوع:..تبكي..كسرت خاطره مات وهو قلبه مجروح متقطع من كلامي ليتني سكت ليتني ماتكلمت
أبو سلمان:..حابس دموعه يذكر كلامه له اللي مثل السم عالاكل قدام اخوانه وبنفسه..ليتني سكت عالاقل أكل لقمته بهنا
أم فارس:..تنهدت..لاحول ولاقوة إلا بالله يايمه يايمه ان شاء الله انه طيب دام اخوانك بلغوا فان شاء الله بيرجع طيب لاتشيلين هم
القنوع:..بشهقاته..وين طيب وأبوي يقول دفنوه قدام عيونه واخواني عشان يأخذون بخاطري بلغوا بس عشان يقنعوني وأصدقهم يمه فارس عيونه ماتكذب سلمان مات خلاص راح وتركني
ابو سلمان:..ماتحمل قام وتركهم..
فرات:..اللي حابسه دموعها قامت عندها وحضنتها..
ام فارس:..بضيقة..لاإله إلا الله
<مزرعة ابو فايز>
ابو فايز:..جالس برا المزرعة عند الباب الخارجي يتقهوى..
......:السلام عليكم
أبوفايز:..بجلافته المعتادة..وعليكم السلام من أنت و وش تبي؟
.......:..ابتسم..ماتغيرت أبد نفس ماكنت ماعرفتني
أبو فايز:..عقد حواجبه..شايفك قبل بس مدري وين
مجهول(2):..حابس دموعه..عبدالملك مات ياجدي مات
أبو فايز:..اتسعت عيونه مصدوم..***هذا انت..وقف وبدموعه فتح يديه..هلا هلا بالغالي ولد الغالي
مجهول(2):..ارتمى بحضنه يبكي..عبدالملك مات ياجدي راح خلاص
أبو فايز:..يمسح على راْسه..إنا لله وإنا إليه راجعون لاحول ولاقوة الا بالله
((آخر الليل))
(بيت أبو سلمان)
::داخل البيت يتسحب مثل الحرامي لحد ماوصل بيته وفتح الباب واتجه للصالة رمى نفسه عالكنب بتعب..
القنوع:..خارجة من الحمام اتجهت للصالة شافته متمدد عقدت حواجبها قربت لعنده تناظره ثم استوعبت وصرخت مرعوبة..
سلمان:..اللي فز من الكنبة وحط يده على فمها ويأشر لها بمعنى اسكتي..
القنوع:..اللي غمضت عيونها..
سلمان:..أبعد يده عنها بشويش..
القنوع:..لازالت مغمضة عيونها وبخوف..بِسْم الله الرحمن الرحيم بِسْم الله الرحمن الرحيم يامثبت العقل والدين أسالك الثبات
سلمان:..اللي متكتف يناظر ردة فعلها بضحكة..
القنوع:..فتحت عيونها بشويش..
سلمان:..نزل راْسه لمستواها والابتسامة مرسومة على وجهه وببحة صوته نطق..أنا هينا قدامك مو حلم صدق قدامك آسف آسف لاني مارجعت آسف لأَنِّي تأخرت
القنوع:..بعيونها اللي امتلت دموع حاوطت رقبته بيديها وتعلقت فيه..انت رجعت،رجعت لي..تبكي..قالوا إنك مت وأنا ماصدقتهم انت وعدتني تظل معي لآخر العمر وماتتركني ليه رحت وتركتني..ببكية وتضربه خفيف على ظهره..ليه ليه كلهم يحسبوني مجنونة ليه تأخرت علي ليه
سلمان:..ضمها لحضنه وتنهد..ماكنت ناوي أرجع بس لمَ فتحت جهازي وشفت رسايلك ماقدرت أطول عليك
القنوع:..رفعت عيونها له تناظره وهي لازالت محاوطته بيديها وبدموعها..ليه ليه ماتبي ترجع..تركته وبزعل..يعني خلاص انت ماتبيني
سلمان:..مات على حركتها الطفولية وكتم ابتسامته وبنفس نبرة زعلها..انتي اللي ماتبيني!!
