قولته ليها انا،انا،انا،قالت لي انتي مالك"طبعا بتكلم وانا بتنهد ؟قولته ليها انا عايزة ابكي😭 وحضنتها...💔 البت زاتها استغربت بس ابدا م حسستني انها متضايقهه او كذااا بالعكس ضمتني وخلتني ابكي كداااااا بعدها اتفكيت منها ،قالت لي انتي كويسه؟قولته ليها ااايوة،قالت لي طيب انتي ساكنه هنا؟سكتته مساافه قولته ليها ايوة،قالت لي طيب وين بالظبط جيرانا هنا قريب؟قولته ليها م عارفهه،قالت لي انتي من وين ؟م كنتي مقيمهه هنا صح؟قولته ااايوة كنت في نيويورك،قال لي اهاااا علشان كدة طيب قولي لي انتي ساكنه مع ناس منو بالظبط في الحي دة علشان اقدر اعرفهم انتي طلعتي وم عرفتي ترجعي يعني ولا شنووو؟سكتتته م رديت عليها،قالت لي طيب عاايني ادخلي معاي البيت لما تروقي وتهدي اعصابك ترجعي بيتكم تمام؟قولته ليها لأ خليني اطلع،قالت لي عايني البيت فاااضي والله انا بس قاعدة في البيت وماما في الشغل م بترجع الا المساء وم معانا زول تاني ادخلي م تخافي م حأكلك😂،يلا اساسا انا قاعدة براااي في البيت،مشيت معاها دخلنا البيت بالفعل بيتهم كان هااادي وراايق بس مشغلهه اغااني والتلفزيون في نفس الوقت وعندها لوحات كدة شكلها كانت بترسم فيهم،قالت لي اتفضلي قعدتني في غرفه الضياافه مشت جابت لي مويهه وعصييير ليمون فريش ،قالت عااايني الليمون دة مهدي فعااال للأعصاب علشان كدة اشربيهو وبعدين م تخلي فيهو ولا قطرهه عشان انا بت واحدة لي امي م تبوريني فهمتي!!!ابتسمته ليها ابتسامهه خفيفهه وم رديت ليها،قعدت تلم في لوحاتها قالت لي معليش البيت جايط لأنو كان عندي كم لوحه كدة عايزات تشطيب،قولته ليها عاادي ولا يهمك انتي بترسمي؟قالت لي والله اهو زي م شايفهه بشخبط من هنا وهنا بحبهاا كهوااايهه،قولته ليها يعني بتدرسي فنوون؟ضحكت قالت لي والله كنت بتمنى ادرسها لكن بقرا طب م تزكريني بالمجال دة كل م اتزكر اني بقراهو بكون نفسي اتف في وشي،ضحكته قولته ليها ليه بالعكس الطب دة حاجه ظريفه ومهنه حلوة نوعا ما كدة يعني،قالت لي بصوت عالي وصرخه كدة الطب حاجه ظريفه؟دقيقه فتحت لي شعرها قالت لي شايفه الزحف الصحراوي البادي في راسي دة اها دة بسبب الطب م تتكلمي سااي بالله،قولته ليها دخلتي مجال م عايزاهو ليهه دامك م مقتنعه بيهو؟قالت لي تقولي شنو دة كلو من ماما غايتو بس مع الطب دة الله يعوض شبابي الجنهه،ضحكته قولته ليها لا ياااخي م للدرجه دي ههه،قالت لي بس الحمدلله الرسم ولوحاتي بتفرق عني شويه تحبي تشوفيهم؟قولته ليها طيب ،قالت لي طيب تعالي طلعته معاها فوووق فتحت لي غرفه كدة قالت لي دي كل اللوحات والورق الأنا رسمتو،قعدته اعاين في الغرفه قولته ليها ماشاءالله عليكك،قالت لي ولسسسه ولسسسسه عندي لوحات بعتهم،قولته ليها كمات بتبيعي طيب حلو م جربتي تعملي ليك معرض وتعملي ترويج لي لوحاتك وكذااا،قالت لي والله اقترحو علي الفكره لكن م حبيتها لأني م برسم عشان مثلا ابيع واستفيد من العائد بتاع البيع،انا برسم علشان الرسم بحسن لي نفسيتي بس م اكتر،فجأة سمعنا صوت انذار ولا صفارة بتضرب،قالت لي بخلعهه الليلهه المطبخ،قولته ليها ماااالوو؟