وبعد موتو مقتول إتجزأ،يعني اللي قتلو دة بعد م قتلو م اكتفى بي كدة فجزأ اعضاؤ،طبعا جدعته الجريدة ووقعته بقيت اصرخ واصرخ،جا رامي رفعني،قولته ليهو ليه كزبتو علي،ليه قولتو لي انو بابا مات في حادث،ليه استغبيتوني،بابا مات بالطريقه دي،بابا اتجزأ كدة،وبقيت اصرخ،ماما جات قالت ليهو في شنو،قال ليها مش قولته ليكم الجرايد دي م تجدعوها سااي،قولته ليها ماما معقوله بابا يموت كدة؟دة منو العمل في بابا كدة فهموني انتو ليه مصرييين تكذبو علي،ماما طلعت وجات راجعه شايله حقنه مهدأة،اول م شوفتها بقيت اصرخ قولته ليها م عايزة حقن انا م مجنونه فهمتي م مجنونه انا انتو ليه بتعملو كدة لييه ،قالت ليهو رامي امسكها،بقيت اصارع في رامي ورامي مسكني لغاايه ادتني الحقنه بعدها قعدت جنبي وضمتني وانا بتكلم بصوت خافض وبقول ليها العمل كدة في بابا منو بس فهموني الله يخليكم وعيوني ملانه دموع،بعد اكتشافي للموضوع دة حالتي اتدهورت وبقيت اسوأ من الأول اتمنيت انو ي ريت م اتعافيت،ي ريت لو خلوني عميانه ومشلوله زي م كنت،ي ريت لو مته مع مدثر في الحادث ،دخلته في حاله اكتئاب غريبه،لدرجه انو رامي دة بقى بحاول بأي طريقه انو يدعمني نفسيا وبحاول يطلعني من الجو الأنا فيه دة وكدة،وبعد فترة بقيت اقول ليهم انا كويسه واتصرف بصوره طبيعيه وبقيت اطلع كتييير من البيت ،بس اللي هم م عارفنو انا بمشي وين،عندنا جيرانا عندهم بت اسمها كريستين كنت دايما بشوفها قاعدة قدام بيتهم وبتشرب سجاير بره وانا بكون واقفه بره شويه شويه بقيت ارفع ليها يدي فصاحبتها هي م كانت بتسجر بس كانت بتتعاطى المخدرات بأنواعها حبوب ،حقن،هيروين كل حاجه،يمكن وانا بحكي الناس تحس انو الكلام الأنا بقولو دة خيال ههه حتى انا احيانا لما اقعد مع نفسي وافكر بحس انو انا م كنت عايشه الحاجه دي او يمكن كنت بحلم،او يمكن فلم تخيلي بس ابدا م واقع انا عشتو،اول مره اتعاطيت معاها فيها كانت عندها شريط بتاع حبوب شفتو في يدها قالت لي تحبي تجربي؟في البدايه اترددته بس بعدين اخدتها منها ،كريستين عندها شله بتجيب ليها الحجات دي وهي بتطلع معاهم على حسب الحريه العندهم وكذا،بعد م اخدته منها الحبه ورجعته البيت بقيت م حاسه بي حاجه دخلته غرفتي وقفلتها علي ،يعني كل الكنت حاساه انو انا مستكينه وفي مزاج رايق وحسيت انو الحياة حلوة كأني طااايرة وفي واقع م واقعي ابدا بس واقع حلو،اليوم التاني صحيت م متزكرة شي وراسي ماسح ومصدعهه،ماما قالت لي مالك؟قولته ليها ماف شي المساء طلعته مشيت لكريستين وبرضو ادتني حبه ،شويه شويه بقيت ادفع ليها بتجيب لنفسها شريط وانا شريط،واذا مافي بتجيب حقن بناخدها بالوريد طبعا ،واحيانا بنشم هروين،كل دة واهلي م لاحظو للحاجه دي كل البيعرفوه عني اني مكتئبه وقافله على نفسي ومصاحبه كريستين وم عايزين يسألوني علشان اتضايق او كذا،انا وصلته لدرجه انو بقيت شبه مدمنه وعايشه على الحجات دي حياتي حاصله فيها شنو بالظبط م عارفه،الشمس دي بتشرق وبتغيب من وين م عارفه،الحاصل شنو على ناس بيتنا م عارفه،انا م عارفه حاجه غير انو انا عايشه حياة جميله ومثاليه مع الإدمان لدرجه انو انا بقيت م باكل ابدا ،اصلا م بحسس بالجوع ،لغايه م في يوم كريستين كان عندهم عطله وسافرت هي واهلها علشان يقضوها بره المدينه،وانا م كان معي لا حبوب ولا بدرة ولا حقنه ونسيت اقول ليها اني عايزة وم عارفه هي بتاخد الحجات دي من منو ومن وين،قفلته على نفسي وبقيت م قادرة اقعد ادخل الحمام استحمه واجي طالعه وخلاص اتوترته وجسمي محتاج للجرعات دي م قادرة استحمل ،بقيت افتش ادراجي واقلب في غرفتي على أمل اني القى حبه واحدة اقعد بيها باقي اليوم دة قعدته في الأرض وبقيت احك في راسي واجر في شعري وجسمي كلو وخلاص عيوني لونها قلب،ماما كانت مشغله قرءان بره بصوت عالي وانا على التوتر الفيني صوت التلفزيون وترني زيااادة طلعته مشيت خفضته الصوت وقولته ليها بي صرخهه كفاااااايهه م تقرفونا العيشهه ساااي وجدعته الريموت كسرتو،"اتخيلو دة كان