قعدته على اعصابي لمدة سااااعهه بعدها اتصلته على وسن،فصلت الخط،تاني اتصلته تاني فصلت الخط،احيييييييييين منها ومن حيونتها تفصل فيني انا علشان رامي؟طييب طيب، ونحن في الغداء قعدو يتونسو عن الدراسه وم الدراسه،جدو قال لي اسي ي شهد ي بتي انتي م ترجعي تمتحني الشهادة السودانيه وتدخلي الجامعه من هنا،ماما قالت ليهو اقترحته عليها الفكره والله اسألها،حبوبه قالت ليهم لو دايرة تمتحن عززز الطلب والله نحن معاها لكن لو م دايرة م بنغصبها ابدا،قولته ليهم الفكره م في انو انا ارجع امتحن او لا بس الفكره في انعدام الرغبه،يعني حتى لو رجعته امتحنته م حأنجز،رامي قال لي طيب انزلي اشتغلي معانا في الشركه وم تقولي م عارفه حاجه انتي بتتكلمي عربي وفرنسي وانجليزي بطلاقهه ودي حجات كويسه شديد لأنو نحن بنتعامل مع مستثمرين اجانب وشويه شويه تتعلمي طريقه الشغل ،جدو قال ليها فكره برضو،عمو قال حتعمل شنو في الشركه الشركه دي لعب عيال ولا شنووو،جدو قال ليهو عبدالباسط ابوها زاتو لما دخل مجال الشركات كان صغير الشغل م داير ليهو صغير او كبير الشغل داير عقل وعيال عبدالله في التفكير ماشاءالله م بتلحقو نفس عقليه ابوهم،ضحك ضحكه باهتهه وقال ليهو والله لكن ده كلام عجيب هههه،بعد كلامهم دة قعدته مع نفسي كداا فكرته لقيت نفسي حاسه بالملل بالجد حياتي فارغهه شديييد وم فيها شي كدة مهم ،يعني انا بعرف اسوق،وبعزف جيتار وبغني غربي وبتكلم انجليزي وفرنسي بطلاقه عايزة لي مشروع كدة امسك بيهو زمن بالجد،يعني انا م دخلته الجامعه نسبه للحاله المرضيهه الكنت عايشاها بس في حجات انا بحب اعملها بجد ولو انو الشهادة الجامعيه ممكن تكون هاجس في حياتي وانا بإمكاني ارجع امتحن في السودان بس م عندي رغبه انو انا ارجع ادرس ابدا ،بالليل اتصلت علي وسن،اول م فتحته الخط قالت لي اول شي رووقي اعصابك تمام ،قولته ليها انا تفصلي المكالمه في وشي علشان رامي،قالت لا وربي كنت في لكشر والدكتور صعب لو رديت كان حيحرمني من الأتيندس😿قولته ليهاا ااايوهه اتمسكني اتمسكني،قالت لي لا والله م كدة دي الحقيقه،قولته ليها خلينا في المهم اها احكي لي الحصل شنو؟؟؟ولا اقول ليك اجهزي خلينا نطلع نتعشى بره،قالت لي تمام،قولته ليها اول م اجهز بتصل عليك،جهزته نفسي نزلته علشان اكلم جدو في الجنينه لقيت عمو بتكلم مع جدو وبقول ليهو"هو زاتو ي ابوي ولدك دة م قروشو كلها قروش حرام ساااااي اي قرش من قروشو دي دخلو بالحلال؟،من صغير شغال نهب و سرقه وتجارهه حرام " رجعته شلته مفاااتيح عربيه رامي المقرشه في البيت وطلعته قولته لي جدو ي جدو انا طالعه ،قال لي ماشه وين؟قولته ليهو طالعه اتعشى بره،جدو قال لي ايوااا طيب امشي الله يسهل عليك بس الشعر دة كان تغطيهو،قولته ليهو لا انا كدة مرتاااحهه وطلعته مشيت اتصلته على وسن قالت لي في الباب،مشينا اتعشينا،قولته ليها هاااااا طمنيني الحصل ؟قالت م حصل شي،قولته ليها كيف يعني مشيتو كل المسافه دي وانتو ساكتين؟قالت لي هو حاول يفتح مواضيع بس انا اتهبلتهه وم عرفتهه اتكلم😭👊💔قولته ليها احيييييييييين احييييييين انا منك اها وبعدين؟اثناء م انا متعصبه كدة كان واحد قاعد قصادنا ومعاهو حبيبتو ،اول م جينا قعدنا بعاين لينا ،وكل م يلقى فرصه بعاين ،وسن قالت لي عايني الحيوان دة اسي القاعد معاها دي م ماليه عينو يعني؟قولته ليها انتظري انتظري ،قمته عاينته ليهو وابتسمته ابتسامه خفيفه،بإعتبار انو انا اديتو ال bassطبعا الغبي لمن عدل قعدتو وابتسم كويس،انا بقيت اعاين ليهو واتبسم واعمل ليهو حركات وهو خلاص صدق طبعا،رفعته ليهو تلفوني ،شويه كدهه الويتر جاب لي منديل ،فتحته المنديل الولد رفع لي اصبعو ،ابتسمته ليهو ابتسامهه خفيفه فتحته المنديل لقيتو كاتب رقمو واسمو "محجوب"شويه كده عمل لي حركه وقال لي Call لما قامو طالعين قولته ليهو اكسيكيوزمي!!!