القنوع:..تركته ورجعت يديها ورا ظهرها وتناظر رجولها اللي تحركها وأنكرت..أخسي وأعقب متى قلت هالكلام
سلمان:..ضحك..وشو عيدي ماسمعت..حك أذنه..ماسمعت
::::الباب يدق بقوة::::
سلمان:..همس..لأحد يدري..تخبى بنهاية المدخل..
القنوع:..فتحت الباب..
أم فارس:بِسْم الله عليك يمه وش فيك تصارخين أفزعتيني سمعتك وأنا باخر الدور
القنوع:..تضحك..ولا شي يمه صرصور بس
ام فارس:..ناظرتها بشك ومسحت على راسها..الله يربط على قليبك يابنيتي
القنوع:..كتمت ضحكتها..
ام فارس:..تنهدت..نامي يمه نامي خذي لك غفوة قبل الصلاة
القنوع:ان شاء الله يمه ان شاء الله
ام فارس:..لفت بتروح..
القنوع:أقول يمه
أم فارس:..ناظرتها..هلا يمه
القنوع:نفسي أنزل وألاقي الطاولة عليها مالذ وطاب
أم فارس:..بابتسامة..أبشري من هالعين قبل هالعين ماطلبتي شي
القنوع:وخلي البنات ينزلون اشتقت لجمعتنا عالسفرة
أم فارس:حاضر..راحت..
القنوع:..قفلت الباب ولفت..
سلمان:..بنهاية المدخل متكي عالجدار مميّل بوقفته ومتكتف وبابتسامة زعل على وجهه..عاد توي أدري اني صرصور
القنوع:..رفعت كتوفها وبابتسامة..كل واحد يعرف قدره
سلمان:..اتسعت عيونه..قد هالكلمة
القنوع:..تتصنع عدم الاهتمام..والله انت اللي قدرت نفسك انا ماقلت شي
سلمان:..جرى لجهتها..
القنوع:..صارخت ولصقت بالباب..أمزح أمزح وربي أمزح
سلمان:..شالها..
القنوع:..صرخت وحطت يدها على فمها تكتم صرختها..
((يوم جديد))
(بيت فارس)
فارس:..يلبس بسرعة أخذ شماغه بيده بيخرج..تبين شي
ليالي:..اللي متربعة عالكنبة تفطر وتناظر التلفزيون..لا سلامتك
فارس:..خرج..
ليالي:..تنهدت..
فارس:..رجع..ترا أحبك يعني وكذا..خرج..
ليالي:..ابتسمت..
(بيت سلمان)
<غرفة النوم>
القنوع:..عالسرير فتحت عيونها بابتسامة بس سلمان مو جنبها حبست دموعها قامت من السرير..حلم كله حلم!!
(بيت أبو مشعل)
~غرفة شوق~
سلطان:..اللي يدق الباب..شوق شوق افتحي..بترجي..يالله عاد افتحي لي
شوق:..من ورا الباب..لا ماأبي أفتح اذا نفس الموضوع ماأبي أفتح
سلطان:شوق شوووق الله يخليك يرضيك أظل برا الباب كذا
شوق:..فتحت وتنهدت..نعم
سلطان:أبيها ياشوق أبيها هي
شوق:وبعدين معك
سلطان:أموت عليها ياشوق حياتي بدونها ناقصة
شوق:ودانة
سلطان:ماأبيها
شوق:..تكتفت..لا والله حلفت عليك انت تبي تخرب علاقاتي مع صديقاتي مايكفي اللي بينهم تبي تزيدهم
سلطان:..تنهد..اللي أقصده أنا أحب دانة فعلا لكن أعشق القنوع من كل قلبي
شوق:..بعصبية..انت باختصار واحد متناقض ان شاء الله ماتقدر توصل للقنوع ويارب يااارب عسى دانة تتركك وارتاح أنا..دخلت وقفلت الباب بوجهه..