قالت لي الحلهه في النار الليله ووووووووب ونزلت جاااريه،جريت وراها وبقيت اصرخ عليها واقول ليها م تدخلي والدخان كان طالع من المطبخ وملى البيت،من غير اي مقدمات دخلت المطبخ وانا بقيت اصرخ عليها واقول ليها ي بت انتي كويسهه اطلعي من المطبخ دة حتموتي وانا م عارفه اعمل شنو والدخان طالع كتييير من المطبخ فجأة سمعتها ليك بتكح وطالعه من المطبخ ،قولته ليها المطبخ ولع ؟اتحرقتي؟وهي شايلهه الطفايه في يدهااا،قالت لي بصووت متعب كدة م تخااافي اختك متعووودهه الحريق دة عاادي بحصل في البيت دة مرتين تلاتهه مرات في اليوم ✊طبعا بقيت اعاين ليها وانا مخلوعهه قولته ليها كيف يعني عادي؟قالت لي كنت خاتهه لي كيحهه في الفرن ودي النتيجه ،وامس كنت خاته لي بيض في البوتجاز ونسيتو وبرضو كانت النتيجه واحدة ،ماما من شدة م بحرق ليها الحجات اتضطرت تجيب لي طافي الحرايق دة ومعاهو جهاز انذار فهمتي؟اسي دة كلوو م مهم المهم الكيكه بتاعتي انا عاملاها بالشوكلاتهه حيييييييي ي غلبي ليييييييه كدة😭😭😭😭😭💔😭طبعا انا في اللحظهه دي بس حسيت روحي عايزة اضحك وم قدرته امسك الضحكهه فكيتها وبقيت خاته يدي في خشمي وبضحكك😂قالت لي م تضحكي والله الشوكلاته انا جايباها خاااام واتفننتهه فيهااا كمان 😭قولته ليها طيب ماما بتقول انو الحاجه البكون نفسك فيها وتقع في الأرض او تحصل ليها اي حاجه افضل من انو تاكليها انتي لأنو لو اكلتيها حتضرك وم حتنفعك،قالت لي بس دة م زمن ماما اسي دة زمن كيكتي الإتحرقت انا تعبانهه فيها من الصباح 😭قولته ليها طيب بكره اعملي واحدة جديدة،مسحت دموعها وقالت لي اصلا كنت حاسه انو ملحها زااايد م حنك ارح ادخلي معاي المطبخ عشان انضفو،قعدته اعاين ليها قالت لي امي لو جات حتكسرني وتجدع لي شنطتي بره البيت وبكدة حأتشرد زيكك كدة،بعد م رتبت المبطخ مشينا قعدنا في الهووول شاهدنا كدااا بعدها قالت لي م نفسك تتصلي على اهلك تطمنيهم عليك؟عااينته ليها مسااافه قولته ليها ماما اصلا مافي😿قالت لي امك وين هي؟قولته ليها في الدوام😿قالت لي طيب اديني رقمها انا بتصل ليك عليها،سكتته مسااافه قولته ليها م حافظهه رقمها😿قالت لي م حافظهه ولا رقم من ارقام ناس بيتكم😆قولته ليها لأ وحتى لو حافظهه م بتصل عليهم ☹قالت يخواني دي مصيبه وين دي طيب ي ستي،قعدته معاها لغاااايه نهايه اليوم قاعدين وهي بتتونس معي وشويه نحضر التلفزيون ، مع اذان المغرب سمعنا صوت بنادي وبقول وسن حبيبتي،قالت لي ماما جات وردت عليها اااايوهه ي ماما، ومشت بإتجاه الصوت، قلته في نفسي اسمها وسن الله اسم حلو،قالت ليها ماما مساء الخير،قالت ليها مساء النور كيف امسيتي تمام؟