قرءان"ماما طبعا بقت تعاين لي مخلوعهه وانا م انتظرتها رجعته غرفتي وقفلته الباب،جات لاحقاني دقت الباب م فتحته ليها،قالت لي شهد افتحي الباب،وانا ساكته وواقعه في الأرض وببكي وهي بتقول لي شهد افتحي الباب،قولته ليها ياخ م عايزة اي زفت بابا انت مالك ،م عندك اي دخل فيني خليني في حالي فاااهمهه،بقت تقول لي ي شهد ي بتي كدة قولي بسم الله وافتحي الباب،بعدها سكتت مساافه على م اعتقد مشت شالت تلفونها واتصلت على رامي قالت ليهو تعال راجع البيت سرعهه،وانا كنت في الغرفه حالتي تحنن وشويه كدة كنت حأجن وراسي دة بقيت م حاسه بيهو ابدا،بعد نص ساعه كدة رامي دق لي الباب وبقى يتكلم معي ويقول لي شهد انتي مالك؟زعلانه مني او من امي؟افتحي الباب طيب واحكي لي خلينا نتفاهم،قولته ليهو بي صوت عاالي م زعلانه من زول انا ولا عايزة اتكلم مع زول انا ولا عايزة اعرفكم انتو بس خلوني في حالي م تملوني فقر ياااخ من يوومي قرفانهه حياتي انتو ليه م بتفهمو ليه😭قال لي طيب خنخليك في حالك زي م انتي عايزة بس افتحي الباب نتفاهم حاضر حبيبتي وبعدين امي زاتها ماف افتحي انا اخوك ،بقى يتكلم كتيير وكلامو وترني وبقيت م قادرة اتحكم في نفسي وحتى صراخي عليهو م سكتو فتحته ليهو الباب قولته ليهو وانا بصرخ مالك في شنو عملته لي وجع راس بي كلامك المابيخلص دة عايز مني شنو قول،رامي طبعا بقى واقف مخلوع من الحاله العلي ومن منظر الغرفه،مسكني وقال لي بي صوت مبحوح شهد شهد مالك ي اختي الحاصل عليك شنو ودة شنو الانتي عاملاه في نفسك دة ،بقيت ابكي وبقيت اقول ليهو رامي انا انا انا تعبانه،تعبانه بجد انا حاسه بروحي حأموت عارف يعني شنو حأموت؟قال لي شهد كدة قولي بسم الله،ماما جات داخله قالت لي شهد😨في شنو ي بتي مالك الصباح م كنتي كويسه؟رامي قال ليها امي غيري ليها ملابسها دي نسوقها المستشفى،ماما قالت ليهو كدة النعرف مالها اول،قال ليها حنعرف لكن في المستشفى م شايفه وضعها كيف انا حأجهز العربيه،ماما غيرت لي ملابسي ولبستني جا رامي شالني وانا كنت بصارع فيهو لغايه م وصلني العربيه،مشينا المستشفى ،ماما قالت للدكتور فجأة حالتها وصلت كدة م عارفين السبب شنو بالظبط،الدكتور سكت مسااافه وقال ليهم حالتها دي بتشير لحاجه واحدة بس،ماما قالت ليهو مستحيل يكون الفي بالي صح؟ قال ليها ي دكتوره سوسن خبرتك في المجال دة المفروض من اول نظرة تكوني عارفه الحاصل شنو،قالت ليهو مستحيل بتي م بتعمل كدة انا عارفاها وبعدين هي اصلا م بتطلع من البيت كتير،قاا ليها يعني بتطلع؟قالت ليهو اي م كتير،رامي قال ليهم في شنو ي جماعه فهموني الحاصل على شهد شنو امي قولي حاجه،الدكتور قال لي خلي فحوصات الدم تطلع وبعدين حتعرف كل حاجه،وانا في الغرفه كان معي ماذن بقيت اصرخ عليهم واقول ليهم جايبني المستشفى لييه ،لييه جايبني المستشفى انا م عيانه ولا مجنونه،ماذن مسكني قال لي ي شهد اهدي انتي كويسه وم عليك عوجه بس دي فحوصات روتينيه م اكتر ،قولته ليهو ماذن ماذن ركز معي انا كويسه والله كويسه وم فيني شي،طبعا بتكلم وبقطع الكلام وبتنهد،قال لي شهد انا عارف انو انتي كويسه،قولته ليهو انت عارف صح طيب فهمهم هم م عايزين يفهموني م عايزين يفهمو انو انا م محتاجه للمستشفى ولا لعلاجات الأدويه ابدا انا انا انا،ماذن قال لي انتي شنو ي شهد قولي عايزة شنو وم تخافي انا معاك مش نحن اصحاب ،سكتته مسااافه وقولته ليهو لو قولته ليك العايزاهو حتجيبو لي؟قال لي ان شاءالله،قولته ليهو م تقول لي ان شاءالله قول لي حتجيبو لي ولا لأ؟😭قال لي طيب حأجيبو ليك،قولته ليهو بس م تكلم زول يعني لا ماما لا رامي تمام؟قال لي طيييب ي شهد والله م حأكلم زول قولي انتي عايزة شنو؟بعد مسااافه قولته ليهو انا عايزة حبه او اي نوع من انواع المخدرات وبقيت اقول ليهو الله يخليك ي ماذن الله يخليك وانا ببكي،ماذن طبعا بقى واقف مصدوم،قال لي شهد انتي...قاطعتو قولته ليهو انت وعدتني صح؟طيب جيبو لي،قال لي طيب ،قام طالع قولته ليهو ماذن،قال لي جاي راجع اسي،
