،حبوبه مسكت مجاهد قالت ليهو يشهد الله ي ولدي بركهه المغاارب دي كان غلطته فيها او سمعتها كلام م في محلو ربنا يشيل مني عاافيتي واي نعمه مديني الله يشهد الله شايلاها في راسي والله البت دي قطعهه من قلبي والله كان اتخدشت ساااي انا بلوم نفسي يشهد الله من حلف بالله خلى حاجه؟ان شاءالله من محلي دة م اتحرك كان غلطتهه عليها...حبوبه بقت تبكي مسكت ماما وقالت ليها والله م صدقنا انكم جيتو واتلميتو علينا معقوله نعاملكم كعب؟ديل الفاضلين لي من ولدي
"طبعا الموقف بقى صعب شديد،رامي مسك حبوبه وباسها في راسها قال ليها حبوبه دة شنو البتعملي فيهو دة معقوله نحن عارفين ومصدقين والله بس شهد اختي دي اصلها كدة حساسه شويهه ولاحظي لي انو هي لسسه جديدة في البلد ومحتاجه فترة طويله عشان تتأقلم وتفهم الناس وكدة صح ي شهد؟سكته م رديت عليهو،ماما قالت ليها بالظبط كدة ي امي ماف شي بزعل والله وم محتاجه انك تحلفي لينا ابدا نحن م بنعرفكم يعني؟جدو قال ليهم نحن عارفين والله عشان كدة اسي بنعمل ليها الف حساب في تعاملنا معاها لكن ي بتي معليش كان سمعتي زول قال كلمه حدة ولا كدة في حقكم امسحيها لينا في وشنااا،حبوبه قالت لي خلاص ي بتي معليش سمح جات باستني في راسي وضمتني عليهااا،ماما قالت ليها شايلهه طباااع ولدك الله يرحمو😂جدو قال ليها والله ي بتي م قولتي الا الحق نفس الكلاشات حقتو بفور بفور بعدين بهدأ😂💔ام وسن قالت لي اها بعد كدة حتدخلي ولا لأ؟مجاهد قال ليهم خلوها اسوقها معااااي تروووق اعصابها شويه كدة بعداك لو حابه ترجع ارجعها،جدو قال ليهو خلاص كويس لو دايرة تمشي م بنحميها ،ماما قالت لي تمشي؟هزيت ليها راسي بمعنى "ايوة"قالت لي طيب امشي وانا هقعد مع ناس حبوبتك تمام؟قولته ليها طيب،ركبنا العربيه واتحركنااا،مجاهد قال لي انتي الزعلك منووو؟قولته ليهو مجاهد خلاص اقفلي الموضوع،قال لي حاااااضر ي ستي اها جعانهه صح؟اكيد من الصباح م اكلتي شي بعرف حركاتكك،قولته ليهو ااايوهه😿قال لي طيب نشيل لينا اكل وحجات ونمشي على البيت،مشينا مطعم كدة شلنا عشاء وبعدها وقف في بقاله شال شيبس وجبنهه وزيتون وبعدها اتحركنا على البيت ،لما وصلنا ونحن طالعين على الشقهه كل م نمشي طابق نلاقي ناس يعاينو لينا مجاهد بضحكك لغايه م وصلنا ،قولته ليهو بتضحك مالك؟قال لي حأشيل لي ورقهه وحأكتب فيها البت دي اختي ي ناس م جكسويتي😂😂😂😂😂✊قولته ليهو هم فاكرني حبيبتكك يعني؟قال لي م شايفهه النظرات البتاكل اكل دي،قولته ليهو مجاهد الله شقتها حلووهه،قال لي عجبتك؟قعدته اعاين فيها يمين وشمال قولته ليهو شاااااااديييد يااااخي ومرتبه ومنظمهه وكيوووووت كدة،قال لي اخوووك عزابي وبنظم نفسو بنفسو تعالي ،قعدنا نتعشى قولته ليهو اسي انت بتمشي الشركه كل يوم؟قال لي الشركه بس ؟بمشي الشركه وبمشي لغاااايهه الباقير بدي المصنع طلهه وبجي راجع ،قولته ليهو طيب ورامي؟