♡من كثـــــر كـــــرهي لطبــعـك حـــــبيتك♡

البـآرت.الثآمن والعشرون.tt 👇🍃

👇🍃
.
.
.
.
بعد ماخلص الزفاف والعرسان راحوا للفندق عند باب الفندق ماجد واقف عند احمد وعمر يودعهم
احمد: والله ياماجد ولقيتها فينا 
عمر: من بيوديك 
ماجد: انس وعلي
احمد: لو وصلت انتبه تتصل علي
ماجد: والله ماذحين بدق عليك انت
عمر: هههه مالي دخل
ماجد: والله مانخليلكم حالكم ياتيوس ماصدقتوا تتزوجون 
عمر: عاد انا محد كماي جبت إللي يهواها قلبي 
احمدطالع له باستحقار: وانا جبت إللي كتبها لي ربي
ماجد: كفك ياشيخ جبتها وطيرت بجبهته
احمد: هههههه
ماجد:.......
سميحه: مجود دي مشاعرها معوقه تعال لعندي تعال ماجد جى لعندها وكفها براسها
ماجد: بغيتي حضن 
سميحه: ااااح طيب بشوي ياكلب 
انس: وبعدين ياعيال بوحمد بتركبون وإلا بتقعدون بتلقون دراما مكانكم
ماجد: ههههه يلا يلا 
علي يسوق وانس بجنبه وماجد ورى عند البنات العيال وصلوا البنيات الدار وماجد طلع ودع اهله وشل شنطته ونزل انس وعلي وصلوه للمطار وجلسوا عنده لمن تحركت طيارته رجعوا للدار 
..........
باليوم الثاني ام عمر تكلم ابوعمر
ام عمر: امس حرمه كلمتني وقالت بغت بتخطب فريده لولدها 
ابوعمر: ايوه وايش نسبهم 
ام عمر: ونعم فيهم قبائل مع دخلت فريده عليهم
فريده::منهم إللي ونعم فيهم
ابوعمر: وخطبوش امس
فريده: من ؟؟؟
ام عمر: ال الفلاني
فريده القبيله مهي غريبه عليها دي قبيلة ابراهيم إلا اسم قبيلته دي 
ابوعمر: اوووووهوه بنتي قدها تخطط للعرس ايش من فستان بتلبس ههههه 
فريده: هاه اه لا  لالا
ام عمر:ايش فيك وطالعت ابوعمر
ام عمر: هاه ابش رائيك نتصل بهم نقولهم حياابكم
ابو عمر: ايوه ايوه 
فريده راحت تجري لغرفتها ولبست نقبتها وراحت لدار عمها ودخلت عند سميحه وسميره وهن كانو نايمات وقيمت سميحه من نومها فريده تهزها: سميحححححه سمييييييحه سمحووووه بوسمحححهه 
سميحه فاتحه عين ومغمضه عين: هاه 
فريده: ابراهيم
سميحه: ايش به
فريده: جى خطبني 
سميحه نقزت من مكانها ورمت بالشرشف وقعدت قاعده
سميحه: ايش تقولين انتي 
فريده: هههه والله دحين امي قالت ان حرمه شافتني بالعرس امس وقالت انها بغتني لولدها وقالت انهم ال ....
سميحه: لش راعه ويمكن مش هو يمكن إلا خلق ثانيين 
فريده: لا هم اني متاكده
سميحه رجعت لوضعها وتغطت بالشرشف: هاه طيب تمام قفلي الباب وراش
فريده قامت : راااعه ومن يحكيلش ياكلبه 
سميحه بكسل: لاتنسين قفلي الباب وراش 
فريده نزلت من غرفتهن وقفلت الباب وراها بقوه
.........
