من أكون؟..من الماضي..

البارت الخامس..

مؤيد...محمد كملت بحثك؟...احنا حاليا بالحديقة لازمين ملازمنا ونقرا..

محمد...ما بقى بيه شي بعد شوية...والله صعبة المواد السنة..

مؤيد...يا شوية...بعد كم يوم بس لتسليم البحوث...وباقى بس شهر للفاينل شد حيلك وخلينا نتخرج...

محمد...شبيك خايف؟..درجاتك كلها زينة...ورقية تاخذك تاخذك...على شنو خايف..

مؤيد...ليش ما اخاف واني منتظر هاي اللحظة من اربع سنين..

محمد...لا تخاف ولا شي...الاسبوع الجاي حفلة التخرج...تونس وانسى جو الامتحانات شوية..

مؤيد...ان شاء الله...بس مستعجل على التخرج ولك..
محمد...وليش مستعجل؟..

مؤيد...نسيت؟..مو گلتلك بس اتخرج نتزوج اني ورقية..
محمد...حقك تستعجل انت...قابل مثل حظي...الا يكمل دراسة..

مؤيد...شبيه حظك ما يستاهل الانتظار؟..

محمد... يستاهل كلشي مني...مو بس انتظره انطيه روحي..

مؤيد...الله يتممها الك على خير..

محمد...آمين..

رقية...گاعدة ادرس اني ومنى...ما بقى شي على امتحانات الفاينل...وباوعت على وجه منى وصفنت بيه... اكلج منى..

منى...هممم؟...جنت مدنگة راسي على السجل اقرا رفعته وباوعت لرقية اريد اعرف شنو تريد..

رقية...وين وصلتي؟..

منى...بالقراية بعدني ما خلصت هواي..

رقية... ولج يا قراية...اسولف على محمد...بگلبي شكد غبية هاي البنت..

منى...هااا؟...ما وصلنا لشي...

رقية...واضح عليها الارتباك من سألتها بدت تلتفت يمنة ويسرة... وعلامات الخجل على وجها...اممم يعني تقنعيني انتي ما حبيتيه؟..

منى...ما حبيته..لا لا احبه كصديق مو اكثر..

رقية...احب اباوعلها وهي مرتبكة وتستحي تگول اللي بگلبها بس كلشي واضح على وجها...تدرين اول مرة اسمع احبه كصديق...هو الحب هم بيه هيج شي؟..

منى...اعرف رقية متقصدة بهيج اسئلة تريد تحرجني...بس اني هم راح احرجج...زين وانتي هم تحبيه لمؤيد؟..

رقية...احبه واموت عليه...

منى..ياااا..شكد صلفة حجتها بدون خجل 😨😨...ولج انتي ما تستحين هيج تحجين؟..

رقية...هههههه ما متوقعة جوابي راح يكون مباشر وفاجئتها...ليش استحي اكول هيج وهو راح يصير ابو جهالي...واصلا بالليل نتصل اني وياه...ها صدك علر طاري الاتصال انتي تتصلين ويا محمد؟..

منى...تعجبني برقية صراحتها واندفاعها على العكس مني دوم خوافة وما اسوي شي بسبب خوفي...تحجين صدك؟..شلون اتصل بيه بالليل؟..