♡من كثـــــر كـــــرهي لطبــعـك حـــــبيتك♡

البـآرت.الوآحد والثلآثون.tt 👇🍃

👇🍃
.
.
.
.
باليوم الثاني ومن صباح الله خير ابوحمد راح لسميحه وكلمها بموضوع خطبتها من انس 
سميحه وهي موطي راسها: ابوي اني عادني صغيره مابغيت شي عرس 
بوحمد: عمتش قالت متى مابغت سميحه نحن جاهزين وماله داعي التسرع يابنتي والله انس بيصونش وبيستر عليش وهو اولى سميحه تعينت لابوها وعيونها مليانه ترجي تقول في نفسها ماتعرفه انت يابوي ماتعرف غيرته ماتعرف جنونه ماتعرف معاملته لي وماتعرف بايش يفكر بزواجنا 
بو حمد: ولو بغيتي راحتي وافقي انا بكون مرتاح لو زوجتش انس ومتت 
سميحه: الله يطول بعمرك 
بو حمد حط يده ع راسها: هاه ايش قلتي يابنتي 
سميحه وطت راسها ومستحيه من ابوها: طيب موافقه
بو حمد: ع بركة الله وقرب منها وباسها ع راسها
: الله يسعدش 
سميحه وعيونها متحجره دموع: امين 
بو حمد قام ونزل من عنندها 
عند علي بالحوش مستني سميره تنزل الحوش بغى بيفهم ليش رافضته بس سميره مانزلت علي يفكر: كنها مابغت تنزل اليوم وطلع جواله واتصل ع سميحه
سميحه شافته رقم علي ردت: خير
علي: وينش
سميحه: في غرفتي ليه 
علي: وسميره وين 
سميحه تعينت لسرير سميره وشافتها محد: يمكن بالحمام 
علي: طيب نزلي الحوش بغيتش
سميحه بحوش وبقهر: علي انا سويت إللي علي وانت كمل دحين لا تزود علي إللي فيني مكفيني وربي
علي: طيب طيب كنش عصبتي 
سميحه قفلت الخط ورمت بالجوال ع طول يدها وتغطت ونامت 
العصر بوحمد قالهم ان سميحه موافقه تتزوج انس والله يتمم على خير للجميع انس فرححان من داخله بس مازال شاكك فيها وقال بنفسه وهو مبتسم: اسف سميحه بس نامضطر اذوقش العذاب إللي ذوقتيني اياه ياخاينهه وانتي إللي اجبرتيني على هدا التصرف ..
بعد المغرب علي اتخد قراره وراح لسميره وهي جالسه بغرفتها تراسل اصيل بالواتس . علي فتح الباب عليها بقوه ودخل
..............
سميره قامت ولبست نقبتها: الناس يدقون قبل يدخلون
علي بعصبيه وانانيه: اسمعي انتي لييي وانا نحبش وبغيتش 
سميره بغير مبالاه جلست ع السرير ومركزه ع الجوال : لو نزلت قفل الباب وراك 
علي تحوووش وشل الجوال منها ونزل وسميره تجري وراه خافت يشوف محادثة اصيل ورقمه
سميره: علي رجع جوالي احسنلك 
علي يمشي وساكت وفجاءه جات رساله من الواتس لسميره علي بس شاف مضمون الرساله( حبيبيتي سموره فين رحتي وخليتي اصيل حبيبش لوحده) علي وقف مكانه ورجع تمعن بالرساله تمام سميره شافته ماسك جواله وفاتح الواتس عرفت انه شاف وجات تجري لعنده وسحبت الجوال منه 
علي بصدمه: من ذا اصيل ومن وين تعرفينه 
سميره تحاول تكذب: اصيل من 
علي مسك الجوال وهو بيدها: إللي تكلمينه بالواتس الزفت 
سميره : علي ارجوك لا تقول لحد بس اني نحبه وهو يحبني 
علي تحوش: هببببله م يحبش يضحك عليش رسلتيله شي صوره لش
سميره: لا وربي لا والله مارسلتله شي
علي بتطمن: الحمدلله وتعين لها وقال: مالش مفر مني حتى لو تكلمين عشره انتي لي لي
............