قالت ليها الحمدلله تمام مالك اتأخرتي كدة الليله؟قالت ليها والله جيت من الساعهه6لكن وقفته مع ناس حاجه فتحيهه ديل في الشارع،قالت ليها ماما واقفه ساعه في الشارع م جاااادهه طبعا كنتو بتقطعو في منو ؟امها قالت ليها بري م ونسه ولا قطيعهه والله جيت ماشه لقيتهم واقفين في الشارع قالو عندهم بت ولدهم عبدالله الله يرحمو ضايعهه،قالت ليها اجي كيف يعني ضايعه شافعه هي يعني؟قالت ليها بري م شافعه كبييرة قدركم كدة جات من امريكا عندها فترة واظنها زعلت ولا شنو م عارفه المهم قلبو عليها الدنيا دي فوقاني تحتاني م لاقينها والله كان شوفتي حاله امها واخوانها تحنن الكافر😭💔وسن سكتت مسااااافهه بعدها قالت ليها ماما ممكن سؤال؟قالت ليها اها اسألي لكن خليني ادخل الأكياس دي التلاجه اول،قالت ليها البت الرايحه دي كبيرة شديد يعني؟قالت ليها اي كبيرة قدركم كدة يعني بس جديدة في البلد م بتعرف شي الله يحميها من اولاد الحرام بس،فجأة امها جات مارهه بالهول ووقفت ووسن معاها،المره عاينت لي بإستغراب وعاينت لي وسن ،وسن قالت ليها اووووووبس نسيت اقول ليك انو معاي ضيفهه😁امها عاينت ليها وقالت ليها والضيفهه دي تطلع منو ان شاءالله؟وسن حكت راسها مسااافهه وقالت ليها م عارفه بس الشي البعرفو انها جايه من امريكا 😁امها عاينت لي وقالت لي انتي بت منو؟؟وقفته على حيلي قولته ليها انا اسفهه اذا ازعجتكم او كدة انا حأمشي وسن شكرا ليك بجد،طبعا انا بتكلم ومستعجلهه،فجأ امها مسكتني قالت لي حتمشي وين مثلا؟ انتي بت ولدها لي حاجه فتحيه صح؟بقيت احاول اتفك منها ،قالت لي اذا زعلانه من زول من ناس البيت دة م معناها انو تعيشيهم على اعصابهم كدة،م شوفتي وقفتهم في الشارع وخوفهم عليك،م شوفتي جدك العيان وعندو ضغط حالتو عامله كيف والأكعب من كدة م شوفتي امك واخوانكك مسكتني من يدي قالت لي تعالي بقت سايقاني ووسن شالت توبها ولحقتنا ،وصلنا جنب باب ناس حبوبه جريت منها يدي وقولته ليها انا م داخله،قالت لي لا تدخلي،قولته ليها بنبرهه حادهه م داخلهه فهمتي،وسن قالت ليها ماما خلاص خليها البت م عايزة تدخل،قالت ليها وسن انتي اسكتي هسسس بتفاهم معاك بعدين،فجأة جات عربيه وقفت عاينته للعربيه كانت حقت رامي ،رامي نزل ومعاهو مامل،رامي قال لي بي خلعهه شهههههههد؟كنتي وين انتي؟ماما جات مسكتني وبقت تقول لي انتي كويسه ؟وانا ببكي وم ناويه اسكت،ماما قالت لي ام وسن لقيتوها وين وكيف؟ام وسن قالت ليها لقيتها مع وسن بتي في البيت ،ماما قالت ليها لا حول ولا قوة الا بالله!!!رامي طلع تلفونو وعمل مكالمه وقال"ي مجااهد تعال تعال راجع البيت اي لقيناها لما ترجع حتعرف تمام يلاا..رامي قال لينا تعالو ندخل البيت كدة اول بعدين نتفاهم،ماما مسكتني من يدي قالت لي تعالي جريت منها يدي قولته ليها م ماشه ،رامي اتلفت قال لي بي نبرة حادة في شنو؟