ابراهيم يوم عرف ان إللي بيخطبونها له فريده إللي كان يكلمها وعلى اساس يحبها رفض
ابراهيم: امي انا نقولش البنيه دي مابغيتها
ام ابراهيم: والله لقد وافقوا ماشي إلا هي
ابراهيم: بس امي انا مابغيتها 
ام ابراهيم: ليه مابغيتها ايش بها
ابراهيم: بس مابغيتها 
وهم يتخاصمون بالموضوع ده دقت ام عمر عليهم ام ابراهيم راحت ترد ع التلفون
ام ابراهيم: المهم هدا كلامي اني لقد وافقوا الخلق ماشي إلا هي ورفعت السماعه: الوو 
ام عمر: السلام عليكم 
ام ابراهيم: وعليكم السلام 
ام عمر: هدا بيت ال..... 
ام ابراهيم: ايوه من معي ام عمر
ام عمر: ايوه معش ام عمر 
ام ابراهيم: ياحيا وسهلا كيفكم وايش انتم وكيف العيال وال الدار وكيفكم بعد العرس
ام عمر: الحمدلله ماشاء الله علينا بعد العرس ههههه انتم كيفكم وايش اخباركم ا
م ابراهيم: الحمدلله الحمدلله 
ام عمر: سمعي اني كلمت بوعمر وقال يجون ياحيابهم وقاال يتشرف بمناسبتكم 
ام ابراهيم طالعت لولدها:اوه خلاص واني بكلم بوابراهيم وبنجيكم قريب ان شاء الله 
ام عمر: ياحيابكم في اي وقت > وقفلن الخط 
ابراهيم: امي
ام ابراهيم: ماشي ولاكلمه اني حبيت البنيه وعجبتني وحبيت اهلها وماشي إلا هي لك
ابراهيم شاف انه ماشي امل من الكلام مع امه وشل نفسه ونزل 
............. 
فريده: إلا امي من اسمه ولدها
ام عمر: ولد من 
فريده: الحرمه إللي كلمتيني عليها
ام عمر: هاه اسمه ابراهيم 
فريده فرحت وحست بالنصر وقالت في قلبها
: شفت ياابراهيم مهما درت ولفيت مالك غيري يعني مردك لي اني
.............
. انس: طيب ايش رائك المغرب تنزلين الحوش وانا بشوفك
سميحه: لالالالا خل الغرام حقك
انس: حرام عليش والله قدش امس تلبستي وتكشختي ولاشفتش
سميحه: وراك زوجي عشان تشوفني
انس بصوت زعلان: طيب 
سميحه: انس منصدقك تتكلم 
انس بصوت زعلان: ايه منصدق لكن انتي مابغيتي خلاص عادي
سميحه: بس المغرب بيكونون عادهم كلهم صاحيين
انس: طيب بالليل بعد ماينامون
سميحه بتردد: امممم ان شاء الله
انس: حبي مابغيت اغصبش انا 
سميحه: لا منتا غاصبني
انس: متاكده 
سميحه ضحكت ضحكه خفيفه: هههه ايوه
انس: يالبى الضحكه دي ياناس 
سميحه: هههه يلا دحين بقفل
انس: طيب احبك
سميحه: حتى انا > وقفلت الخط بسرعه
انس يطالع للجوال : هدا الشي إللي اكرهه فيش يلا بنشوفك اليوم بننعش قلبنا وبنكحل عيوننا بش 
............... 