اتلفت ،البت وقفت معاهو،قولته ليهو معليش بس انت اسمك محجوب؟الولد قلع عيونو،البت قالت لي في شنوو؟قولته ليها م عارفه بس الويتر چاب لي المنديل دة وقال لي انو رسلو ليك الزول دة فأنا م فهمته القصه شنو يعني لأنو مكتوب عليهو الرقم والإسم دي كل القصهه ،البت شالت المنديل وعاينت ليهو واتلفتت ادتو كف طااااخ قالت ليهو انت تافه بجد وعمرك م حتتغير لكن انت م غلطان غلطانهه انا،الولد بقى اصغر من السمسمهه وعلى شويه كان حيضربني،عاينته ليهو وقولته ليهو بصوت حنيين سووووووري،وسن دي ماتت من الضحك والمطعم كلو بقى يتفرج ،طلع لحقها،وسن قالت لي انتي م جادة طبعا؟قولته ليها دي نهايه الواحد لما يكون قاعد ليهو مع واحدة ويخت عينو على واحدة تانيه دة حتى عيب في حق القاعد معاها دي احترام ليها ساااي ماف ؟وقعدنا نضحك ،الويتر جا بقى يعاين لي ويبتسم،طلعنا لفينا مشينا شارع النيل ،رجعنا البيت تقريبا الساعهه 12كدة،اول م دخلته لقيت عمو عبدالباسط قاعد في الهول ومعاهو مرتو،وانا داخله قال لي تاني لو طلعتي بعد الساعه7 م تجي راجعه البيت دة سامعهه؟م ركزته معاهو مشيت قال لي انتظري هنا انا بتكلم معاك،وانا ماشه ركبته سماعاتي وواصلته،جا لاحقني وجررهه مني التلفون رماهو كسرو واداني كف وقال لي انا مش بتكلم معاك ي لافه؟طرطور انا طرطور؟عامله فيها قليله ادب وماف زول سائلك دايره تمشي على كيف كيفك فاكراها دي بلد الانطلاقه الانتي جايهه منهااا،قولته ليهو انت منو قول لي؟مسؤل مني انت؟بعرفك انا؟قال لي انا الراجل في البيت دة فاهمه ولا لأ،قولته ليهو راجل لي نفسك انا ابدا م شايفاك كدة اوكييييه ويدك المديتها علي دي اتحمل نتيجه فعلتها ،جدو جا طالع قال لينا في شنوو ي ناس بسم الله؟ماما جات طالعه قالت لينا خيييير ي ناس شهد مالك،قولته ليها دي اخرتنا يجي واحد نفسو م شايلها يمد يدو علي انا؟شايفه ي ماما ،ماف زول جايب لينا الزله دي غيرك ،جدو قال ليهو ي عبدالباسط مالك ياخ مالك انت كرهتنا يااااخ ؟عمو قال ليهو ي ابووي انا اقول ليها تاني م تدخلي لي البيت بعد الساعهه7 انا غلطان يعني؟وبعدين قبيل انا قاعد معاك جات طالعه م استأذنتني،قولته ليهو واستأذنك ليييه انت منو اساسا علشان استأزنك كفااايه جدا انو انا كلمته جدو وي سيدي م استأزنتك لأني م شايفاااك اساسا فهمتهه؟ماما مسكتني قالت لي شهد تعالي، دخلتني الغرفه،جدو قال ليهو ي عبدالباسط كلمتك مليون مره البت دي م عندك شغله بيها م مسؤل منها انت حماقتك البتعملها لي اخواتك زمان م تعملها للبت دي م بتفهم الكلام ليه؟؟ماما قالت لي روقي انتي كان تردي لي عمك م فيها شي،قولته ليها م برررد م عمي ولا بعرفو يضربني انا ؟كويس والله م اخليهو،شلته تلفوني مسكت مني التلفون قالت لي دايرة تعملي شنو م تكبري الموضوع سااي،قولته ليها اكبر الموضوع؟ماما دة ضربني؟الكف العمرو م ضربتيني ليهو انتي او واحد من اخواني ضربني ليهو هو وعايزاني اسكت اخليهو؟قالت لي اهدي ،جدو جا قال لي معليش م تزعلي من عمك عمل كدة من خوفو عليك ي بتي،ماما فضلت معاي طوول الليل تهدي فيني وانا ببكي، نص الليل جاتتي صحيه حسيت بروحي عطشانهه طلعت مشيت اشرب مويه سمعته صوت في الهول بتكلم وبقول"لالا اصلا فضلت اوراق بسييييطهه والمواضيع دي تتحلى اصبر بس هااانت ي زولي لالا انا قولته ليك تعبنا دهه اصلا م بروح في الفاضي سااااي انا متااابع مع المحامي واحدة واحدة،انا على طووول رجعته غرفتي وقفلتها علي ،الصباح صحيت على صوت تلفوني بضرب رديت لقيتها وسن قالت لي شهد انا عايزهه اضيف رامي اخوك في الفيس على الأقل كدة ممكن اراقبو من بعيد لبعيد ؟؟😿
#نتلاقى®♡