. بالليل علي دعى على سمر ووصاها تجيب جوال سميره 
سمر: علي بتخاصمني
علي: وانتي هبله نقولش سرقيه لاتخلينها تشوفش
سمر: يابووووي منك بغيتها تهدني (تهدني=تضربني)
علي: اتحدى امها لو هدتش انا بهدها 
سمر: مابتخليها تلمسني 
علي: مابخليها تلمسش 
وسمر راحت لغرفة سميره وشافت الجوال ع السرير وسميره محد بالغرفه شلت الجوال وراحت تجري لدار عمها ودخلت غرفة علي وقفلت 
علي: هاه جبتيه 
سمر تتناهس ومدت له الجوال : يلا بسرعه بسرعه شل إللي بغيته وبرجعه مكانه 
علي فتح الجوال وجالس يفتش بالارقام يدور ع رقم اصيل بس مهو عارف بايش مسجلته رجع فتح الواتس وشاف اخر محادثه منه شل الرقم بسرعه وعطى سمر الجوال
علي: هاه كنش لاتقولين لحد
سمر: هت إللي بغيته ومابقول لحد 
علي يدفها: خلاص تمام تمام
سمر راحت وعلي طلع جواله ودق على اصيل
اصيل: نعم
علي: انت اصيل 
اصيل: بشحمه ولحمه
علي: ياخي سمعت انك تعرف بنات كثير
اصيل: طيب وبعدين 
علي مسوي نفسه: انا مانعرف نتعامل مع البنات وواحد عطاني رقمك وقالي انت بتعلمنا
اصيل: هههه حيابك شف انا حاليا نكلم خمس بنات وكلهن متيمات فيا 
علي: عطنا رقم وحده منهن
اصيل: بعطيك بعطيك بس لازم اول شي نعلمك كيف تتكلم معهن 
علي: هت الرقم بالاول
اصيل: معي وحده مره غشيمه تصدق ومصدقه اني بتزوجها هههه انت كم عمرك
علي: انا 20
اصيل: وهي 18 مناسبه لك والله اصلا الباقيات كبار عليك
علي: طيب هات الرقم 
اصيل: سجل عندك ....73 وعطاها رقم سميره علي قفل الخط بوجهه وطبعا علي مادق عليه عشان ده الكلام وبس سجل كل المحادثه بينهم
...........
. علي ابتسم وراح لعند سميره مع اثبات ان اصيل مايحبها ويلعب عليها 
سميره: كنك علي
علي مد لها جواله : مسكي اسمعي 
سميره باستغراب : نسمع ايش
علي فتح التسجيل وخلى سميره تسمع وسميره سمعت التسجيل ونزلت دمعتها من غير ماتحس وبكت عند علي علي ماتحمل يشوف دمعتها ومسك بيدها: سميره والله انا نحبش خلاص ايش بغيتي به مايحبش تركيه انهي إللي بينش وبينه وانا والله والله بنسيش اياه 
سميره وهي تبكي: علي والله صدقته وحبيته ماتوقعته من العيال الصايعين 
علي بحنيه: والله عارف ياسميره عارف ويمسح دموعها : مسحي دموعش شفيهن اهم من الكون عندي 
سميره تعينت ل علي وشافت الحب في عيونه وقزت نفسها: تحبني واجد انت
علي: والله ابيع الكون عشانش 
سميره قامت: بس اني 
علي ماخلاها تكمل: وعد بخليش تحبيني بس مسحي دموعش والله مايستاهل دمعه منهن سميره مسحت دموعها وراحت للحمام تغسل وجهها وعلي نزل من غرفتها وهو عنده امممل ان سميره تحبه وحط وعد ع نفسه انه ينسيها الاصيل الزفت ده .. 
............
بعد يومين صارت خطبه انس وسميحه ودفعوا المهر ولبسوا الدبل وانس طلب من خاله بو حمد انهم يستعجلون بالعرس وحددوا العرس باخر الشهر هدا يعني بعد اسبوعين
بثينه: كيف بتجهزين نفسش باسبوعين 
سميحه تتكلم بلانفس: اصلا اني ماشي ناقصني الحمدلله كله معي
بثينه: طيب لازم بغيتي حاجات جديده 
مريم: صح بغالش ثياب جديده وحق متزوجات مش ثيابش دي حق بنات
سميره: قمي بنروح السوق اليوم واشتري 
سميحه: مابغيت شي هدا إللي معي يكفي 
بثينه: وبتشلين الارواب والبجايم 
سميحه تعينت لها وقامت: ايش فيها
مريم ضحكت: ههههه كدا مابيعبرش ولابيطالعش حتئ
بثينه: ههههههه وانتي الصادقه بيعطيها ورقة طلاقها من اول اسبوع
سميحه وهي تمشي: وهذا إللي اني بغيته وراحت غرفتها وشافت جوالها طلع عندها اربع مكالمات فائته من صفاء
..............