(بيت سلمان)
~بالمطبخ~
سلمان:..فتح الثلاجة عقد حواجبه..وش هالبيض مين بياكل ذَا كله..أنبه ضميره لانه مارجع لها بسرعة طول عليها وتركها تتعذب تنهدوبدا يكسر البيض..
القنوع:..تجر خطواتها وبدموعها..كل ذَا حلم حلم..شافت سلمان يطبخ..
سلمان:..يطبخ ومعطيها ظهره..
القنوع:..جرت وضمته بقوة..
سلمان:..اللي تفاجأ منها..آه..ابتسم..صباح الخير شفتك بنومة عميقة ماحبيت أصحيك..يبي يلف عليها..
القنوع:..ضامته بقوة..
سلمان:..تنهد..وبعدين كيف أتحرك أنا الحين
القنوع:..لازالت ماسكته..مايهمني
سلمان:..ضحك مشى وهي لاصقة فيه..طيب كذا أنا ماأقدر أسوي شي أنا جوعان ميت جوع ماأكلت شي من المطار
القنوع:..ساكتة..
سلمان:..ابتسم بخباثة ثم تنهد..أبي أروح الحمام..لف وجهه عليها ولمحها بطرف عينه..بتدخلين معي بعد
القنوع:..تركته..تفضل
سلمان:..ضحك..
القنوع:..أخذت صحن البيض اللي عالطاولة..أنا ببدل وبأنزل بعدها أفطر تحت
سلمان:..باستغراب..طيب وش دخل البيض اتركيه أبي آكل
القنوع:..بابتسامة..هذا لي اشتقت للفطور من يدك..دخلت الغرفة..
سلمان:..امتلت عيونه دموع وبنفسه..أخيرا أخيرا فيه أحد فيه أحد عايش بهالدنيا عشاني عشاني أنا وبس
(بيت أبو سلمان)
~عالفطور~
::الكل يناظر القنوع وعلى وجهيهم نظرات الاستغراب::
فرات:..تهمس..وش فيها مستانسة هالقد
نور:..تهمس..كالعادة وبعدين بترجع تكتئب أكثر
سماهر:..تهمس لهم..لا لا هالمرة الوناسة بزيادة غير عن كل مرة
فرات:فعلا غير
أبو سلمان:..ناظرها..شوي شوي
ام فارس:يمه قنوع اتركي صحن البيض ذَا عنك وكلي من باقي النعمة مو انتي اللي طلبتي
القنوع:..بابتسامة..لا يمه انا ميتة على ذَا البيض اللي معي
ام فارس:دامك ماتبين الا ذَا البيض وشو له طلبتي كل هالأكل
سلمان:..دخل..السلام عليكم
أبو سلمان:..اللي شافه قدّامه يناظره وهو يمشي يسمع صوت نبضاته اللي تسابق صوت خطوات سلمان بألف مرة مو مصدق إنه قدّامه..
سلمان:..اتجه للقنوع وجلس جنبها..
القنوع:..تأشر بطرف الخبز اللي بيدها على سلمان..عشانه
فرات:..مصدومة تناظره وقفت أكل..
نور:..خافت غمضت عيونها..بِسْم الله الرحمن الرحيم بِسْم الله الرحمن الرحيم
سماهر:..تشرب حليبها ناظرته انصدمت وكحت..
سلمان:..مد لها علبة الموية..خذي خذي بِسْم الله عليك
أبو سلمان:..سمع صوته امتلت محاجر عيونه دموع وبنفسه..هذا هو ياسعد هو مو بحلم هذا ولدك سلمان حي مو بميت..وده يقوم يآخذه بحضنه يعوّضه عن اللي فات يتعذر منه يطلبه يسامحه لكن كبريائه وعزة نفسه ماتسمح له عض طرف شفته مقهور من نفسه وبنفسه..هذا هو رجع ياسعد وين وعدك لنفسك إن كانه حي بتعوضه ومابتكسر بخاطره وينه وين وعدك..ابتسم..ماانت قد وعودك ياسعد ماانت بقدها
سماهر:..اللي أخذت العلبة ناظرت خواتها..اللي يصير قدامي صدق ولا تهيأت مني
ام فارس:..قامت من مكانه واتجهت له وتلمسه بطرف أصبعها تتأكد مو مصدقة..
