في لحظة 🚫♥️

بارت 13

صيام مقبول وافطار شهي حبايب

/// البارت الثالث عشر ///
#في_لحظة 🚫♥️
#بقلمي_الكاتبة_شمس ..

بقى فهد يروح ويرجع ..
واني ساكت ماعندي شي احجي ..
حسيت بخجل اتجاهه ..
رغم مالي ذنب .. بس ماردت يشوفني بهيج وضع ..
ردت ابقى ببالة ذيج غالية ..
الي يعرفها وشافها وحبها اول مرة ..

‏لقد إخترتك بعناية، شعرت بأن رقّـة قلبك مثل شيءٍ يطمئنني عندما كان كل شيء في هذا
العالم يجرحني..😢

شوية واجه عمو حيدر .. ووياه زلم معگلين 7 ..
دخلوا للاستقبال .. بقى ايهم يمهم يضيفهم ..
ودخل علينا عمو حيدر ..
گام فهد گله هيج وهيج وسولفله الي صار والي شافه بالفيديو ..
واني بس ابجي وخاله ام فهد بس تمسح على راسي
عمو حيدر....كنت متأكد راح يوگع ..
صار كم شهر ندور عليه .. وتالي وگع برجليه ..
يالله يابه رايحين لشيخهم اليوم ينفض الموضوع ..

فهد...ومحمد لا عشاير ولا قانون ولا السبع سماوات تفكه مني اليوم ..
اذا ماالزمه اني واعاقبه بيدي ..
ذيج الساعه عود تصرفوا بالقانون والعشاير ..

دخلت امي وراح عمو حيدر..
واجه ليث هم .. ميعرف شكو سحبه فهد وراحو بره ربع ساعه ورجع عليه ليث...
گال...وين الفيديو ??
ماما...يا فيديو??
ليث...نسيبج القندره مصورها
هنا ماما وگعت من طولها ..
اني...رجلي مكسوره لا بيه اتحرك لا بيه اسويلها شي اااااااااوف ياربي ..Shams

ذب ليث مي على امي وصحت عليها .. بس متحجي شي

ديروح ليث للاستقبال ودگ تلفونه ..
رد ليث... وگال خير يا طير شتريد همام ??
فهد...للللللك هذا العار هم اله عيييييييين ويخابر ..
وصار صياح ..
اخذهم عمي حيدر للاستقبال وبقو بالساعه هنااااك ..
ومانسمع بس اصواتهم ..
بس مانفهم شيحجون ..
شويه واجه ايهم گال همام وصل ..
اني...يمه عزه
ايهم..شبيج يمعوده خلي نفتهم شيريد
اني...وين فهد صيحه اريده ..
ايهم...هسا بس فهد يحميج ولج مو بعينج احنه ..
اني...اوهووو ايهم اريد فهد ..
امداني شكد فگر والله فلا راح تعدي على خير
دقايق واجه فهد..گال ها غاليه
مديتله ايدي...گتله روحي الك بس لتعوفني وحدي اني خايفه والله خايفه ..
فهد...نزل گعد يمي گال...تخافين واني موجود ؟
اني...اي والله خايفه ..
فهد...غاليه اذا هسه نعقد عقد سيد واجيب شيخ مدام الكل هنا الج نفس ؟؟
اني...صفنت ممصدگة راح يقبل يعقد عليه بعد الفيديو .. هزيت راسي بمعنى اي بس بعدني مصدومه ..

ام فهد...اي يمه احسن عفيه عليك
ماما...اي يمه حتى تبقى تحت عينك ..
گام فهد وراح للاستقبال الظاهر شاف همام ..
لان سمعناه يگله انت حمار وماعندك شرف وگاموا يتعاركون ..
گوووووه گعدوهم ..
اشرت لفاتن گلتلها فدوة گوميني يم الباب بس اسمع حبابه ..
فاتن يمكن انكسر گلبها عليه گالت اي بعيني تعاي بس على كيفج .. بقلمي الكاتبة شمس
گلتلها شكرا
فاتن...تنفست حيل وگالت لتخافين احنه هنا ميگدر يجي عليج همام ..
اني..بستها من خدها وهي طبطبت على كتفي
گوووه گعدو فهد وهمام ..