في لحظة 🚫♥️

بارت12

/// البارت الثاني عشر ///
#في_لحظة 🚫♥️
#بقلمي_الكاتبة_شمس ..

اعذر غيرتي .. ‏لا اقوى بأن يشاركني احداً بك، ولو بنظره.
️كأنك خلقت لترضيني كأنك خلقت لقلبي ..
‏سبعُون الف قُبله لتاريخ جمعني بك ' ❤️

غالية….
گمت اني صبيت غده وخليته بالمطبخ ..
ورحت صحت فهد گتله تعال ابن عمي الغده جاهز ..

اجه فهد فات للمطبخ ولابس دشداشه شكري طالع يخبل بيها گال...غاليه عوفچ من نور ..

اني...ها يعني هسه اني العايله
فهد..مگلت هيج بس لتردين عليها ..
اني...لا والله ارد بعد ما اسكت على حقي
فهد....عفيه بس مو تردين للتفاهه .. انتي تدرين بگلبي منو بي .. لاتردين ع الحجي والتفاهات ..

دخلت نور للمطبخ ..
گالت اگلك فهودي ..
اريد احجي وياك بموضوع بس لوحدنه ..
فهد...احچي
نور..لا وحدنه
اني بقيت صافنة عليها شلون تتماوع الفهد ...
تعمدت گعدت گبال فهد وگمت اكل ولااااا اهتميت لكلامها گتله فهد تريد ببسي ..
فهد...انطيني اي والله ..

گمت جبت ببسي شو هاي جرت الكرسي مالتي وگعدت بي باوعت عليها گلتلها بلا زحمه هذا مكاني ..
نور...المكان مو حجز
اني...اني مااعرف الا بمكاني
نور...اي مو ع اساس صارلج سنين بالبيت هنا وهذا مكانج
اني....هسه شرايده حضرتج ؟

فهد...أشووو انتن ماتحترمن صار ساعه تحجن ..
ولا عبالك اني گاعد ..
نور...هاي شبيك فهودي مو گتلك اريدك بموضوع..
فهد... شنو فهودي ولج ..
وبعدين گتلج احجي ومحجيتي هسه خليني اتغده وروحي يم البنات اخلص غده ومن اكمل عود سولفي .

اني..افيييييش مي بارد على گلبي هاي ضاجت وگامت ضحكت وگعدت بمكاني وطلعت هي ..
گتله لفهد...دخيلوووووو لأبن عمي انا
فهد...انلصمي .. ويضحك ..
اني....هههههههههههههه المهم رجعلي مكاني
فهد...ديري بالج ليطير المكان
اني...اطير وياه غير
فهد...باع اللسااااان طلع ..
اني...شعبالك والله التتقرب منك اكلها بسنوني
فهد...اگلج والله عجبتني غيرتج عليه ..
انوب يوميه اخلي نور تجي اذا هيج تغارين ..
اني...اي اي دسويها وشوف شسوي
فهد...ضربني على خدي خفيف وضحك هههه

ماخلاني اكل من سوالفه ..
ساعه يتغزل وساعه يتمازح خبلني ..
ودور عاند الا اوكلج بيدي ..
گام يسويلي لفات وينطيني ..
واني بيني وبينكم فرحت ..
حتى بلكي تشوفنا نور .
وتفك عنه لان الظاهر لازگه بي وممصدگه ..

كملنا غده وشلت المواعين ..
وراح فهد عرفت راح لنور خلصت بسرعه ورحت وراه لگيتهم گاعدين بالهول الداخلي ونور لازگه يم فهد عوزها شويه وتگعد بحضنه وتتنعوص ..

اني صدگ ضجت يعني حتى محسب حسابي اذا اشوفهم
صعدت بوجهي للغرفه جان ادزله مسج كتله گعدها بحضنك فدنوب ..

ظليت اروح واجي بالغرفه واني گلبي نار ..
اووووف يغاليه . شورطج وحبيتيه هي هاي تاليتها ..
اندگ باب الغرفه فتحته ..
فهد...شبيج مخبله انتي ..
اني...اي مخبله .. هو اني لو انت
فهد...لج غااااليه گتلج من تحاجيني احترمي
اني...شسويت ؟ لو تريدني قالب ثلج بدون مشاعر
روح فهد يم بنت خالتك هي اقربلك مني حتى خواتك رايديها روح ..