سلمان:..اللي وقف ومسك يد أمه وحطه على خده تنهد..إيه يمه هذا أنا ومو حلم أنا قدامك صدق
أم فارس:..ضمته وتبكي..الحمدلله على سلامتك يمه الحمدلله..بشهقاتها..الحمدلله لو طولت شوي كان فقدت الأمل داخلي كل يوم يتقطع وأكابر أقول الحين بيدخل مع هالباب الحين بيجي ليش يايمه طولت ليش
سلمان:..اللي هلت دموعه..يمه شفت الموت قدامي يمه مت ورجعت للحياة ربي رحمني يايمه
أم فارس:..فكته تمسح دموعه..له الحمد اللي رجعك لنا يايمه الحمدلله
سلمان:..بدموعه..أنا مت مت أعلنوا وفاتي يمه أعلنوها لكن ربي كاتب لي أعيش كتب لي الحياة يمه
القنوع:..جالسة وبدموعها تسمع كلامه اللي يقطع قلبها..
أم فارس:..ضمته لحضنها وتمسح عليه..بِسْم الله عليك بِسْم الله جعل يومي قبل يومك جعل روحي فدا لك ياعيني الحمدلله اللي رجعك لنا الحمدلله
سلمان:..فك نفسه من حضنها ويمسح دموعه وبابتسامته..هذا أنا يمه رجعت رجعت لكم مافيه فكة مني فرات:..اللي واقفة وراه تبكي حضنته وسلمت عليه..الحمدلله على سلامتك ياأخوي الحمدلله على سلامتك
سماهر:..اللي وقفت ودموعها لازالت تنزل اتجهت له بهدوء وسلمت عليه..الحمدلله على سلامتك ياأخوي مأجور ان شاء الله الحمدلله على سلامتك
نور:..بصدمتها..يعني هو صدقي
سلمان:..بوجهه اللي تغير لونه للأحمر من بكاه بزعل..لاحول ليه الكل يحسبني جني ايه أنا هذا أنا..ابتسم..سلماااان
نور:..بعيونها المليانة دموع ضحكت وهي متجهة له سلمت عليه..من عرفتك وانت جني
القنوع:لو سمحتي لاتغلطين أنا هينا
سلمان:..ابتسم..
فرات:..مسكته من خدوده وتحرك راْسه يمين ويسار..واه واه فديت المستحين
أم فارس:..ضربتها..عيب عليك مو بمالي عينك
سلمان:..بتعصيبة مصطنعة يخالطها زعل..اي والله ماني بمالي عيونهم ماكأني الكبير مو مالي عينك..يأشر على نفسه..طول بعرض ولا مالي عينك
فرات:..حطت يديها على خدوده..يمه يمه أموت عالمعصبين أنا
أبو سلمان:..وقف ومشى متجهة لمكتبه ثم وقف قبل يخرج من الصالة معطيهم ظهره وبدموع الفرح اللي يخبيها عنهم..ماقلت لها لكم من قبل أبو سبع أرواح مايموت..خرج..
أم فارس:..بنفسها..ياقو قلبك ياسعد بتموت من الفرحة لانه رجع ولاتبي تحضنه اه منك بس اه
((الشركة))
~بالمقهى~
مروان:..جالس يناظر ساعته وباين عليه التوتر وبنفسه..من يكون هالغريب وش اللي يبيه مني
فارس:..دخل لمح مروان عقد حواجبه اتجه له يتأكد..انت هينا وش تسوي..جلس جنبه..
مروان:..ناظره بنص عين..وانت ايش تسوي
مساعد:..دخل بيده ملف شافهم اتجه لهم..وش تسوون هينا
مروان:وصلتكم رسالة انتم بعد
فارس:يقول معلومات مهمة
مساعد:..جلس قبالهم وببرود..عالعموم معه نص ساعة وراي التزامات مو بفاضي له ماعندي وقت وانتم خلو الحرس معكم دايم..يقلب بالملف اللي معه..