سميحه: اووووه اربع مرات خير ان شاء الله ورجعت اتصلت عليها 
صفاء: وينش من اول ندق عليش ماتردين 
سميحه: كنت في الصاله والجوال بالغرفه خير
صفاء: اها لا ماشي بس بغيت بقولش اني رسلت شغله لش مع محمد خوي خلي حد من خوانش يستناه عند السده ويشل الحاجه منه سميحه: ايه الحاجه دي
صفاء: هههه مفاجاءه 
سميحه: هههه طيب واخوش قد مشئ 
صفاء: اووههووه قده بيوصل يمكن 
سميحه طالعن من الطاقه وشافت سيارة محمد تحت دارهم: ايوه وصل شفيه لحظه بخلي حد يفتح له وبرحع بتصل عليش 
صفاء : تمام 
سميحه نزلت دورت لسمر ومؤيد ماحصلتهم ومحمد تعب وهو مستني حد ينزل محد نزل قام دق السده سميحه سمعت السده عدلت نقبتها وتلثمت وراحت بتفتح
سميحه: مممن 
محمد من ورى السده: انا اخو صفاء صاحبت سميحه معي حاجه لها من اختي 
سميحه: هاه هاه وفتحت السده ومدت يدها ومحمد عطاها الكيس > انس كان جاي من برع وشاف المنظر ده وماتمالك نفسه وراح بسرعه لعند محمد ومسكه بفانيلتهانس: اييييشش تتتسسسوووي هههننناااا ييااا مممملللعععووووننن محمد مستغرب من ده الولد إللي تهجم عليه
محمد: هيييههه فكككككليي احححسسنننلللكك ممممننن ااانننتتت
انس: ااايييشش مممعععككك ععنننددد دااارنننااا 
محمد عرف انه حد من اهل الدار وفهم انه فهم غلط
محمد: عفوا انت فهمت غلط انا اخو صاحبت اختك واختي وصتنا نعطيها حاجه
انس عطاه بوكس: هههااااهه صصصدددقققتتتكككمم ومسكك الولد هده وماخلى محمد يتكلم وبعدين دفه من عنده 
انس: اااانننقققلللعع سميحه شافت انس ايش لقى بمحمد وعرفت انه جاي عندها الدور وانه بيرتكب فيها جريمه بس قوت نفسها انس دخل للحوش واعصابه طالعه على سميحه وهو داخل متمني انه مايحصلها بالحوش لانه عارف نفسه مابيمسك اعصابه وبيهد فيها دخل إلا حصلها واقفه بالحوش
انس: ليه جالسه هنا مستنيه موتش
سميحه بفزع: انس خلنا نتفاهم 
انس قرب منها وسحب نقبتها ومسكها من شعرها: انتي قلتي انش تحبيني وإلا لا 
سميحه تبكي من الوجع: اااييي اننسس فففكنييي تتتاااادددييينننيييي 
انس فاص ع ضروسه: قلتي تحبيني وإلا لا 
سميحه تبكي بقوووهه
انس: جاوبيني 
سميحه وهي تبكي: ايوه قلت نحبك ومازلت نحبك بس اكره طبعكك اكككررررهههككك 
انس رجع سحبها من شعرها: ددددااامممشش تحبيني ليهه تخونيني ياكلبهه
سميحه: اااهههييي ماخنتك والله ماخنتك انت مابغيت تسمعني
انس: لا بغيتيني نسمع كذبش وإللي شفتهه نا ايش
سميحهه: والله انك فاهم غلط والله العظيم 
انس دفها باستحقار: انننقلعي من قدامي سميحه وطت شلت نقبتها من القاع وراحت لغرفتها
..............
