من أكون؟..من الماضي..

البارت الاول..

مؤيد..واخيرا صرنا مرحلة رابعة وراح تخلص الكلية...
محمد...هههه هيج مضوجتك الكلية؟..
مؤيد/يا اخي تعبنا 3 سنين بس ندرس حتى ما الحك اكبل اصجم...بس دراسة..اريد اشوف حياتي..
محمد...منو مانعك ما تشوف حياتك..
مؤيد... قررت هاي السنة اطيح بالحب..
محمد...تطيح بالحب؟...هههه دير بالك لا تتطين من الحب..
مؤيد...محمد كافي تضحك علية والله اريد احب بنية وتحبني بالمقابل..
محمد...قصدك تريد بنية تقطك يا زوج..
مؤيد..اني راضي انقط بس كون بنية تقطني.....انت حالتك مستعصية ما يفيدها لا حجي ولا علاج..
مؤيد...اگلك صدگ انت ابن الشيخ معقولة لسا ما متزوج..
محمد...ابوي ما يرضى يتزوج احد اذا ما يعتمد على نفسه..
مؤيد...شنو فلوسكم قليلة خلي يزوجك ويخلص منك..
محمد...ولك شنو شايفني علة على اهلي...
مؤيد...لو اني مكانك اظل الح على الزواج حتى يزوجوني..
محمد...لا ولك اني ما مهتم بالزواج كلش...اكمل كلية والله كريم..
مؤيد...الله كريم...خلينا نروح نشوف المرحلة الاولى اليوم يداومون...
محمد...ما تخليهم بحالهم...باقين بس تصنفون عليهم..
مؤيد... اني ما اصنف عليهم...بس اباوع للبنات يمكن وحدة تعجبني...
محمد...حتى لو عجبتك ما راح تكدر تسوي شي...شغلتك دومها فگر...
مؤيد...اي والله وعن تجربة...اگلك خلي نروح وبس نباوع...
محمد...يلا نروح بس لا تذب ولا كلمة عليهم..
مؤيد...اي بس دير بالك البنيةةةةة...محمد يمشي ويحجي وياي دار وجهة الي وما انتبه للبنية اصدم بيها...
محمد...هاااا العفو العف.....شنو هالعيون سبحان الخالق...
رقية...ها منى تعورتي او تأذيتي...
منى...لا لا ماكو شي...جاي امشي ومدنگة راسي اول يوم بالدوام ومستحية اكو ولد هواي بالكلية...ما احس الا شخص صدمني...تعذر مني...ومن رفعت راسي گال شنو هالعيون سبحان الخالق...اني خجلت وبس اريد امشي من المكان حتى وجه الولد ما انتبهت عدل اله بس هو حلو بشكل عام...

محمد...ولك مؤيد شنو صار؟..
مؤيد...شنو صار انت صدمت البنية خطية..
محمد...لا ولك گلبي ما ادري شبيه..
مؤيد...محمد اخذك للمصحة مال المجانين...انت شنو تهذي؟..
محمد...ولك اظن صخنت بعد ما اعرف شنو اريد..
مؤيد...هااا فهمت...قبل شوية تضحك علية...
محمد...اتركنا ولك من حجيك...شسمها البنية؟..
مؤيد...سمعت صاحبتها تگولها منى..
محمد...اريد اعرف كلشي عن هاي المنى..
مؤيد...تخبلت رسمي ولك...شنو تريد تعرف كلشي...انت حبيتها بس شفتها..
محمد...ولك انت ما شفت عيونها...ولا شفت خجلها..
مؤيد...كل البنات تخجل اذا كلتلها سبحان الخالق...اني اخجل واستحي اذا گلتلي هيج..
محمد...قبل شوية مو گلتلك ما اتزوج...
مؤيد...اي گلت..
محمد...هسة غيرت رأيي......ولو تأخرت اعرفكم عن نفسي...اني محمد عامر...ابن شيوخ وابوي الشيخ...عمري 22 سنة..عندي اخوة واخوات اصغر مني...اني الجبير بالاولاد طبعا عائلتنا 4 ولد و4 بنات وامي وابوي...دخلت كلية تربية وحاليا مرحلة رابعة...اليوم اول مرة احب بحياتي حبيت بنية ما اعرف عنها شي بس اسمها...ظليت اسبوع اتابعها واشوف هي من اي كلية او مرحلة...طلعت طالبة مرحلة أولى عدنا...بديت اعدل نفسي ولبسي بس علمود اجذب نظرها...اني مو النوع اللي يتباها بفلوسه رغم حالتنا المادية كلش زينة...دزيت بنات عليها يعرفلي شي عنها بس هي نوعا ما متحفظة وما تختلط هواي ويا الناس...وكل ما اعرف عنها واشوف طبعها وتصرفاتها اكثر...احبها اكثر...