♡من كثـــــر كـــــرهي لطبــعـك حـــــبيتك♡

البـآرت.الخآمس والعشرون.tt 👇🍃

👇🍃
.
.
.
.
سميحه جالسه بغرفتها ولاهي جالسه حالتها حاله شافت احمد يوم نزل فزعت انه يسوي شي بانس وماخلت سميره تنام
سميره: سميحه يكفي بكرا ورانا مدرسه
سميحه: ونمي لش السبات
سميره: ماخليتي نحن ننام تدردرين كما الشاعر
سميحه جلست ع سرير سميره: طيب بقولش شي
سميره: هاتي بسرعه
سميحه قامت: لالالا خلاص بروح بكلم سماح
سميره: بتكلمين سماح بده الوقت
سميحه: وش فيها هم إلا ينامون الفجر ماوراهم شي مدارس
سميره تتغطى: والله بصرش خلي سليم يكسر لراسك انتي وسماح مره (بصرش=بكيفش)
.....
عمر ماجاه نوم وراح للمطبخ إلا شاف غرفة فريده الضوء لاصي فيها قام دق عليها
فريده: من
عمر فتح الباب: عادش صاحيه؟؟
فريده حطت الجوال من يدها: ايوه
عمر: تعالي بنسمر مره جبت فلم جديد
فريده: مابغيت شي افلام
عمر جلس في القاع: طيب بسمر عندش
فريده نزلت من سريرها وجلست بجنبه: طيب اقعد حيا بك
عمر: هاتي ايش كنتي تلقين
فريده: ع الواتس
عمر يغمزلها: تكلمين من هاه
فريده: نكلم خطيبتك
عمر: تكلمين مريومه
فريده: مريومة من دي هاه
عمر: مريم ذي ها
فريده: من ذي ها ههههه
عمر ارتبك: اوووه ذي بنت ذولي
فريده: ياخوي عادي قولي مريم بنت من اني إلا اختك
عمر: ذي ها جارتنا
فريده بصوتها كله: مريم بنت محمد
عمر موطي راسه: ايه
فريده: لعلك السقم من اول بتقول اهبل واحد وايش شفت فيها
عمر بفضول: ليه ماهي حلوه
فريده بغرور: يعني اني احلى منها
عمر قام: كلكن البنات كذا حتى لو وحده جميله بتقولين اني احلى منها هيا بس بلا هبل
فريده: ههههههه اوووه طيب تعال هنا خلاص حلووه حلوه ههههه
عمر رايح لغرفته: التوبه عادنا جلست عندش
فريده قامت قفلت باب غرفتها ورجعت لجوالها وهي تضحك على اخوها
ابراهيم: حبي فينك ، وين تروحي ، خلاص لاتكلمينا نا زعلت
فريده: هههه اسفه بيبي بس كان عمر اخوي عندي اضطريت احط الجوال
ابراهيم: لا عادي حبي بس كان قلتي برب
فريده: اسفه اصلا هو ربشني
ابراهيم: طيب خلاص فين كنا
فريده: ههههه ايوه عندك ايش سويت لمن دخل عليك ابوك وانت تكلمني
ابراهيم: هههههه ايه صح ايش نقولش وربي ارتبكت ويوم قفلت الخط بوجهش قالي من كنت تكلم قلتله سالم صاحبي قالي وليه قفلت الخط يوم جيت بتكمل قلتله لالالا هو قالي بروح وقفل هو
فريده: ههههه طلعت نفسك كما الشعره من العجينه
........
سميحه اتصلت على فريده
فريده: ايش معش
سميحه: عادش صاحيه
فريده: ايوه
سميحه: نزلي الحوش بكلمش بموضوع
فريده: دحين ياسميحه
سميحه: يلا وربش سرعي
فريده: طيب طيب > ونزلن الحوش
فريده: هاتي اسمعش
سميحه مرتبكه : بقولش حاجه بس خليها سر
فريده: ياربي هتي خارجيني اكيد سر
سميحه: انس قالي نحبش
فريده مسكت بيداتها: حلفي متى ووين وكيف قالش حكيلي كل شي
سميحه جلست وحكت لفريده كل إللي صار داك اليوم
فريده: يااااي شعور حلو صح انه يقولش نحبش وهو ماسكش
سميحه نقزت من بقعتها: ايش من حلاوه
فريده: طيب ليه مرتبكه وتفكرين بالموضوع لو مايهمش عادي ماشي بيتغير
سميحه: ليه اني شي تغير فيني
فريده: والله من داك اليوم وانتي مش طبيعيه وكلهم لاحظوا ده الشي
سميحه: اصلا اني خايفه حد يعرف من كدا مرتبكه بس وعاد دحين يوم عرف حمدخفت اكثر
فريده: سميحه تحبينه وإلا لا انتي
سميحه بكدب: لا مانحبه
فريده: ياربي ايش البنيه دي
سميحه: وش فيش
فريده: باين انه مش من قلبش الكلام وتحبينه واضح ده الشي
سميحه: لا وربي مانحبه وجع > وراحت من عند فريده
فريده تكلم نفسها: وانس ماحصلها إلا هي يحبها
....
