من أكون؟..من الماضي..

البارت الرابع..

رقية...يلا منى غسلتي وجهج؟..
منى...اي يلا خلي نطلع..
رقية...وين تطلعين تعالي خلي اعدل مكياجج..
منى...هو خفيف وما يبين ما يحتاج..
رقية...تعالي لا تصيرين عنيدة عيونج صايرات حمر من البجي...شتسوين اذا شافج محمد؟..
منى...كله محمد محمد...بطليها سالفة محمد...ما اريد اسمع اسمه بعد...رفضته وانتهى الموضوع..
رقية...ما اكلج لا ترفضيه...بس تسرعتي من رفضتيه نهائيا...الولد كالج انتظرج وانتي ما وافقتي ولا فكرتي حتى قبل لا ترفضين..
منى...لا فكرت زين قبل لا ارفض...ما اريد اكسر حجاية ابوي...تعب يلا وصلت لهنا...وما اريد اضيع تعبه..
رقية...منو كالج تضيعين تعب ابوج بس انتي ظلمتي الولد..
منى...كافي كافي رقية... والله ما اتحمل بعد...شنو ذنبي اني ما گايلتله يحبني...ولا جابرته..
رقية...يلا سكتي ولا تصرخين...خلي نطلع...ونغير جو اليوم...مثل ما كلتلج نروح بهذا الطريق ورا الجامعة يخبل كله حدايق ومزروع ورد اشكال..
منى...بس اجيب جنطتي..
رقية...يلا انتظرج...ماكو دقيقة ورجعت منى وطلعنا ومشينا بهذا الطريق...صحيح سمعت بيه حلو بس طلع يخبل وخاصة ما بيه احد بس شباب ثنين كدامنا...شلونه الطريق منى مو حلو؟
منى...لا حلو...ما ادري بيه اكو هيج طريق..
الرقية...اني هم ما ادري بس البنات گالولي..احجي ويا منى وذولة الشباب تقربو منا...بس ما اخذت بالي منهم...احنا بالجامعة وما يكدرون يسوون شي..
منى...اهمس لرقية...اكلج رقية خلي نمشي بسرعة...بديت اقلق..
رقية...من شنو تقلقين؟..
منى...ولج ذولة الولد مو راحة خاف يسوولنا شي..
رقية...هههه والله جبانة...لا تخافين اني وياج...طبعا اني ومنى حلوات بس من نطلع نلبس عباية من نوصل لباب الجامعة...بس حاليا منى لابسة عبايتها واني لا..
منى...شلون ما اخاف واحنا وحدنا بالشارع..
رقية... صدكيني ما يسوون شي..او هيج اني اعتقدت...ذولة الولد بدو يتحرشون بينا..
الاول...شوف شوف اليوم انت ليش وحدك انت وصديقك بالشارع؟..
الثاني...غير علمود التقي بيك..
منى...ولج رقية...اريد ابجي ودمعتي بطرف عيني وخايفة كلش...ما صاير هيج موقف بيا قبل..
رقية...خليهم يحجون وحدهم ما عليج بيهم...ذولة الما عدهم رجولة صار كل واحد من جهة من يمنا...تجاهلناهم بس همة بدو يلحون..
الاول...اكلك يا ولد شو انت حلو ما تباوعلي..
الثاني...ولك انت احلى واحلى...بس سمعني صوتك..
رقية...انتو ما تستحون ما عدكم اخوات تتحارشون ببنات العالم...
الاول...اي ما عدنا اخوات...ونحب نتحارش بيج..
رقية...اذا اخلاقكم ادبسز... روحو على غير مكان...ما نحب نشوف هيج حثالة وزبالة مثلكم..
الثاني...ولج لسانج طويل منو الحثالة والزبالة...بنت الكلب..
رقية...انت وصديقك حثالة وزبالة ومخنثين وما عدكم رجولة...والكلب ابوك..
منى...كمت ابجي...ولج رقية خلينا نروح...كافي لا تعصبيهم..
رقية...لا تخافين حبيبتي...ذولة نسوان ما يكدرون يسوون شي..
الاول...بنت الكلب من النسوان... لزمتها من عضدها...
رقية...عوفني حقير كلب...عديم الشرف..
الاول...منو الحقير اليوم اعلمج واخليج تنسين اسمج...ولك الزم صديقتها لا تشرد..
منى... اجا هذا يجرجر بعباتي..صرخت حيل..وكمت ابجي بصوت عالي...احنا بطريق لوحدنا منو يجي ويساعدنا... بسرعة ايست من كل مساعدة...بس ما احس الا واحد طلع من بين الشجر...ركض على الولد ضربه...وطيحه بالگاع.. واجا واحد ثاني ضرب الولد اللي لازم رقية...بسبب دموعي ما ميزت وجوهم...بس ميزت صوت محمد بس...شنو جابة لهنا؟..بس فرحتي بيه ما تنوصف..
رقية...هذا الكلب لزمني من ايدي...وبديت اقاومة بس اني مو بقوته...وصلت مرحلة اليأس..بس ما حسيت الا شي خطف من كدام عيوني ولزم الولد شبعه كتل...هذا منو...هذا مؤيد...من شفته كل ذيج الشجاعة اختفت ودموعي جرت وبديت ابجي...من شفت مؤيد..