قال لي رامي اغلب وقتو بكون في الشركه وبشوووف المشاكل الحاصله شنو بالظبط لكن انا عندي نيه ادخل في السياسهه والله،قلعته ليهو عيوني ووقفتهه اكل،قال لي مالك؟قولته ليهو السياسه والحكومه لا😭الحجات دي نحن بسببها خسرنا بابا فااااهم ؟اوعى تفكر في الموضوع حتى ي مجاهد فاهمني انت صح؟سكت مسااافهه وسرح بعدها قال لي طيب حاااضر كملي اكلك،خلصنا اكل وقعدنا اتونسنا مساااافهه بعدها حسيتو نعسان وبتسائب،قولته ليهو انت نعسان؟قال لي شديد😁قولته ليهو طيب انا زاتي نعسته،قال لي طيب تعالي وداني غرفه كدة قال لي غرفه مختصرهه لكن بتكفي الغرض😁قولته بالعكس ظريفهه ،قال لي طيب تصبحي على خير حبيبي لو عايزة حاجه صحيني ماشي؟وم انسى ريموت المكيف في التسريحهه،قولته ليهو طيب تمام،قال لي تصبحي على خيير😘عايز يطلع قولته ليهو مجااهد😿قال لي عيونو💜قولته ليهو بحبكك انا ياااخ☹جا راجع وباسني في راسي قال لي غلاااي انت 😘رقدته وانا مطمنهه ومرتااحهه،الصباح مجاهد طلع خلاني في البيت براااي بس وجا راجع بدري علشان قلق علي هو اتصل وانا كنت نايمهه،اثناء م نحن بنتغدا قولته ليهو موجي،حمر لي ،قعدته اضحك قولته ليهو اسي الاسم دة عيبو شنو بس😂قال لي احكي ،قولته ليهو امممممم ممكن سؤال؟قال لي في الحالتين حتسألي اها في شنو؟قولته ليهو انت في مشكله بينك وبين ناس حبوبه ،قال لي ابدا،قولته ليهو طيب بينك وبين عمو؟قال لي لا ليه بتسألي؟قولته ليهو بس كدة حسيت انو في مشكلهه او الجو مكهرب بينكم،قال لي ابدا،بعد قضيت اسبوووع معاهو حسيت بالملل في يوم صحيت بدري جهزته الشاي هو صحى لقاني منتظراه،قعد يتلفت مشى على غرفتي فتحها وجا راجع هبشني بي طرف اصبعو،قولته ليهو مالك؟قال لي بس حبيت اتأكد انو دي انتي مالك حاسه بشنو اليوم؟قعدتهه اضحكك قولته ليهو فكرته انو اخووي حبيبي قاعد عزابي براهو شينه في حقي م اجهز ليهو الشااي،قعد يعاين لي بإستغراب،قعدته اضحكك قولته ليهو حتقدر توصلني معاك لماما في المستشفى؟😿قال لي كنت واثق انو انتي عايزة حاجه😂👊💔قولته ليهو قصدك انا مصلحجيهه😨قال لي امممممممم،قولته ليهو احييييييييييييين😡طبعا كلمه احيييين دي بقولها لما اتغاااظ واتنرفز😂قال لي طيب جهزي نفسك عشان نطلع،وصلني المستشفى قعدته مع ماما طووول اليوم بعدها رجعتهه معاها البيت،طبعا كلهم بقو يختو الف حذر قبل م يتصرفو اي تصرف قدامي اما مرة عمو ديك اصلا م نسيتها ليها،في يوم نزلته لغيتهم بجهزو في الغداء،حبوبه قالت لي اسي كنت بجهز ليك في الغداء حقك ،قولته ليها لأ حأكل معاكم،عاينت لي مستغربه قالت لي متأكدة؟قولته ليها ايوة،قالت لي خلاص سمحي ي بتي الليله مزاجك حكم قولتي لي ههههههه،عملته كدة لاني حسيت انو حبوبه وجدو طيبانين بجد وبكااابرو بس علشان يرضونا وم يقصرو في حقناا،وبالفعل دة الحاصل،حسيت انو في قيوود كتيره في البيت هم م قادرين يتصرفو بأريحيه ابدا احساس انو هم بعملو الف حسااب لتصرفاتهم علشان نحن م نتحسس وبكلفو نفسهم فوق طاقتها ،في يوم طلعته لقيت حبوبه قاعدة في الحديقه وبتنزل ليها في ليمون من الشجرهه،قولته ليها م فيهو شوك؟