احمد: يلا قوم
انس: لوين
احمد: خلاص بشلك معي مامني شي نجي بكرا مشوار عشانك
انس: هههه بس من دحين خاف ربك
احمد: ماشي كلام يلا
انس: مسلم امري لله طيب > وطلع غرفته شل ثيابه وحاجاته ونزل
انس: هيا مشي
احمد: ههههه ايش خدام عند ابوك انا
انس: ههههه افا من قال انت الحبيب
..........
سميحه تدردر في الغرفه وماجاها صبر واتصلت على احمد
احمد: هاه
سميحه: وينك
احمد: جاي في الطريق
سميحه: ووين رحت خوفتنا
احمد: ليه خوفتش
سميحه: انت بعد ماتجي الدار ماتخرج كما دا الوقت
احمد: عندي مشوار خلصته وجاي
سميحه: طيب
احمد: معسلامه > وسكر الخط
انس: امك
احمد: لا سميحه
انس: هاا
.....
احمد وانس وصلوا ع الدار لكن سميحه استنت حمد واجد وتعبت وراحت نامت احمد وانس بدلوا ثيابهم وناموا لين الصبح الصباح كلهم قاموا من النوم
ام احمد: سميحه روحي قيمي حمد ماشي جامعه عنده اليوم
سميحه: مادري باهله خلي سمر تروح تقومه
سميره: اني بروح
ماجد: لا جلسي انابروح بقومه قدنا بغيت الشميز الاسود حقه
مؤيد: توك لو شافك لابسه رحت فيها
سمر: ههههه ماجد يدور لنفسه العله
ماجد: مالكم دخل انا وخوي بنسد
سميره قامت وراحت غرفة حمد بتقيمه وماجد يخب وراها
ماجد: لحظه خليني نشل الشميز بعدين قيميه
سميره: لا مابغيت وربي
ماجد: سميره احسنلش عادنا بعطيش الف
سميره: شوي الف
ماجد: الفين
سميره: بتعطيني خمسه الف مابقمة الالمن تشلها
سمااح راحت عند سميحه وجلسن يتباكن مره
سميحه: خلاص ياسماح جدي مات الله يرحمه
سماح: الله يرحمه ويغفرله
سميحه تمسح دموعها: نحن المفروض نصير اقوى من كدا دحين لان ابوي مسكين محتاج يبكي ويرتاح وامي مش ناقصها شي سماح مسحت دموعها: ايوهه صح وراحن غسلن وجيهن وبدلن لبسهن وراحن دار عمهن
...............
المهم خلوا نحن من الحزن والعزاء وبعد اسبوع من موت الشيبه الله يرحمه ويغفرله
كان يوم الجمعه العصر سميحه جالسه بالحوش تذاكر . .
وانس خرج من الدار كان ناوي يروح عند صحابه وشاف سميحه جالسه في اخر الحوش وماسكه كتابها وتدردر . .
انس راح عندها انس: سميحه سميحه
التفتت وغطت نفسها: هلا
انس: بغيت بقولش حاجه بخصوص داك اليوم
سميحه: تفضل
انس: انسيه هداك اليوم وانسي اني قلتلش شي
سميحه: كيف .؟!
انس: ايوه انسي . .
هدا كان مجرد شيطان وسوس لي يومش لوحدش في الدار
سميحه: يعني يوم تكون بنت لوحدها لازم يكون فيه شي
انس: انتي تعرفين اذا اجتمعوا اثنين يكون الشيطان ثالثهم
سميحه مصدومه من كلامه: لا ياشيخ
انس: ع العموم انسي اصلا انتي مش من البنات إللي يعجبني
سميحه تنرفزت: الله يستر ع خلقه
انس: ايوه صح الله يستر عليش
سميحه فرقزت بعيونها فيه: وعليك يارب
انس: وش فيك فرقزتي ليش قلت شي غلط
سميحه: والله انت ادرى بصراحه قلت الولد تغير بس شكله ماشي فائده
انس: هههههه إللي لازم يتغير هو انتي > وشل نفسه وراح
وترك سميحه مكانها مصدومه وعقلها مشتت بايش يفكر ده الولد ولوين ناوي يوصل
.........
