(((((الـــــفــــصـــل الـــرابـــــع عـــــشـــــر)))))
(بالمستشفى)
سلمان:..يجري بالمستشفى ويسأل عن مروان وفارس شاف فارس..
فارس:..شاف سلمان وبهاللحظة امتلت عيونه دموع ..
سلمان:..يمسكه وبخوف..انت طيب ..يلفه يتأكد ..فيك شي
فارس:..هينا خلاص مااستحمل نزلت دموعه رغم انه كان حابسها من وقت الحادث وشوفته لمروان وبصوت خانقته العبرة..مروان
سلمان:..يحس قلبه بيخرج من مكانه ونفسه يضيق رغم وسع المكان وبصوت يرجف ومبحوح..ايش فيه
فارس:..يبكي..بغرفة العلميات ومحتاج دم
سلمان:..يأخذ نفس ويشد على كتف فارس..لاتخاف هو بخير ماراح يصير له شي
الممرضة :..تسألهم ..لقيتوا متبرعين او لا
سلمان:انا فصيلة دمي bمثله
فارس:..عينه على سلمان..
(بعد العملية بساعات)
سلمان:..عينه على مروان ..
مروان:..نايم..
سلمان:..تنهد..الحمدلله ربي رحمكم..يناظر فارس..كيفك الحين
فارس:الحمدلله تمام مافيني شي كلها غرز وكدمات
سلمان:طول ماأنا كنت بالطريق جاي كل اللي همني أنكم تكونون بخير..تنهد..الحمدلله عدت على خير
فارس:..بخوف..وأبوي
سلمان:ماعليك ارتاح انت الحين وانا بتصرف..خرج من الغرفة ويتصل..ألو
أسامة:هلا والله بهالصوت
سلمان:..يضحك وباين في صوته التعب..
أسامة:ايش فيك لايكون
سلمان:..يقاطعه..لاتخاف أنا عند اخواني صاير لهم حادث
أسامة:..بقلق..كيفهم طيبين
سلمان:..يتنهد ويدخل يده في شعره..الحمدلله ربي لطف فيهم
أسامة:..بخوف..انت كيفك
سلمان:أنا..يبعثر شعره.. الحمدلله تمام بغيتك تبلغ أبوي
أسامة:لاتشيل هم انا ببلغه اعتمد عليّ
سلمان:مشكوريالله سلام
أسامة:انتبه على نفسك أجيك
سلمان:لا مايحتاج أنا بخير لاتشيل هم
أسامة :مع السلامة
سلمان:..قفل ورجع الغرفة ويتلفت بأخوانه النايمين جلس عالكرسي وحط يده على راْسه يحاول ينام
(يوم جديد)
سلمان:..مانام طول الليل متوتر..
مروان:..يفتح عيونه ..أنا وين
فارس:..صحى ونط من الكنبة..مروان انت طيب تسمعني
سلمان:..يمسك فارس ويجلسه وبصوت يرجف من التعب..هد أعصابك هو طيب قدامك مافيه شي
مروان:..تذكر اللي صار..الحمدلله انا بخير الحين لاتخاف بس شوية دوخة
سلمان:..يناظر فارس..ارتاح لاتقوم هو بخير قدامك اصبر عليه شوي لحد مايصحصح انا بروح اجيب لنا اكل..خرج من الغرفة يشوف ابوه جاي جهته..
سلمان:..وقف ويشد قبضته..فارس ومرو
أبو سلمان:..يمر من جنبه..ابعد عن طريقي..دخل الغرفة..
سلمان:.ابتسم ابتسامة فيها حزن وعيونه غرقت دموع تنهد ثم دخل وراه..