قالت لي فيهو عشان كدة بنزلو بالسناره دايره حاجه؟قولته ليها لالا بس زهجته عشان كدة قولته اطلع بره،قالت والله بتزهجي ي بتي،فجأة جا رامي داخل قال لينا مساء النور،حبوبه قالت ليهو الله يسعد مسااك ي ولدي،قال لينا الحصهه ليمون قولتو لي😂قولته ليهو تعال ي طويل ساعد حبوبتكك،حبوبه قالت لي لالا جاي تعبان خليهو يرتاح،اثناء م نحن واقفين سمعنا صوت بسلم،اتلفته لقيتها وسن ،كانت شايله صحن في يدها ،سلمت علينا وقالت لي حبوبه،ي حبوبه ماما قالت ليكم اتفضلو،حبوبه قالت ليها امك تاعبه نفسها مالها شكرا ليها م قصرت،قالت ليها العفووو ي حبوبه،قولته ليها دي شنوو؟حبوبه قالت لي دي زلابيهه بي سكر مسحوون,وسن قالت لينا انا استأذن بعد كدة،قولته ليها لا م تمشي اقعدي شويهه يااااخ،قالت لي عندي قرايه والله ههه،قولته ليها طيب دقيقه اوصلك الباب وصلتها الباب ووقفته معاها كداات بعدها رجعتهه،عدت الأيام وانا ووسن بقينا شبه صحبات هي بتجيني دايما مع اني م قاعدة امشي ليها ،في يوووم رامي اخووي كان عيان عندو اللتهاب في الدم ومدينو حقن بالوريد وماما مداومهه في المستشفى ،اتصلته على وسن تجي تديهو الحقنهه،جات قالت لي م بقدر بعد تحانيس وافقت تجي ،اول م جات قولته ليها كويس انك جيتي علشان مواعيد الحقنه جات،قالت لي انتي مجنونهه والله،قولته ليها ليييه م بتعرفي؟قالت لي بعرف بسسس😿قولته ليها بلا بس معاك يلا تعالي،طلعنا غرفه رامي دقيت ليهو الباب ودخلنا لقيناهو بتكلم بالتلفون فجأة قال "اوكييه بيبي Cu تيك كير"،،،وسن رجعت خطوة ورا مسكتها قولته ليها تعالي ،قولته ليهو جبته ليك دكتورة الحي بحالو علشان تديك الحقنهه،ابتسم قال ليها حبابك،قالت ليهو عوافيك ي رب،قال ليها الله يعافيك ي رب،قولته ليها وسن انتي اديهو الحقنهه وانا راجعهه،قالت لي تعالي ماشه وين؟قولته ليها نازله المطبخ لي حبوبه بس وجايه،بقت تقول لي ي بت ي بت نزلته وخليتها،وسن قالت لي رامي اممممم وين الحقنهه؟قال ليها ياها جنبي في الدرج هنا،شالت الحقنهه جهزتها وقالت ليهو ناولني يدك،اول م بدت تفرغ ليهو الدواء قال ليها انتي خايفهه ولا حاجهه؟عاينت ليهو وقالت ليهو ابدا بس عايزهه اخليهو يمشي براحهه عشان م يوجعكك،بعد م خلصت قال ليها شكرا،قالت ليهو العفو عايز حاجه تانيه؟قال ليها بس اقفلي وراك الباب، انا في المطبخ جهزتهه عصير لي وسن ورامي،اثناء م انا طالعه ليهم في السلم لقيت وسن نازله وكانت ملامح وشها متغيرهه وبتتكلم براها،قولته ليها وسن ؟ماشه وين انا جهزته ليكم العصير،قالت لي م عايزة انا عصير،قولته ليها كيف يعني م عايزة انتظري دقيقه،قالت لي بي صوت مبحوح شهد انا مصدعه وعايزة امشي بيتنا ارتاح نتلاقى بعدين يلا سلام☺طبعا حيرتني حالتها بس م قدرتهه امشي وراها وصلته العصير لي رامي لقيتو بتكلم بالتلفون اشر لي قال لي ختي العصير في الدرج،قولته ليهو رامي وسن مالها؟