في لحظة 🚫♥️

بارت 20 والاخيييير

مساء السكر على احلى قرآء 😘
/// البارت عشرون والاخيييير///
#في_لحظة 🚫♥️
#بقلمي_الكاتبة_شمس ..

فهد...
بعد ماخبلتني بنت عمي بسوالفها وعنادها ..
وراسها والف سيف ..
ماتقبل بيه ولاتتزوجني الا اطلگ نور ..
واني منطي عهد الابوها ..
يمر كم شهر يله ..
وهاي سمعة بنيه ولازم استرها ..

الولد ومرت عمي اصروا نتعشا يمهم ..
بس اني طلعتلي شغلة وترخصت ..

خلصت شغلي ورجعت البيتنا ..
وشفت نور ترش مي بباب المطبخ والطارمه وجاي تسمح البيت ..

استغربت ..
شافتني ارتبكت ..
فهد .. شتسوين ..
نور .. هااا حارة وجاي ارش الطارمه ..

باوعت للمي مخليته ببطل ..
والمي بي مثل التراب ..
ولازمه البطل بوصله مو بيدها ..

فهد .. وترشين الطارمه بهذا الماي الخابط ..
نور..هاي شبيك
فهد...لزمتها من شعرها وسحبتها للبيت ..
تذكرت غاليه من تگول نور مسويتلك سحر .
وكنت مااصدگ او احاول مااصدگ ..
لأن اگول بعدهي صغيره وين تعرف هاي السوالف ..
ولان صغيره ضحك عليها كلب واخذها وانهزم ..

دخلت واني اسحب بنور من شعرها ..
وسمعت صوت فاتن وتعيط بالغرفه ..
وتگول .. والله يموتج اذا دروا ..

استغربت ..
ذبيت نور من ايدي ورحت للغرفه .
دفرتها ..
شفت فاتن لازمة سهى وتضرب بيها ..

فهد...ولجن شكو ??
فاتن...تعاااااااال يول خيي نصيبه ببيتنا.. وتعيط
طلعنا مربين حياية ببيتنا ..
فضيحة خيي فضيحة ..
فهد...فهميني شكو يولي ولاتعيطين ترى سودنتيني ..

فاتن... اختك سهيوة ونور طلعن متفقات على غاليه يردن يوگعنها بتهيمه ويخلصن منها ..

فهد .. هنا افترت الدنيا بيه ..
نور رادت تنهزم .
وركضت عليها .
جريتها من شعرها ودخلتها ضرب للغرفه .
ومن غير مااعرف شني السالفه ..
بس مبين وراها نصيبه جبيرة ..

فهد .. كملي فاتن شمصخمات ذني ..

انتو رحتوا البيت عمي .. وخابر ابوي گال عشانا هناك ..
گلتلهن اهلي مايجون لليل ..
اني داخله اسبح ..
شفتهن تبسمن وحده للثانيه ..
حسيت وراهن سالفه ..
اخذت ملابسي ودخلت ..
فتحت الماي ..
وخليت خمس دقايق وطلعت ..
وسمعتهن يسولفن ..
وطلعن هنه الي مدبرات شغلة الخصله والغراض ..
شوف تلفون سهى بي رقم حتى ياسر ابن خال مريم

فهد...اني انجنيت تخبلت لزمت سهى سحلتهااااااا للهول ونور دتاخذ جنطتها وتنهزم وركضت عليها لزمتهن اثنينهن وصحت فاتن
فهد... وهاي شجانت تسوي بالماي ..

فاتن .. ماادري بس سمعت نور تگول لسهى كملتي ؟ وسهى تكول لنور سويتي المي ؟
وسهى رجعت تكول لنور..نور ليروح ياسر يعترف علينه
نور...لا لتخافين نطيته حجول امي الذهب سديت حلكه