مروان:..تنهد..ماتعبت من كثر ماتعيد بهاالاسطوانة
فارس:..بطفش..خلاص عرفنا الحرس لازم يكونون معنا بكل وقت مابقي الا الحمام ترا والله انكتمنا
مساعد:..قفل ملفه..
فارس:..بخوف من ردة فعله..آسف ماقصدت شي
مروان:..بابتسامة تخفي خوف من ردة فعله..ترا مايقصد هذا هو فارس دايم يرمي الكلام بدون يحسب حساب له
مساعد:..بتعصيبة يكتمها ناظرهم..لمصلحتكم هالكلام ولا تبون يصير اللي..سكت..
سلمان:..اللي جالس عالطاولة اللي وراهم مخفي نفسه لابس كاب ونظارة وكمامة قام لعندهم ووقف ورا مساعد وتكتف..كمل جملتك عدّوي قولها وش اللي يصير
مساعد:..رفع عيونه له بعدم استيعاب يحاول يصدق الصوت اللي سمعه ومكذب نفسه نطق بلعثمة..سـ.ـلـ.ـمـان
فارس ومروان:..عيونهم معلقة على سلمان بصدمة ماتحركوا ولا نطقوا..
سلمان:..نزل كمامته والنظارة وبزعل..أفا ماتوقعت ردة فعلكم بتكون كذا..تنهد..أجل طلعت مو بذاك الأهمية
فارس ومروان:..قاموا من كراسيهم وهجموا عليه وحضنوه..
:::كل الموجودين بالمكان يناظرونهم:::
فارس:..بصوته المهزوز يحبس دموعه..انت طيب طيب كنت عارف الحمدلله الحمدلله كنت عارف مستحيل تتركنا بالسرعة ذي كنت عارف
مروان:..بدموعه..الأفكار الشينة كلها تجمعت برأسي كل يوم كل دقيقة كل ثانية فكرة شينة كنت أقاوم هالظنون وأقنع نفسي إنك بخير هو طيب كلام أبوي كذب واللي صار كذب كنت حاس انك بخير بخير
مساعد:..اللي واقف يناظر مصدوم..
سلمان:..بعد ماتركوه لف وناظر مساعد..والحين عاد دور الخواف حقي..فتح يديه..
مساعد:..يناظره بصدمة..
سلمان:..لازال فاتح يديه تنهد..ترا تعبت..نزل يديه وبنص عين..شكلك تبي الفكة مني عشان طفشتك بسالفة النادي صح
مساعد:..اللي دموعه تنزل ويكتم شهقاته..
سلمان:..مشى لعنده وقف قدامه ومسح على راْسه وبابتسامة..كنت مرعوب صح
مساعد:..انفجر يبكي بصوت..
فارس ومروان:..انصدموا منه راحت كل هيبته وخوفهم منه بثواني..
سلمان:..أخذه بحضنه..شفني طيب مافيني شي أنا بخير
مساعد:..بوسط شهقاته..دوروا عليك بكل مكان مالقوك أرسلت قاليريو بنفسه ولا لقاك تدري اني عصبت عليه ورجع دور ولا لقاك أموت كل يوم من الخوف خوفي انهم يأكدون الخبر فقدت الأمل كل يوم أقول اليوم بيكلموني لقوه..يضربه على ظهره..وين اختفيت ولا قلت لي وين مكانك وين وعدك وينه..يكتم شهقاته ودموعه مستمرة..
سلمان:..ضحك..كل ذَا بقلبك علي شفني قدامك الحين طيب الحمدلله مافيني شي..بابتسامة..أوه عصبت على قاليريو وش يفكك منه الحين ترا هيبتك المصطنعة انفضحت قدام الكل وبعدين ترا فيه كاميرات مراقبة اذا ماوقفت..بخباثة..برسل الفيديو للجوهرة
مساعد:..تركه بسرعة ومسح دموعه وبثقل ماكأن شي صار..وش فيكم واقفين هينا وش تناظرون كل واحد على شغله..ناظر فارس..وين مكتب الأمن