نزل التلفون قال لي مالهاا؟قولته ليهو انا بسألك انت بتسألني؟قال لي وبتسأليني انا ليييه ههههه قولته ليهو طيب طيب ،قال لي اقفلي وراك الباب،بعدها وسن تمت اسبوعين لا شافتني لا شوفتها ،بتصل عليها م بترد زعلته منها شديد قولته لنفسي ياخ وانا مالي مع نفسها بس،في يوم ماما قالت لي انتي وسن ليه وقفت منك؟قولته ليها والله ي ماما م عارفه ،قالت لي مشيتي ليها؟قولته ليها لا بس اتصلته وم بترد،قالت لي اتصالك م كفايه كان تمشي تشوفي الحاصل عليها شنو،قولته ليها والمفروض هي ترد مستحيل تكون م لقت المكالمه،قالت لي امشي م حتخسري حاجه،قولته ليها م بمشي ليها ولا شي انتي عارفه انو انا حركات البنات دي م احبها،قالت لي سمح على كيفك،قعدته كدااااا العصر طلعته مشيت ليها لقيت خالتو نون،قعدتهه اتونسته معاها كدااا بعدها سألتها قولته ليها وين وسن اليومين دي عندي منها فترة؟قالت لي والله وسن دي مع خالتها قالت تميشي تغير جو شويه وترجع،قولته ليها اهااا علشان بتصل عليها م بترد،قالت لي صح والله تلفونها خلتو هنا ومشت،قولته ليها ههههه سبحان الله طيب حترجع متين؟قالت لي والله غايتو قبيل كنت بتكلم معاها قالت راجعه اليوم لكن م عارفه ،استأذنتها اول م وصلنا الباب كدة اتلاقينا مع وسن شايله شنطتها ،قولته ليها رجلي بااردة صح؟ابتسمت لي ابتسامهه خفيفه،حضنتها قولته ليها وربي مشتاقين لييهه م كلمتيني لما قومتي ماشه؟قالت لي سااي بس انتي كيفك؟قولته ليها فاقداك بس والله ههه،قالت لي م تفقدي عزيز ي رب،حسيتها بتختصرني والحاجه دي غاظتني شديد رجعته البيت زعلانه شلته تلفوني عملته ليها حظر من كل حاجه ضايفاها فيها ،في يوم بالصدفه كنت قاعدة في الحديقهه شايفاها واقفه في بلكونه بيتهم وبتعاين بإتجاه بيتتا،فضلته واقفه وبعاين ليها فجأة اشوف رامي جا داخل البيت وبتكلم بالتلفون وبضحك،الأفكار بقت تضارب في راسي وقولته لنفسي اهااااااااا،طوأاالي مشيت فكيت الحظر من رقمهاا ،ونزلته في الإستوري بتاعتي حجات خطوبه مزينه كدة وهدايااا كتيره،،اتصلته عليها قولته ليها كيفك؟قالت لي تمام الحمدلله وانتي؟قولته ليها والله مع الجري والتجهيزات وكدة،قالت لي تجهيزات شنووو مسافرين ولا شنوو؟قولته ليها انتي م عارفه يعني؟قالت لي شنووو؟قولته ليها يوم الجمعهه ماشين نخطب لي رامي اخوووي م كلموكم؟سكتت مسااافه،قالت لي بصوت مبحوح ياااخي مبروك م سمعنا والله ،قولته ليها فاكره حبوبه كلمتكم على العموم ي زوله جهزي نفسك يوم الجمعه لازم تمشي معانا،قالت لي احم والله م عندي طريقه يلا انا طالعهه اصلي المغرب نتلاقى بعدين وقفلت الخط،انا هنا ي دوووب شكوكي بقت في محلها،طوالي طلعته مشيت ليها،خالتو نون فتحت لي الباب ،قالت لي اتفضلي انادي ليك وسن،قولته ليها لالا خليها انا بمشي ليها ،طلعته مشيت ليها دقيت ليها باب الغرفه م رديت ،فتحته الباب لقيتها رااقدة وبتبكي بكى،ومجدعه كتبها وشيتاتها على الأرض،قولته ليها وسن؟...
#نتلاقى®♡
