في لحظة 🚫♥️

بارت 4

///البارت الرابع ///
#في_لحظة 🚫♥️
#بقلمي_الكاتبة_شمس ..

مريم...يا يا يا عزه بعينج الله فوكاج وج وتجذبين ..
مو جان جاي عليج فهد للقناة دتطلعون تتغدون وماهر اجه قبله .. وتالي حلتي على اخويه .
وخليتيهم يتعاركون ..

اني....فتحت حلگي وصفنت وج شنوووووو اطلع اتغده عززززه والله همام مو هيج والله والله والله ..

اجه ليث .. صاح گلها ام صگر خلص الموضوع مو يمج

همام صاح كلها تعاي...واخوج شعنده رايح عليها ؟ ليش يروح ؟ مرتين 3 راد وحجه وگناله متريد ليش هي غصب ؟ خابري خلي يجي وگام يصيح ..

مريم...متگلي شبي اخويه ورافضي هيج اذا على فلوسكم وحلالكم احنه هم عدنه ليش مياخذها ويصير فلوسهم وحده ويفتحون مشروع..
اشو منطيها ع كيفها ..
لاراضيه بأبن عمها فهد ..
ولابأخويه ماهر ..
شنو سالفتها ماادري ??

اني...اييييييي هي هاي الي تريديهة انتي واخوج والله لو اموت مااخذه لو يبقى اخر واحد هي هاي اللي تدگون عليها الفلوس ..

وبهالحجي دخل بابا وماما وياه وصاح بابا ..

بابا...مرييييم اخوج ما انطي بنتي حتى لو هي توافق هاي وحده..
اثنين اني ما كونت كل هالحلال حتى ازوج بنتي لواحد عينه على حلالها مو عليهة ..

مريم..عمو.....
سكتي وسمعي..اياج بعد يعلى صوتج بالبيت فاااهمه ..

همام...مريم حسابي بعدين وياج ..
روحي الغرفتج يله ..

**احنه الحمد لله عدنا املاك ببغداد .. واراضي واملاك هم بالغربيه ..
وبابا قسم حلاله واملاكه علينه بحياته يگول حتى متعميكم الفلوس والطمع ويخربوكم من اموت وتتفرقون

مريم مرت همام من يوم اخذته اني اعرفها والله ترسم وتخطط تاخذ البيت الكبير وفلوسه وبدت تحجي وتخطط تريد اخذ اخوها ماهر علمود فلوسي ..
ودايما تحاول تحليه بعيني وبس تحجي بي ..
ماهر وماهر خابصتني ..
وهو هم مصدگ روحه كل فتره وطلع بوجهي ..

اخويه همام كان يحب بنت خالتي قبل مريم .. وخطيه شگد حاول يتقدملها .. بس ابوها منطاها وزوجها لواحد كرايبهم ..

بس بعد سنتين تفاجأنه من همام گال اريد مريم بنت فلان احبها....
طلع ابن عمها رايدها بس همام دگ رجل واخذها منهم ..

لهذا زاد حقد مريم عليه لان رفضت اخوها وخاصة بعد مشافت الخير فتريد تمشي البيت وفلوس همام ع كيفها

اصلا همام وليث وفهد صحيح ضباط بس هم .. يشتغلون بالعقارات والاراضي ومقاولات لذلك الله فاتحها عليهم ..

همام مامقصر عن مريم بشي وكان يحبها ..
لكن طمعها غالب عليها ..
وتحب تاخذ اكثر وماتكتفي بالقليل ..