أبو سلمان:..بخوف..إنتوا بخير طيبين
سلمان:..يكافح عشان دموعه ماتنزل وبنفسه..ماابي هالخوف حتى بس ابي يسألني كيفك حتى لو مايقصدها..طيبين ماعليهم هذا هم الحمدلله مافيهم شي
ابو سلمان:..بنبرة غضب..انت تسكت اصلا وش جابك هينا ليه جاي
سلمان:..انصدم وبنفسه..يعني ماتوقعت هالشي ي دلاختك ي سلمان..بعيونه اللي فيها دموع ابتسم..عن اذنكم أقدر اتركم الحين قدامكم العافية..خرج..
بدا يحس بضيق تنفس..لا لا مو وقته الحين ..يتلفت..أسامة ماوصل..يستند ع الجدار ويمشي خطوة خطوة بدأ يعرق..وينك أسامة..دموعه كل مالها تزيد وبقهر وحرقه في صدره..أكره هالمرض هو اللي مخليني بذا الضعف أكره نفسي أنا وجه شين على كل اللي حولي..بدا يحس بخدر..
(بغرفة مروان)
فارس:..بعصبية..يبه هالرجال من أمس وهو معنا وقايم فينا لو غيره ماتحمل وعينه ماذاقت النوم امس كل شوي يشيك علينا وفوق ذَا هو اللي تبرع لمروان لو ماجا الله يعلم وش صار لمروان الحين
ابو سلمان:..بصوت عالي..ليه ماكلمت عيال عماتك ليه هالرجال بالذات
فارس:..ناظر ابوه..
ابو سلمان:..يتجاهل فارس وبعيون فيها حنان ويمسح على راس مروان..الحمدلله على سلامتك كيفك الحين
فارس:..تنهد وخرج .. سامي
سلمان:..سمع صوت فارس وبصوته اللي ماخرج بهمس..لا لاتقرب لاتجي..لمح أسامة نزلت دموعه المحبوسة وينادي أسامة بس صوته ماينسمع طاح من طوله..
(بيت أبو سلمان)
(في غرفة المكتب)
::البنات فتحوا الدرج وشافوا صور اما الجوال فهو برمز دخول::
::الصور صور لعايلة وصور لشخصين::
نور:أي واحد سلمان
فرات:امممم مدري
القنوع:..تتنهد.. بلا غباء لاحظوا..تأشر ع الصورة..شوفوا الولد الصغير اللي بهالصورة يشبه هذا..تأشر ع صورة سلمان..
نور:لحظة هالرجال ذَا مو ابوي
فرات:الا هذا هو وهاذي هي ام مروان قد شفت صورة لها عند مروان زمان
القنوع:يعني فهمتوا ايش اقصد
نور:..بصدمة..يعني
فرات:..ببلعة ريق..يعني اللي كنت أمشوره وأتفلحن عليه هو
القنوع:آيه سلمان
(بغرفة النوم)
ام فارس:..تتصل..هلا ياأم فيصل
ام فيصل:ياهلا والله حياك الله
ام فارس:..صوتها يرجف..اذا ماعليك امر بغيتك ترسلين لي سواقك
ام فيصل: والله السواق مو فيه بس فيصل موجود برسله لك
ام فارس: كثر الله خيرك بس ليته يعجّل عليّ شوي
ام فيصل:ان شاء الله حاضر ام فارس بكم شي صاير عليكم شي
ام فارس:لا أبد سلامتك..قفلت..
فرات:..بوجه احمر من البكا..ها أمي بيجي
ام فارس:..بقلق وعصبية..خواتك جاهزين فيصل جاي ماراح انتظر احد ولا اسمع وحدة منكم تسأل عن شي بالسيارة
(بالسيارة مع فيصل)
فيصل:كيفكم ياخالة
ام فارس :الحمدلله طيبين ياولدي كيف حالك انت
فيصل :الحمدلله تمام عسى ماشر ي خالة
ام فارس:لا أبد سلامتك بس نور تعبانة وفرات حلقها يوجعها شوي
فيصل:قدامكم العافية ان شاء الله ..وبنفسه..والله فيه شي صاير