فريده جات لعند سميحه: شفتي والله طلع هو
سميحه: ايش عرفش
فريده: امي قالت اسمه ابراهيم 
سميحه: حلفي 
فريده: وربي
سميحه: يعني يحبش وقال لامه تخطبش
فريده: لا ياهبله واضح انه صدفه
سميحه: هههههه صدفه ويا محلى الصدف
فريده: إلا هتي انتي ايش وقع معش انتي وانس
سميحه وطت راسها: ماشي كل يوم نتخاصم ونسد هههه 
فريده: ههههه ياحليلكم وقطع كلامهن صوت علي يدعي على سميحه
علي: بوسمححححه بووووسمحههه 
فريده: علي يدعيش قمي 
سميحه قامت ولبست نقبتهت وراحت قدى علي: هاه
علي: سميحه وين سميره 
سميحه: ايش بغيت بها 
علي: خلاص بقولها
سميحه: الله الله وليه الاستعجال 
علي: طيب متتتتتى 
سميحه:ههههه والله وعيال عمي طلع صبرهم قليل 
علي: يلا كنش ساعديني 
سميحه: هههه شفها في ذيك الغرفه تدرس روح لها > وغمزتله 
علي : طيب وراح ودق الباب 
سميره: من
علي: انا انا علي 
سميره لبست نقبتها: هاه دخل
علي دخل: ايش تلقين 
سميره: ندرس ايش بغيت 
علي طلع جواله: لا لا مابغيت شي الا بغيت النت وسميحه قالت هنا الشبكه قويه
سميره: ونتكم ايش به خلصتوه 
علي: ايه اسامه خلصه كل يوم يدخل لععبه 
سميره تمسك كتبها: والله شكله محد خلصه إلا انت كل يوم يوتيوب 
علي: طيب طيب كدا تقولين علي وانا نحبش
سميره ماانتبهت للكلمه الاخيره: ههههههه ايش تهدد قال وانا نحبش وسكت ساكته وطالعت له وهي مفهيه بعيونها 
علي موطي راسه: لا تطالعين فيا كذا
سميره: انت ايش قلت طيب خلاص بعتبر نفسي ماسمعت شي 
علي تنرفز: ليه ليه تعتبرين نفسك ماسمعتي شي 
سميره طالعته باستغراب: لانك ماكنت قاصد تقول كذا اكيد
علي: لا قاصد ومليون قاصد وبرجع بقولها لش احببببش 
سميره: علي نحن تربينا مره وانت زي اخوي
علي: بس انا مو اخوش 
سميره مستغربه فيه ولاطلعت حرف واحد 
علي: سميره والله عارف انش تعتبريني كما اخوش بس ايش نلقي وقاعد ياشر لصدره : بس هدا قلبي حبش ايش اسوي
سميره: علي اكيد مزحه صح 
علي : واقسم بايات ربي اني مانمزح وجعلي الموت لو بضحك عليش بموضوع كما ذا
سميره: بس.... 
علي ماخلاها تكمل وقطعها: سميره والله انا نفسي معاد حسيت إلا قدنا نقول لسميحه اني نحبش وإلا ماكنت مخطط لشي وربي 
سميره: سميحه تعرف 
علي: ايوه تعرف
سميره شلت نفسها وراحت لعند سميحه ودخلت عليها وهي جالسه تهدر مع فريده اما علي قعد مكانه مهو عارف إللي سواه صح وإلا غلط وهل سميره بتحبه كما يوم يحبها بس باين عليها رافضه انه يكون بينها علاقه هي وعلي سميره معصبه مره ومتحوشه من اختها: تعالي انتي ايش قالش علي
سميحه تضحك: ههههه إللي قالش اياه دحين
سميره: سميحه بلا هباله لاتضحكين كيف تأيدينه وانتي عارفتني 
سميحه: عارفتش بإيش عارفتش انش تكلمين واحد ع الفيس ويضحك عليش بكلمتين وانتي مصدقته ياحلوه محد بيسترش غير ولد عمش سميره: مهو كذا بس اني مانفكر في علي ويكون بعلمش اصيل يحبني منجد وكلم اهله علي واخته كلمتني 
سميحه تضحك باستهتار: ههههااااي سميره متى بتفوقين من إللي انتي فيه لو من صدق يحبش وبغاش كما يوم تقولين وكلم اهله عليش كان قد جاوخطبوش وبعدين تعالي هنا وايش درانا ان إللي كلمتش اخته منجد
سميره: اووف سميحه دي حياتي ومالش دخل فيها 
سميحه عصبت وقامت ومسكت سميره من كتافها: سمعي اني اختش واكبر منش واعرف مصلحتش وين عشان كذا انتي مجبوره تسمعين كلامي 
سميره فكت يدات سميحه منها ونزلت من الغرفه ووجهها مايتفسر
فريده : لحظه لحظه سميره تحب واحد من الفيس اسمه اصيل وعلي اخوي يحبها 
سميحه جلست: ايوه 
فريده: طيب ليه محد قالي ان ست الحسن تحب وليه محد قالي ان اخوي يحب بنت عمه 
سميحه حاطه يداتها ع راسها: فرود بالله مهو ذحين التحقيق بعدين بحكيلش كل شي 
فريده سكتت واكتفت انها تهز راسها بمعنى طيب وقامت نزلت من الغرقه وخلت سميحه لوحدها
...........
