من أكون؟..من الماضي..

البارت الثاني..

منى...شنو مرة ثانية؟...اني محجيت وياك قبل..
محمد...لا المرة الاولى من انصدمت بيج باول يوم دوام الج..
منى...😨😨..
رقية...يعني انت الولد اللي صدمها؟..واگول اني مشبهة عليك بس ما اتذكر وين..
محمد...اي جنت اني وصديقي نتمشى وما انتبهت الكم..واعتذر مرة ثانية..
منى...خجلت حيل تذكرت شنو گالي...اذا جنت اگدر احجي شوية هسة بعد ما اگدر احجي...كرصت رقية..واهمس باذنها...رقية ولج رقية خلي نروح..
رقية...هاي الغبية تهمس باذني گدام الولد... هسة عبالة ناخذ غيبته لو نضحك عليه... رديت عليها بهمس...لج اهدأي شوية خلينا نتعرف عليه حتى بعد ما نجي مرة ثانية..
منى...ما اريد هسة اني خجلانة حيل...وما اعرف احجي شي بعد..
رقية...اني احجي انتي بس اسكتي..
منى...اممم..
محمد...اكو شي؟..او ما مرتاحين نروح مكان ثاني..
رقية...لا سلامتك...بس منى تخجل منك وما تكدر تحجي وياك فاني راح اسألك مكانها..
منى...😰😰😰...هاي فشلتني...اريد اشرد منا هسة...لو اطم نفسي واخلص منها... كرصتها حيل من ظهرها..
رقية...كرصتني الخبلة ووجهة صار احمر اكثر على شوية ويغمى عليها...اني اعلمج هيج تكرصيني وان اساعدج..خيي محمد منى ما عدها رفض عليك...بس هي تريد تكمل دراستها..انت تكدر تنتظرها...واذا ما تكدر شوف حياتك..
محمد...انتظرها انتظرها...اذا بس انتظار اني موافق..
منى...هاي شنو تحجي احنا ما اتفقنا على هيج..كرصتها هل المرة اقوى لحد ما گالت آخ...وهمست باذنها انتي شسويتي مو نريد نرفضه..
رقية...ولج هو ما راح يصبر وينتظرج على الاغلب سنة ويتركج بحالج..
منى...واذا ما تركني شلون؟..
رقية...يعني بالعافية عليج..
منى...ولج يا عافية انتي شنو جاي تسوين خبلة؟..
رقية...انطي الولد فرصة...ولا تخربين كلشي بعنادج..
محمد...اني كاعد بالمسطبة مقابيلهن وهنة بس يبسبسن بيناتهن ولا مهتمات الي...والمصيبة ما اسمع اي شي منهن...بس عيني بقت على منى كل ما اتمعن بلامحها تحلى بعيني واريدها اكثر...بس الخدود الحمر تكتل المقابل برصاصة رحمة...العيون العسليات اصفى من الماس...وشفايفها محمرات من ربهن مخلية مكياج خفيف...بس هي حتى مكياج متحتاج...الله ابدع بخلقها...سبحان يارب..هااا حجيت بصوت...والله فشلة بلكي ما سمعني..
منى...احجي همس ويا رقية...وانتبهت للولد يباوع علية سويت نفسي ما ادري بس الخجل مبين بية...شوية سمعته يگول سبحانك يا رب...رقية ما انتبهت بس اني سمعته...ابتسمت لا ارادي وحسيت بخجل اكثر...
محمد...شفتها ابتسمت...اول مرة اشوف ابتسامتها عن قرب...ترد الروح وخلت يومي ولا احلى منه اكو...ابتسمت وياها...هي باوعتلي وابتسمت أكثر...احس گلبي يريد يطلع من مكانه..
رقية...شو هاي المعترضة كامت تبتسم اله وتغير كل وضعها وصارت نظرات بيناتهم...طياح الحظ اني شنو بيناتكم قلم زايد... شو حتى ما منطيني اعتبار...اريد ابجي ان هم اريد هيج واحد يباوعلي...ولج منى اذا ضيعتيه من ايدج الا اصير كابوس باحلامج..بهمس وحجيت وياها...هاا منى شنو هاي النظرات...وين راح رفضج..
منى...ولج سكتي انتي شتحجين...ماكو شي بيناتنا..
رقية...بعد كل هاي النظرات وماكو شي بيناتكم...شوفي حلكج شكبره صار من هاي الابتسامة...شنو اللي صار وتغيرتي فجأة...اني يمج ومثل الطرشة وثولة...ما فهمت شي..
محمد/اححم..
رقية...اعتذر خيي...مو قصدنا نتركك بس لازم اخذ شورها قبل احجي شي...
محمد...لا عادي...بس حبيت اسمع صوتها...ولو شوية..
منى...ما اعرف ليش هيج يخجلني...نزلت راسي... بس بگلبي فرحانة...مو اعجاب ولا حب...بس لان مدحني لا اكثر...وهو شاب طيب انطيه فرصة... وبعدها يلا اقرر..بهمس رقية كوليلة نلتقي بغير مرة... خلي نروح للمحاضرة..
رقية...اي والله نسيت راح نتأخر...من رخصتك خيي...عدنا محتضرة وما نگدر نتأخر..
محمد...براحتكم...بس اتمنا نعيدها هاي الكعدة..
رقية...ان شاء الله اذا صار عدنا فراغ..
محمد...تركني وراحن... وعيوني تتبعها...اباوع لمشيتها لطولها...اباوع للبسها المستور...قررت انو ابذل كل جهدي حتى اخليها حلالي... مني والي...حتى لو رفضتني راح احاول لمن تقبلني..