فريده نزلت الحوش بكتبها سميحه: ماشاء الله لوين
فريده: ورى الحوش باسمش
سميحه: اكيد
فريده: درسي درسي
سميره واقفه في غرفتها وتطالع من الطاقه شافت سميحه وفريده شلت كتبها ونزلت عندهن
سميحه: الله الله يانا الخير يانا
سميره: ههههههه محد احسن من حد
فريده: كلنا بندرس إلا قطعهن صوت
عمر يصيح: فرييييييده فريييييييده
سميحه: اب اب اب واش ذا حد مات عليه
سميره: هههههه غرم غرم خربوا الكاميراء باقي شوي وبيقطع ثيابه
سميحه وفريده ضحكن: ههههههههه
عمر جى عندهن : فريده وربي شفتها شفتها
سميحه: شفت من لك راعه
فريده: هههههه وشفتها بدون برقع
عمر: قلبي قلبي ياخوااااتي لحقن علي
سميره: مهو قلنا من إللي شفتها
عمر: مريم مريم شفتها
سميره: مريم جارتنا دي
فريده: اهه شفتي ماحصل إلا مريم
سميحه: ولايهمك اني بخليها تحبك والله وبدعمك في صفقتك دي هههههههه
عمر: واااا قلبي انا فدالش يا احلى بنت عم وراح
البنيات جلسن يضحكن عليه: ههههههههه
..............
بالليل العائلتين اجتمعوا بالحوش إلا عمر واحمد طلعوا برع هم وانس
سميحه قاعده تصب شاهي لابوها وسكبته
ام احمد: يابنيه سكبتي بالشاهي
سميحه م ردت على امها وقامت بتجيب خرقه
ابواحمد حس في بنت شي مهو متعودها ساكته وتعين لابوعمر
ابوعمر قام: سموحه بنتي تعالي تعالي
سميحه بهدوء: لحظه بجيب خرقه وبجي
ابوعمر: خليه فريده وإلا سميره وحده منهن بتقوم
سميره قامت: خلاص اني بجيبها
ابوعمر: تعالي تعالي سميحه جات عند عمها: هلآ
ابوعمر: مشي بنرؤح من عندهم معي لش سر
سميحه: يلا > وراحوا جلسوا بعيد منهم شوي
ابوعمر: ايوه ايش فيش؟
سميحه: دحين جبتني من هناك عشان كدا مافيني شي
ابوعمر: ايوه ايش فيش لاول مره تكونين هادئه
سميحه: يمكن حق موت جدي الله يرحمه
ابوعمر: الله يرحمه لكن اكيد مهو ده السبب لانش قدش من قبل مايموت وانتي على دي الحاله
سميحه: لا والله مافيني شي
ابوعمر: حد مضايقش بالمعهد
سميحه: لا
ابوعمر: حد مضايقش من الدار
سميحه: لا
ابوعمر: حد ضايقش في الشارع
سميحه: لا
ابوعمر: وكله لا لا طيب ايش إللي مغيرش يابنتي
سميحه: والله مافي شي ياعمي الزين تطمن > سميحه قامت ويوم قامت شافت احمد وعمر وانس داخلين رجعت جلست
ابوعمر: ايش فيش قمتي وجلستي
سميحه: العيال جايين
ابوعمر: بيومهم جايين
سميحه: معهم ولد اختك
ابوعمر: هاه انس
سميحه: ايووه
البنات كلهن طلعن الدار وخلن الرجال والحريم بالحوش
...............
عبروا اسبوعين وانس كل يوم ينرفز اعصاب سميحه بشكل جديد يوم يحسسها انه يحبها ويوم يحسسها انه ماشي اخس منهاوسميحه م معها إلا تتحمل بس يوم من الايام احمد تدخل بينهم وراح لعند اخته . .
احمد: سميحه لازم نكلمش
سميحه: ايش معك
احمد: بخصوص انس
سميحه: حمد ده الولد انت عطيته ثقه اكثر من إللي يستحقها وم قدرت تمسك اعصابها وفجاءه نزلت الكلام إللي بقلبها كله وهي تبكي كأنها كانت محتاجه حد تفضفض له
سميحه: انت عارف كم مره باليوم يتعبني انت عارف كثر ايش يجرحني بكلامه وفجاءه يجي يسوي حاجه تخليني احس انه محد احسن منه واقول ظلمت الولد بس يرجع لاستحقاره لي لين متى بيستمر على هدا الحال لين متى
احمد: اختي حبيبتي اهدي . . بس قوليلي انتي تحبينه لو تحبينه والله يا اختي مابيصير إللي بغيتيه انس بيكون لش سميحه يوم سمعت كلام اخوها سكتت فتره
وقالت : طيب دحين خرج بغيت بجلس لحالي احمد مابغى يضغط عليها وخرج من عندها وتركها