احمد: هاه ايش قلتي بغيتي دارش اليوم وإلا بكرا
بثينه بدلع: إللي تشوفه انت 
احمد مبتسم ومدوخ على شكلها طبعا هي حلوه مره :من ذحين انا كلي تحت امرش قلي يمين بروح يمين قلي يسار بروح يسار 
بثينه تضحك بدلع: هههه 
احمد: ياقلبي ارووووح فدوه للضحكه ذي انا 
بثينه: ذحين ايش قلت نروح اليوم وإلا بكرا 
احمد: ايش رائك اليوم نروح بتشوفين دارنا وغرفتش واهلي بتحبينهم والله 
بثينه ووجها مبين عليه الزعل عادها بغت بتجلس في الفندق هي وياه لحالهم: طيب 
احمد فهم ملامح وجهها بس طنشها وقام دخل الحمام
بثينه: حموودي الحين بنروح وإلا بالليل
احمد: لا دحين
بثينه بصوت واطي: اوووف حتى ماقال بنتمشئ 
احمد وبثينه نزلوا وعبروا لعمر ومريم
احمد: هاه عمر نحن بنروح الدار وانتم 
عمر: نحن المغرب بنروح روحو انت
احمد: جابوا سيارتك 
عمر: لا بعدين بدق على علي يجيبها 
احمد: تمام > ونزلوا طبعا بثينه حاسبته ساني بيروحون للدار واحمد كان ناوي يروحون يتمشون بالاول ويتعشون في مطعم وبعدين بيروحون الدار 
بالليل ~
انس جالس بالغرفه ومستني سميحه ترن له عشان بيشوفها بالحوش اما سميحه جالسه بجنب سميره وتفهمها انها بغت مصلحتها وسميره رافضه تفهم حاطه براسها ان اصيل يحبها وبغاها وهي ماتحب علي ولابغته
سميره : الله يخليش يااختي دي حياتي واني حر فيها انتي يوم حبيتي انس ووافقتي عليه اني منعتش لا لان هذي حياتش
سميحه: ياربي عادنا انس وانس سميره انس ولد عمتي واكيد مابيضرني وانتي فكري فيها بالله على قولش اصيل يحبش وعلي كمان يحبش شفي من إللي بيصونش وبيستر عليش ولا بيضرش سموره حياتي انتي لازم تختارين بعقلش قبل كل شي 
سميره: طيب انتي ايش رائيش اصيل يحبني واني نحبه وعلي يحبني بس اني مانحبه مع من بكون مرتاحه بالله 
سميحه شافت انه اختها مستحيل تستمع لها دحين واكتفت بكلمة طيب
بس مع انه في شي كبير يدور براسها قامت من عند سميره وقالتله
ا: يلا انتي نامي دحين شفي ابوي قال بكرا لازم تروحون
سميره تمددت ع سريرها وتغطت بالشرشف ماشي خمس دقائق إلا قدها نايمه
سميحه مسكت جوالها وسوت رنه لانس عشان ينزل الحوش قبلها
.