. بالليل سميحه نزلت من الحمام إلا وجوالها يدق شافته صفاء ردت
سميحه: هلا صفصف
صفاء: اهلين كيفش
سميحه: بخير وانتي 
صفاء: اسفه والله اهلش شكوا يوم شافوا محمد 
سميحه: هاه لا لا
صفاء: كيف لا لا وخوش هد محمد خوي 
سميحه: مش اخوي إللي هده 
صفاء: طيب من
سميحه: خطيبي 
صفاء: وانتي مخطوبه من متى
سميحه ضحكت بخفيف: هههه من اسبوعين
صفاء: ووالله مبرؤؤؤؤكك 
سميحه: الله يبارك فيش عقبالش
صفاء: امين ومتى العرس 
سميحه: اخخر الشهر
صفاء قفلت الخط من سميحه ومحمدمستنيها تقفل 
محمد: هاه عمل لها شئ
صفاء: مهو خوها ذاك قالت 
محمد: إلا من
صفاء: خطيبها
محمد: مخطوبه هي 
صفاء: عادها إلا انخطبت قبل اسبوعين وعرسها باخر الشهر 
عبروا اسبوعين وصار يوم عقد انس وسميحه العقد بعد صلاة العصر وكلهم يجهزون سميحه عندها المحنيه تحنيلها والحريم برقصن وفالاتها عندها بالغرفه والرجال بالمسجد صلوا وعقدوا وبعد العقد كل إللي في المسجد قاموا يباركون لانس وانس يرد المباركه لهم إلا محمد اخو صفاء قدم من انس ويباركك له انس استغربه كيف انا شليت حبيبته ويبارك لي 
محمد يسلم عليه: مبرووكك ياشيخ
انس بصدمه: الله يبارك فيك عقبالك
محمد فهم على انس: امين وقرب منه وبرز له بعد ماتخلص بغيتك بموضوع 
انس تحوش: ايش معك 
محمد بصوت واطي: يخص سميحه
.....................
انس هنا معاد قدر يتحمل ومسك محمد من معصمه ونزل به برع المسجد وبعيد من الناس ووقفه قدامه
انس: ايش بها سميحه ايوه انا نحبها وشليتها عليك حتى لو هي تحبك وبغتك وتموت فيك وانت بغيتها احلمممووواا تحلم اني بخليهاا لك والله تحلم 
محمد ببرود: خلصت
انس تعين له بنظرة استحقار وكره وغيره
محمد: اولا سميحه ماتحبنا ولا انا نحبها وبعدين هي بس صاحبت اختي واختي اسمها صفاء وذاك اليوم صفاء وصتنا بحاجه قالت لي حق سميحه روح واي احد يفتح لك عطه الكيس ونا ماكنت عارف انها هي سميحه نفسها إللي فتحت لي يوم قالت من قلت انا محمد اخو صفاء معي حاجه من اختي لسميحه قامت هي فتحت السده ومدت يدها وعطيتها اياه وبسسس 
انس ضحك: ههههه هدا تبرير ليوم واليوم إللي جبتها بالسياره لين تحت الدار 
محمد: ذاك اليوم هي جات عند اختي وشكله محد جالها جت اختي لعندي وقالت لي وصلها قلتلها وخوها إللي جابها قالت تدق على خوانها كلهم جوالاتهم مغلقه 
انس: بس بس بغيتوني نصدقكم
محمد: والله انت مدري ايش نقؤلك انت تحبها بس شكك هدا بينهي إللي بينكم حتى لو تزوجتوا مابتستمر علاقتكم حتى شهر انس تذكر كلام سميحه وتذكر رده عليها وزعل ع نفسه وعلى وضع سميحه من بعد شكه وغيرته محمد حط يده ع كتف 
انس: تفاهم معها قبل تظلمها > وراح من عنده وخلى انس في حيره و ندم وتفكير طووويل
........ . . 
ثاني يوم ليلة الدخله #الزفاف"
سميحه راحت للكوافير وخلتها #اميرهه فستانها رهيب ومكياجها جميل وتسريحتها انيقه سماح تبوسها وتدمع: ماشاء الله على اختي طالعه تجنن 
سميره: بس بس مابغينا شي دموووعع 
فرح: سموحه والله انتي احلى عروس شفتها بحياتي 
فرح ترشخ لها بالخفيف: كلبه وحده طلعتي احلى مني
سميحه ابتسمت ابتسامه كلها خوف بس تجامل خواتها 
الجده دخلت عليهن: ماشاء الله ماشاء الله حصنتنها 
فرح: لا محد حصنها 
سميره راحت لعند جدتها ومسكت بيدها: تعالي انتي حصنيها الجده : بعد ماخلصت تحصنها
سميحه باست ع راسها ويدها وبكت: الله لايحرمني منكم فريده: اش اش لاتبكين
سميحه حظنت سماح: مابغيت نتزوج مابغيت انس لا تزوجوني 
سميره ترشخ لها من ورى: هبلهه هبببله عادش إلا بترتاحين يوم تزوجتي 
سميحه: مابغييتتت خخلاااصص رجعووونني دار ابووي
الجده: بغيتي انس ايه يقول علينا مادحين بذمته لوقالش روحي قفى اهلش روحي
كلهن ضحكن: ههههههه جات ام انس وام حمد
ام حمد: يلا يابنات نزلن انس بيدخل البنات كلهن نزلن وخلن سميحه والجده وام حمد وام انس بالغرفه
.
.
.
.
.

👈 يتبع ..🍃