م اسمع منك ولا كلمه فاااهمه يلا البيت سرعههه،رجعته خطوة ورا وقولته ليهو م ماشه اوكييه وانت م حتقدر تجبرني اعمل حاجه م عايزاها،قال لي شههههد وجا راجع عايز يضربني ماما مسكتو قالت ليهو انت مجنون ولا شنو تضرب اختك كيف يعني،بقيت ابكي ،على صوت صراخنا حبوبه وجدو جو طالعين، حبوبه مسكتني وبقت تقول الحمدلله الحمدلله مشيتي وين انتي ياااابتي؟لقيتوها وين؟ام وسن قالت ليها كانت مع وسن بتي في البيت،جدو قال ليها لا حول ولا قوة الا بالله من النهار قاعدة في الحلهه دي انتي؟وسن بتي ليه م جيتي كلمتينا؟وسن قالت ليهو والله ي جدو م كنت عارفه انها بتكم لو م ماما كلمتني اسي،فجأة مجاهد جا وقف عربيتو ونزل وجا جاري علي ومسكني بي لهفهه وخوفه كدة قال لي انتي كويسه؟حاصله عليك حاجه؟كنتي وين انتي؟وانا مفقوعهه بكى طبعا حضنتو وقعدته ابكي بحرقه،كلهم بقو واقفين مستغربين،قال لي مالك انتي في شنو بس كدة قولي لي وم تخافي انا مش اخوووك قولي لي في شنو؟قولته ليهو سوقني معاك بيتك انا م عايزة اقعد هنا أجر لينا او اشتري لينا بيت في أي محل م عايزين نبقى تقال على زول خلينا نسكن نحن كلنا مع بعض انا وانت وماما ورامي وبس،ضماااني عليهو شديد وباسني في راسي قال لي حااااضر بس كدة؟لكن دة برضو م مبرر للعملتيهو،كان تتصل علي وانا بجي بسوقك والله قطعتي قلوبنا بالخوف ،فجأة اسمع ليك زول بقول"دي قله ادب بس ودلع بتاع بنات ،من الصباح موقفه الناس على رجل واحدة شايف ي حاج اها ديل اولاد ولدك الانت عامل حنين عليهو طلعوك اي كلام بلا كلام فاارغ)طبعا دة كان صوت عمو عبدالباسط،مجاهد قال ليهو هو فعلا نحن الغلطانين المفروض كان نرتب ليهم امور سكنهم قبل م ينزلو بس معليش وبعدين شهد وانا بعرفها لو مرتاحهه بجد م كانت طلعت وخلت الباب وي عمي قلهه الأدب في البيت دة موروثهه وراثه م جايباها من برهه،رامي قال ليهو مجاهد اهدأ،مجاهد قال ليهو ي رامي مافي شي جايب اجلنا غير الهداوة دي على العموم انا ماشي وسايق شهد امي حتمشي معانا ولا لأ؟ماما قالت لي ي شهد ي بتي انتي م تتكلمي تقولي مالك الخلاك تعملي كدة شنو مش قبيل خليتك كويسه؟سكتته م رديت عليها،مجاهد قال ليها امي اختصري✋قالت ليهو سمح انتظر اشيل ليها حجاتها ،طبعا جدو وحبوبه وقفو محتارين م قادرين يقولو حاجه،ومرت عمي ديك م طلعت اساسا،،،حبوبه مسكت مجاهد قالت ليهو يشهد الله ي ولدي بركهه المغاارب دي كان غلطته فيها او سمعتها كلام م في محلو ربنا يشيل مني عاافيتي واي نعمه مديني ليها ، يشهد الله شايلاها في راسي والله البت دي قطعهه من قلبي والله كان اتخدشت ساااي انا بلوم نفسي يشهد الله من حلف بالله خلى حاجه؟ان شاءالله من محلي دة م اتحرك كان غلطتهه عليها...💔
#كسرهه
الناس الراسها جايط وم فاهمين شي انتظرو حتترتب حتترتب ان شاءالله😂✋
#نتلاقى
